တၢ်ကတိၤဒိ. 6:29 - Sgaw Karen Common Bible

²⁹ တၢ်မံဃုာ်ဒီးပှၤအဂၤတဂၤအမါန့ၣ်မ့ၢ်တၢ်လၢအလီၤပျံၤလီၤဖုး ဒ်န့ၣ်အသိးလီၤ. ပှၤလၢအမၤတၢ်အံၤတဂၤလၢ်လၢ်န့ၣ်ကတူၢ်ဘၣ်ဝဲလီၤ.

တၢ်ကတိၤဒိ. 6:29 Iomraidhean Croise

လံာ်တၢ်ကဲထီၣ်အခီၣ်ထံး 20:2

အဝဲစံးလၢအမါနီၢ်စၤရါန့ၣ်မ့ၢ်အဒီပုၢ်ဝဲၢ်မုၣ်န့ၣ်လီၤ. လၢတၢ်န့ၣ်အဃိဝ့ၢ်ကရၢ်အစီၤပၤစီၤအဘံၤမလ့းမၢပှၤဟဲစိာ်န့ၢ် နီၢ်စၤရါဆူအအိၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 11:27

ဖဲတၢ်ဟီၣ်တၢ်ယၢၤအကတီၢ်ဝံၤဝဲန့ၣ် စီၤဒၤဝံးမၢပှၤဟဲကိးပိာ်မုၣ်န့ၣ်ဆူနီပူၤလီၤ. ပိာ်မုၣ်န့ၣ်ကဲထီၣ်အမါဒီးဆံးစၢ်န့ၢ်အီၤဖိခွါတဂၤလီၤ. ဘၣ်ဆၣ်ဒီးတၢ်လၢစီၤဒၤဝံးမၤတ့ၢ်အံၤ တဘၣ်ယွၤအသးဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 16:21

စီၤအဃံသဖ့ၤလးစံးဆၢဝဲဒၣ်, “လဲၤဒီးမံဃုာ်ဂဲၤဃုာ်ဒီး နပၢ်အသံၣ်မါတဖၣ်လၢအပာ်လီၤတဲာ်တ့ၢ်ဝဲဒ်သိးအကကွၢ်ထွဲ စီၤလိၣ်စီၤပၤအနူၢ်အစီၤအဂီၢ်န့ၣ်တက့ၢ်. တုၤနုၤတစု, ပှၤကိးဂၤဒဲးလၢကီၢ်အံၣ်စရ့လးအပူၤကသ့ၣ်ညါဝဲလၢ နပၢ်ပာ်နၤဒ်အဒုၣ်အဒါတဂၤအသိးဒီးပှၤပိာ်နခံတဖၣ်အသး အဂံၢ်အဘါကဆူၣ်ထီၣ်ဝဲလီၤ.”

လံာ်တၢ်ဟးထီၣ်ကွံာ် 20:17

သးကွံပှၤဂၤတဂၤအဟံၣ်တဂ့ၤ. သးကွံအမါ, အကုၢ်တဖၣ်, အဂီၤဘုၣ်ဂီၤဖံး, အကသ့ၣ်ယီၤတဖၣ်, ဒီးတၢ်တမံၤလၢ်လၢ်လၢအဘၣ် ဃးဒီးအီၤန့ၣ်တဂ့ၤ.”

တၢ်ကတိၤဒိ. 16:5

ယွၤသးဟ့ပှၤကိးဂၤဒဲးလၢအပာ်ထီၣ်ထီအသးဒီးတပျဲပူၤကွံာ် အဝဲသ့ၣ်လၢတၢ်စံၣ်ညီၣ်နီတစုဘၣ်.

တၢ်ကတိၤဒိ. 6:28

နလဲၤတၢ်လၢမ့ၣ်အူကဖးတဖၣ်အဖီခိၣ်ဒီးမ့ၣ်အူတအီၣ်နခီၣ်န့ၣ်ဘၣ် ကသ့ဧါ.

