တၢ်ကတိၤဒိ. 6:26 - Sgaw Karen Common Bible

²⁶ ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.

တၢ်ကတိၤဒိ. 6:26 Iomraidhean Croise

လံာ်တၢ်ကဲထီၣ်အခီၣ်ထံး 39:14

ကိးဃီၤအဟံၣ်အတၢ်ခ့တၢ်ပှၤတဖၣ်ဒီးစံးဝဲ, “ကွၢ်တၢ်အံၤတက့ၢ်. ပှၤဧ့ၤဘြံၤဖိလၢယဝၤဟဲက့ၤကိးဆူဟံၣ် တဂၤအံၤ, မၤတရီတပါပှၤလီၤ. အဝဲဟဲနုာ်ဃီၤဆူယဒၢးပူၤဒီးကျဲးစၢး မၤဆူၣ်မၤစိးယၤလီၤ. ဘၣ်ဆၣ်ဒီးယကိးကလူထီၣ်လၢယကလုၢ်ဖးဒိၣ်လီၤ.

လံာ်တၢ်ကဲထီၣ်အခီၣ်ထံး 39:7

တယံာ်ဘၣ်အလီၢ်ခံန့ၣ်, အကစၢ်အမါစးထီၣ်မဲာ်ဘၣ်စီၤယိၤသးဒီး မၢအီၤလၢကမံဃုာ်ဒီးအီၤလီၤ.

တၢ်ကတိၤဒိ. 23:28

အဝဲသ့ၣ်အိၣ်ခိးနၤဒ်တမျိၤတမျာ်တဖၣ်အသိးဒီးဒုးကဲထီၣ်ပှၤ အါဂၤလၢပှၤအသးတတီန့ၣ်လီၤ.

တၢ်ကတိၤဒိ. 29:3

နမ့ၢ်ပာ်လုၢ်ပာ်ပှ့ၤတၢ်ကူၣ်သ့ဒီး, နပၢ်ကပာ်ကဖၢလၢအသးလၢ နဃိလီၤ. တၢ်မၤလၢာ်စ့လၢပှၤဃဲသဲမုၣ်တဖၣ်အဂီၢ်န့ၣ်, မ့ၢ်တၢ်လၢာ်ကလီကလီလၢတၢ်မၢးအပူၤလီၤ.

တၢ်ကတိၤဒိ. 29:8

ပှၤလၢအတၢ်ပာ်ကဲပှၤဂၤတအိၣ်ဘၣ်တဖၣ်, ဒုးအိၣ်ထီၣ်တၢ်သဘံၣ်ဘုၣ်လၢဝ့ၢ်ဒီဝ့ၢ်ညါသ့ဝဲန့ၣ်လီၤ. မ့မ့ၢ်ပှၤလၢအကူၣ်တၢ်သ့တဖၣ်န့ၣ်, ဒုးအိၣ်ခုၣ်အိၣ်မုာ်တၢ်န့ၣ်လီၤ.

တၢ်ကတိၤဒိ. 5:10

မ့ၢ်လီၤ, ပှၤလၢသုတသ့ၣ်ညါအီၤတဖၣ်ကဟံးန့ၢ်သုတၢ်ထူးတၢ်တီၤ ခဲလၢာ်ဒီးတၢ်လၢသုမၤန့ၢ်တ့ၢ်ဝဲန့ၣ်, ကကဲထီၣ်ပှၤအဂၤတဂၤအတၢ်န့ၣ်လီၤ.

တၢ်ကတိၤဒိ. 5:9

သုမ့ၢ်မၤဒီး, ပှၤဂၤတဖၣ်ကမၤန့ၢ်တၢ်လၤကပီၤလၢတဘျီမ့ၢ်တ့ၢ် သုတၢ်, ဒီးသုကသံဝဲလၢသုသးစၢ်အဆၢကတီၢ်လၢပှၤလၢအတၢ်သးကညီၤ တအိၣ်တဖၣ်အစုပူၤန့ၣ်လီၤ.

တၢ်ကတိၤဒိ. 6:27

နစိာ်မ့ၣ်အူလၢနသးနါပှၢ်ဒီးတအီၣ်နကူနသိးတဖၣ်န့ၣ်ဘၣ်ကသ့ဧါ.

