တၢ်ကတိၤဒိ. 7:2 - Sgaw Karen Common Bible

² မၤဒ်ယတဲနၤဒီးနကမူလီၤ. ဒီးပာ်သူၣ်ပာ်သးလၢနကမၤထွဲယတၢ် သိၣ်လိထဲသိးသိးဒီးနကဟုကယာ်နမဲာ်ပှၤဖိအသိးန့ၣ်တက့ၢ်.

တၢ်ကတိၤဒိ. 7:2 Iomraidhean Croise

စံးထီၣ်ပတြၢၤ 119:144

နတၢ်အုၣ်နသးတဖၣ်န့ၣ် မ့ၢ်တၢ်တီတၢ်လိၤထီဘိလီၤ. ဒုးနၢ်ပၢၢ်ယၤတက့ၢ်, ဒီးယကမူလီၤ.

စံးထီၣ်ပတြၢၤ 17:8

ကဟုကယာ်ယၤဒ်နမဲာ်ပှၤဖိအသိးန့ၣ်တက့ၢ်. ပာ်ခူသူၣ်ယၤလၢနဒံးဆ့အကဒုဖီလာ်,

တၢ်ကတိၤဒိ. 4:13

သ့ၣ်နီၣ်တၢ်လၢနမၤလိတ့ၢ်တဖၣ်ထီဘိတက့ၢ်. နတၢ်မၤလိမၤဒိးန့ၣ်မ့ၢ်နတၢ်မူလီၤ.

တၢ်ကတိၤဒိ. 4:21

ပျဲအလဲၤပူၤကွံာ်နၤနီတစုတဂ့ၤ. သ့ၣ်နီၣ်ထီၣ်အီၤဒီးပၢၤ အီၤလၢနသးကံၢ်ပူၤတက့ၢ်.

တၢ်ကတိၤဒိ. 4:4

ယပၢ်သိၣ်လိသီလိယၤလီၤ. အဝဲစံးဝဲ, “သ့ၣ်နီၣ်ထီၣ်တၢ်လၢ ယစံးဘၣ်နၤဒီးသးပ့ၤနီၣ်အီၤနီတစုတဂ့ၤ. မၤဒ်ယစံးဘၣ်နၤအသိးဒီးနကမူလီၤ.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယံးရမံယၤ 38:20

ယစံးယဲ, “နတဘၣ်တၢ်ဟ့ၣ်လီၤကွံာ် နၤဆူအဝဲသ့ၣ်အစုပူၤဘၣ်. ယဃ့ကညးနၤလၢ နကစူၢ်ယွၤအတၢ်ကစီၣ်န့ၣ်လီၤ. အန့ၣ်ဒီး, တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ နဂီၢ်, ဒီးနသးသမူကပူၤဝဲလီၤ.

လံာ်တၢ်ဘူၣ်ထီၣ်ဘါထီၣ် 18:5

တိၢ်န့ၢ်ယလုၢ်ယလၢ်တဖၣ်ဒီးယတၢ်သိၣ်တၢ်သီလၢယဟ့ၣ်သု န့ၣ်တက့ၢ်. သုမ့ၢ်မၤဒ်န့ၣ်ဒီးသုကအုၣ်က့ၤခီၣ်က့ၤသုသးသမူန့ၣ်လီၤ. ယဲဒၣ်အံၤယမ့ၢ်ယွၤန့ၣ်လီၤ.”

လံာ်စကၤရယၤ 2:8

ပှၤတဂၤဂ့ၤတဂၤဂ့ၤလၢအတီၢ်သုန့ၣ်မ့ၢ်အတီၢ်တၢ်လၢ အလုၢ်ဒိၣ်ပှ့ၤဒိၣ်ကတၢၢ်လၢယဂီၢ်န့ၣ်လီၤ.” လၢတၢ်န့ၣ်အဃိယွၤသ့တၢ်လၢာ်မၢလီၤ ယၤအိၣ်ဒီးတၢ်ကစီၣ်အံၤလၢပှၤကလုာ်တဖၣ်လၢအဂုာ်ဆူၣ် ပျီဆူၣ်အပှၤဂီၢ်မုၢ်အဂီၢ်ဒ်အံၤ,

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

လံာ်ယိၤဟၣ် 15:14

ဒီးသုမ့ၢ်မၤတၢ်လၢယမၤလိာ်သုဒီး, သုမ့ၢ်ယတံၤယသကိး တဖၣ်န့ၣ်လီၤ.

လံာ်သိၣ်လီၤသီလီၤတၢ် 32:10

အဝဲထံၣ်ဘၣ်အဝဲသ့ၣ်ဟးဝ့ၤဝီၤတၢ်ခီဖျိပှၢ်မုၢ်ကနၢ, တၢ်အိၣ်သယုၢ်အလီၢ်တပူၤ, ပှၢ်မုၢ်ကနၢဖဲကလံၤအူတၢ်န့ၣ်လီၤ. အဝဲဒီဒၣ်အိၣ်ပှိၤတ့ၢ်အဝဲသ့ၣ်ဒီးကဟုကယာ်အံးထွဲကွၢ်ထွဲ အဝဲသ့ၣ်, ဒ်အဝဲကဒီဒၣ်အိၣ်ပှိၤလီၤက့ၤအသးဒၣ်ဝဲအသိးန့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.