လံာ်ယဃ့းစက့လး 18:6

အဝဲတဘူၣ်ထီၣ်ဘါထီၣ်ပှၤအံၣ်စရ့လးဖိတဖၣ်အတၢ်ဂီၤတၢ်ဖီၣ် တဖၣ်မ့ၢ်ဂ့ၤ, တအီၣ်တၢ်လုၢ်တၢ်ပာ်တဖၣ်လၢအဘၣ်တၢ်လုၢ်ထီၣ်အီၤလၢတၢ်လုၢ်လီၢ်လၢ တၢ်တြီအီၤတဖၣ်မ့ၢ်ဂ့ၤန့ၣ်ဘၣ်. အဝဲတကလံာ်န့ၢ်ဘၣ်ပှၤအဂၤတဂၤ အမါမ့ၢ်ဂ့ၤ, မံဃုာ်ဂဲၤဃုာ်ဒီးပိာ်မုၣ်တဂၤဖဲအလုၢ် အလၢ်ဟဲဝဲအဆၢကတီၢ်မ့ၢ်ဂ့ၤန့ၣ်ဘၣ်.

လံာ်ယဃ့းစက့လး 22:11

အဝဲသ့ၣ်တနီၤမၤတၢ်မၤကမၣ်မုၣ်ကမၣ်ခွါ, ဒီးအဂၤတနီၤ ကလံာ်န့ၢ်အဒဲၣ်မုၣ်ဒၣ်ဝဲမ့ၢ်ဂ့ၤအဒီပုၢ်ဝဲၢ်မုၣ်လၢအမ့ၢ်အပၢ် အဖိမုၣ်ဘၣ်ဆၣ်အမိၢ်တမ့ၢ်တဂၤဃီဒီးအဝဲအမိၢ်ဘၣ်မ့ၢ်ဂ့ၤန့ၣ်လီၤ.

လံာ်ယဃ့းစက့လး 33:26

သုသန့ၤထီၣ်သုသးလၢသုနးတဖၣ်န့ၣ်လီၤ. သုတၢ်ဖံးတၢ်မၤ တဖၣ်လီၤသးဘၣ်အၢန့ၣ်လီၤ. ပှၤကိးဂၤဒဲးမၤတၢ်မၤကမုၣ် ကမၣ်ခွါန့ၣ်လီၤ. တၢ်မနုၤဒုးဆိကမိၣ်သုလၢကီၢ်အံၤမ့ၢ်သု တၢ်န့ၣ်လဲၣ်.

လံာ်တၢ်ဘူၣ်ထီၣ်ဘါထီၣ် 18:20

သုတမံဃုာ်ဒီးပှၤလၢနဃၢၤအမါန့ၣ်တဂ့ၤ. တၢ်န့ၣ်ကမၤတ ကဆှီနၤဒ်တၢ်ဘူၣ်တၢ်ဘါအလုၢ်အလၢ်အိၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 20:10

ဒီးပှၤလၢအအဲၣ်ဘၢအမါဒီးမံဃုာ်ဒီးပှၤလၢအဃၢၤအမါန့ၣ်, ကဘၣ်တၢ်မၤသံကွံာ်အီၤခံဂၤလိာ်လီၤ.

လံာ်မၤလကံ 3:5

ယွၤသ့တၢ်လၢာ်စံးဝဲ, “ယကလီၣ်ဖျါထီၣ်ယသးလၢသုကျါလၢယကစံၣ်ညီၣ်တၢ်, ဒီးယကအုၣ်ယသးတကီၢ်ခါထီဒါပှၤလၢအမၤကဒါပှၤမဲာ်, ထီဒါပှၤအဲၣ်ဘၢမါအဲၣ်ဘၢဝၤ, ထီဒါပှၤအုၣ်အသးကဘျံးကဘျၣ်, ပှၤလၢအလီန့ၢ်ပှၤမၤတၢ်ဖိလၢအဘူးအလဲတဖၣ်အပူၤ, ဒီးပှၤလၢအဟံးန့ၢ်တၢ်ခွဲးတၢ်ယာ်လၢပှၤမုၣ်ကမဲ, ပှၤဖိၣ်ဃဲတဖၣ်ဒီးပှၤတခီဘီမုၢ်ဖိတဖၣ် အဖီခိၣ်ဒီးထီဒါကယဲၢ်ပှၤလၢအတယူးယီၣ်ပာ်ကဲဘၣ်ယၤတဖၣ် န့ၣ်လီၤ.

1 ကရံၣ်သူး 7:1

အခဲအံၤ, ပကကွၢ်ဆိကမိၣ်ဘၣ်ဃးဒီးတၢ်ဂ့ၢ်တၢ်ကျိၤလၢ သုကွဲးဖျါတ့ၢ်သုဝဲတဖၣ်န့ၣ်လီၤ. ပှၤပိာ်ခွါတဂၤမ့ၢ်တန့ၢ် အမါန့ၣ်ဂ့ၤဝဲလီၤ.