တၢ်ကတိၤဒိ. 7:23

ဖဲပျၢ်တဘ့ၣ်ကဆဲးထူၣ်ဖျိအသးန့ၣ်လီၤ. အဝဲလီၤဂာ်ဒ်ထိၣ်တဘ့ၣ်လၢအလဲၤနုာ်ဆူပှာ်ဧိၤစၤဧိၤအအိၣ် အသိးလီၤ. အဝဲတသ့ၣ်ညါဝဲလၢအသးသမူအိၣ်လၢတၢ်လီၤဘၣ်ယိာ်ဘၣ်ဘီ အပူၤဘၣ်.

လံာ်ယဃ့းစက့လး 13:18

ဒီးတဲဘၣ်အဝဲသ့ၣ်တၢ်လၢယွၤပၢဘၣ်တၢ်ခဲလၢာ်အကစၢ်စံးဘၣ် အဝဲသ့ၣ်န့ၣ်တက့ၢ်. သုဝဲပိာ်မုၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. သုဆးသုစုဒ့ကွီၤမၤကဒါပှၤမဲာ်တဖၣ်လၢပှၤကိးဂၤဒဲးအဂီၢ် ဒီးမၤနီၣ်ကျၢၢ်ဘၢခိၣ်မၤကဒါပှၤမဲာ်တဖၣ်, အကလုာ်ကလုာ်လၢပှၤကိးဂၤဒဲးကစၢထီၣ်ဝဲလၢအခိၣ်တဖၣ်အလိၤ, ဒ်သိးဒီးအဝဲသ့ၣ်ကအိၣ်ဒီးတၢ်စိကမီၤလၢပှၤဂီၢ်မုၢ်အဂၤတဖၣ် အတၢ်အိၣ်မူအဖီခိၣ်အဂီၢ်န့ၣ်လီၤ. သုသးအိၣ်မၤန့ၢ်တၢ်စိကမီၤဘၣ်ဃးဒီးတၢ်မူဒီးတၢ်သံလၢယပှၤ ဂီၢ်မုၢ်အဖီခိၣ်ဒီးသူအီၤလၢသုတၢ်ဘၣ်ဘျုးဒၣ်ဝဲအဂီၢ်န့ၣ်လီၤ.

လံာ်ယဃ့းစက့လး 13:8

လၢတၢ်န့ၣ်အဃိဒီး, ယွၤပၢဘၣ်တၢ်ခဲလၢာ်ကစၢ်စံးဘၣ်အဝဲသ့ၣ်, “သုတၢ်ကတိၤတဖၣ်န့ၣ်မ့ၢ်တၢ်လၢအတတီဘၣ်ဒီးသုတၢ်ထံၣ်လၢညါခီ သ့ၣ်တဖၣ်န့ၣ်မ့ၢ်တၢ်လီတၢ်ဝ့ၤလီၤ. ယထီဒါသုန့ၣ်လီၤ.

လံာ်လူၤကၣ် 15:30

မ့မ့ၢ်နဖိခွါတဂၤအံၤမၤလၢာ်ဂီၤနတၢ်စုလီၢ်ခီၣ်ခိၣ်ခဲလၢာ်လၢတၢ်ဂဲၤ ဃုာ်ဒီးဃဲသဲမုၣ်, ဒီးဖဲအဝဲဒၣ်ဟဲက့ၤတုၤဟံၣ်န့ၣ်နမၤသံဂီၤဖံးဖိအဘီၣ်ကတၢၢ် တဒုလၢအဝဲဒၣ်အဂီၢ်လီၤ.’

လံာ်စီၤၡမူၤအ့လးအခီၣ်ထံးတဘ့ၣ် 2:36

နစၢၤနသွဲၣ်တဂၤလၢ်လၢ်လၢအအိၣ်မူတ့ၢ်ဝဲန့ၣ်ကဘၣ်လဲၤဆူပှၤလုၢ် တၢ်အခိၣ်ဖဲန့ၣ်အအိၣ်ဒီးဃ့အီၤတိၢ်ဒီးတၢ်အီၣ်တၢ်အီ ဒီးဃ့ကညးအီၤလၢအကပျဲအမၤစၢၤ ပှၤလုၢ်တၢ်အခိၣ်တဖၣ်ဒ်သိးအကအီၣ်ဘၣ်တၢ်အီၣ်တမံၤမံၤအဂီၢ်န့ၣ်လီၤ.