တၢ်ကတိၤဒိ. 6:18 - Sgaw Karen Common Bible

¹⁸ သးလၢအဆိကမိၣ်ထီၣ်တၢ်ကူၣ်အၢကူၣ်သီ, ခီၣ်လၢအခါထီၣ်ချ့ချ့ဆူတၢ်အၢအအိၣ်,

တၢ်ကတိၤဒိ. 6:18 Iomraidhean Croise

လံာ်တၢ်ကဲထီၣ်အခီၣ်ထံး 6:5

ဒီးတုၤယွၤထံၣ်ဝဲလၢပှၤကိးဂၤဒဲးလၢဟီၣ်ခိၣ်ချၢသ့ၣ်တဖၣ် အံၤတတီတလိၤနးမး, ဒီးအတၢ်ဆိကမိၣ်ဆိကမးလၢအသးပူၤတမံၤလၢ်လၢ်မ့ၢ်ထဲတၢ်အၢတၢ် သီန့ၣ်,

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

တၢ်ကတိၤဒိ. 1:16

အဂ့ၢ်ဒ်အံၤ, အဝဲသ့ၣ်တဖၣ်အခီၣ်ဃ့ၢ်ဝဲချ့ချ့ကလဲာ်ဆူတၢ် အၢတၢ်သီအပူၤလီၤ. ဒီးအိၣ်ကတဲာ်ကတီၤအသးထီဘိလၢကမၤသံတၢ်အဂီၢ်လီၤ.

တၢ်ကတိၤဒိ. 15:26

ယွၤသးဟ့တၢ်ဆိကမိၣ်အအၢအသီတဖၣ်လီၤ. မ့မ့ၢ်အဝဲဘၣ်အသးလၢတၢ်ဒီသိၣ်ဒီမှံၤအတၢ်ကတိၤအမုာ်တဖၣ်လီၤ.

တၢ်ကတိၤဒိ. 24:2

အဝဲသ့ၣ်ခဲလၢာ်ဆိကမိၣ်ဒၣ်ထဲကဒုးအိၣ်ထီၣ်တၢ်ကီတၢ်ခဲလီၤ. ဖဲအဝဲသ့ၣ်ကတိၤတၢ်တဘျီလၢ်လၢ်န့ၣ်, ပှၤတဂၤဂၤကဘၣ်ဒိဘၣ်ထံး ဝဲန့ၣ်လီၤ.

တၢ်ကတိၤဒိ. 24:8

နမ့ၢ်ကူၣ်ကျဲၤတၢ်အၢတၢ်သီထီဘိဒီး, နမံၤကဟူထီၣ်သါလီၤလၢ နမ့ၢ်ပှၤမၤကီမၤခဲတၢ်တဂၤလီၤ.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယံးရမံယၤ 4:14

ဝ့ၢ်ယရူၤၡလ့ၣ်ဧၢ, သ့စီကွံာ်တၢ်အၢလၢနသးကံၢ်ပူၤ, ဒ်သိးနကဘၣ်တၢ်အုၣ်က့ၤခီၣ်က့ၤနၤတက့ၢ်. နကဆိကမိၣ်ထွဲဒံးနတၢ်ဆိကမိၣ်အအၢအသီတဖၣ်န့ၣ်ဆံးယံာ်လဲၣ်.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

ရိမ့ၤ 3:15

အဝဲသ့ၣ်ပ့ၢ်ချ့လၢကမၤဆါဒီးမၤသံတၢ်လီၤ.