တၢ်ကတိၤဒိ. 7:10 - Sgaw Karen Common Bible

¹⁰ ဒီးပိာ်မုၣ်အံၤသဂၢၢ်တ့ၢ်အီၤ, ကူသိးတ့ၢ်တၢ်ဒ်ဃဲသဲမုၣ်တဂၤ အသိးဒီးမၤအတၢ်ကူၣ်တၢ်ကျဲၤတဖၣ်န့ၣ်လီၤ.

တၢ်ကတိၤဒိ. 7:10 Iomraidhean Croise

လံာ်တၢ်ကဲထီၣ်အခီၣ်ထံး 3:1

ဒီးတၢ်လၢဂုၢ်န့ၣ်မ့ၢ်ဆၣ်ဖိကီၢ်ဖိလၢကူၣ်လီတၢ်အသ့ကတၢၢ်လၢ ယွၤ, ကစၢ်ယွၤတ့လီၤန့ၣ်လီၤ. ဒီးဂုၢ်န့ၣ်သံကွၢ်ပိာ်မုၣ်, “မ့ၢ်ကစၢ် ယွၤတဲဘၣ်သုသပှၢ်တၢၢ်လၢသုတဘၣ်အီၣ်သ့ၣ်သၣ်လၢသ့ၣ်တထံးလၢ်လၢ် လၢတၤသၣ်လီၢ်အပူၤန့ၣ်ဧါ.”

လံာ်စီၤပၤခံဘ့ၣ်တဘ့ၣ် 9:22

စီၤယဟိရၣ်သံကွၢ်အီၤ, “နဟဲလၢတၢ်ဃူတၢ်ဖိးအပူၤဧါ.” စီၤယ့ၤဟူစံးဆၢဝဲ “ဖဲပအိၣ်ဒံးဒၣ်ဒီးတၢ်သမူပယၢ်အတၢ်မၤ ဒီးတၢ်မၤကမၣ်မုၣ်ကမၣ်ခွါလၢနမိၢ်နီၢ်အံၤစ့ဘ့ၤလးစးထီၣ် ဝဲအံၤန့ၣ်တၢ်ဃူတၢ်ဖိးအိၣ်ကသ့ဒ်လဲၣ်.”

လံာ်စီၤပၤခံဘ့ၣ်တဘ့ၣ် 9:30

စီၤယ့ၤဟူလဲၤတုၤဝဲဆူဝ့ၢ်ယံးစရ့လးန့ၣ်လီၤ. နီၢ်အံၤစ့ဘ့ၤလးနၢ်ဟူဘၣ်တၢ်မၤတ့ၢ်လံအသးန့ၣ်အဃိ, တိၤဃံလၤထီၣ်အမဲာ်ဖံး, ကတဲာ်ကတီၤအခိၣ်သူဒီးဆၢထၢၣ်ကွၢ်လီၤ တၢ်လၢနူၢ်ဧိၤစီၤဧိၤအပဲတြီဖိတဘ့ၣ်အပူၤဆူကျဲမုၢ်ခိၣ်န့ၣ်လီၤ.

တၢ်ကတိၤဒိ. 23:28

အဝဲသ့ၣ်အိၣ်ခိးနၤဒ်တမျိၤတမျာ်တဖၣ်အသိးဒီးဒုးကဲထီၣ်ပှၤ အါဂၤလၢပှၤအသးတတီန့ၣ်လီၤ.

လံာ်ယၡါယၤ 23:16

ဟံးန့ၢ်တနၢ်, လဲၤတရံးဝ့ၢ်, နၤပှၤဃဲသဲမုၣ်လၢတၢ်သးပ့ၤနီၣ်အီၤတဂၤဧၢ, ဒ့ဒီးသးဝံၣ်ကဒီးနတၢ်သးဝံၣ်တဖၣ်, လၢတၢ်ကိးကဒါက့ၤပှၤပိာ်ခွါတဖၣ် လၢခံတဘျီအဂီၢ်တက့ၢ်.

လံာ်ယံးရမံယၤ 4:30

ဝ့ၢ်ယရူၤၡလ့ၣ်ဧၢ, နဘၣ်တၢ်စံၣ်ညီၣ်ဃါမနၤလီၤ. နကူထီၣ်ကၤထီၣ်လၢတၢ်ဂီၤဆှုၣ်ကလာ်ဘၣ်မနုၤအဃိလဲၣ်. နတကယၢကယဲနသးလၢတၢ်မျၢ်ပလဲ, ခဲၣ်နမဲာ်ချံတဖၣ်ဘၣ်မနုၤအဃိ လဲၣ်. နမၤဃံမၤလၤနသးကလီကလီလီၤ. ပှၤလၢအအဲၣ်နၤတဖၣ်ညိကွံာ်တ့ၢ်လံနၤ ဒီးသးအိၣ်မၤသံနၤလီၤ.

၁ တံၤမသ့း 2:9

ယသးအိၣ်စ့ၢ်ကီးလၢပိာ်မုၣ်တဖၣ်ကပာ်အသးသညူးသပှၢ်ဒီး ကပလီၢ်သူၣ်ပလီၢ်သးလၢအတၢ်ကူတၢ်သိးတဖၣ်ဒီးကကူ တၢ်ကၤတၢ်လၢအကြၢးအဘၣ်, ဒီးအသုတကယၢကယဲအခိၣ်လၢတၢ်သံၣ်ခိၣ်သူ, ဒီးတၢ်ဆှီးထီၣ်အခိၣ်လၢထူဧိၤလွဲဧိၤဒီးတၢ်မျၢ်ပလဲ တဖၣ်, ဒီးအသုတကူကၤတၢ်ကူတၢ်ကၤလၢအပှ့ၤဒိၣ် တဖၣ်တဂ့ၤ.