တၢ်ကတိၤဒိ. 7:23 - Sgaw Karen Common Bible

²³ ဖဲပျၢ်တဘ့ၣ်ကဆဲးထူၣ်ဖျိအသးန့ၣ်လီၤ. အဝဲလီၤဂာ်ဒ်ထိၣ်တဘ့ၣ်လၢအလဲၤနုာ်ဆူပှာ်ဧိၤစၤဧိၤအအိၣ် အသိးလီၤ. အဝဲတသ့ၣ်ညါဝဲလၢအသးသမူအိၣ်လၢတၢ်လီၤဘၣ်ယိာ်ဘၣ်ဘီ အပူၤဘၣ်.

တၢ်ကတိၤဒိ. 7:23 Iomraidhean Croise

တၢ်ကတိၤဒိ. 1:17

ဖဲထိၣ်လၢနသးအိၣ်ဖီၣ်အီၤကွၢ်နၤအဖၢမုၢ်န့ၣ်, နပာ်လီၤပှာ်ဧိၤစၤဧိၤကလီကလီလီၤ.

တၢ်ကတိၤဒိ. 6:26

ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.

တၢ်ကတိၤဒိ. 6:32

မ့မ့ၢ်ပှၤတဂၤလၢအအဲၣ်ဘၢတၢ်န့ၣ်အသးတဆးဘၣ်နီတစဲးဘၣ်. အဝဲမၤဟးဂီၤလီၤအသးဒၣ်ဝဲန့ၣ်လီၤ.

တၢ်ကတိၤဒိ. 7:22

တကီၢ်ခါအဝဲပိာ်ထီၣ်ပိာ်မုၣ်အံၤအခံဒ်ကျီၢ်တဒုဘၣ်တၢ်စိာ်အီၤ ဆူတၢ်မၤသံအလီၢ်အသိး, ဒီးဒ်တၤဟိတဒုစံၣ်နုာ်ဆူပျံၤသကွီၤ ပူၤအသိး,

တၢ်ကတိၤဒိ. 9:18

ပှၤလၢအဝဲမၤန့ၢ်ဝဲတဖၣ်န့ၣ်, တသ့ၣ်ညါဝဲလၢပှၤလဲၤနုာ်လီၤဆူ အဟံၣ်ပူၤတဖၣ်သံဝဲ, ဒီးလၢပှၤလၢအလဲၤနုာ်လီၤတ့ၢ်လံတဖၣ်န့ၣ် အခဲအံၤလီၤဘျၢလၢဟီၣ်ခိၣ်တၢ်သံအကီၢ်ပူၤလံန့ၣ်ဘၣ်လီၤ.

လံာ်ပှၤစံၣ်တဲၤတဲလီၤတၢ် 7:26

ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

လံာ်ပှၤစံၣ်တဲၤတဲလီၤတၢ် 9:12

နတသ့ၣ်ညါနဆၢကတီၢ်ကတုၤအိၣ်နၤခဲလဲၣ်န့ၣ်ဘၣ်. ဒ်ထိၣ်တဖၣ်ဘၣ်တၢ်ဖီၣ်န့ၢ်အီၤသတူၢ်ကလာ်လၢပျံၤသကွီၤအသိး, ဒီးဒ်ဒ့ၣ်ဧိၤညၣ်ဧိၤဘၣ်တၢ်ဖီၣ်န့ၢ်အီၤလၢပှာ်ဧိၤစၤဧိၤအသိး န့ၣ်, ပဘၣ်တ့ၢ်ထုလၢဆၢကတီၢ်အၢသီတနီၤအပူၤဖဲပတမုၢ်လၢ်အီၤ အခါန့ၣ်လီၤ.