တၢ်ကတိၤဒိ. 6:16 - Sgaw Karen Common Bible

¹⁶ တၢ်အိၣ်ဝဲဒၣ်နွံမံၤလၢယွၤသးဟ့ဒီးသးဘၣ်အၢအီၤန့ၣ်လီၤ.

တၢ်ကတိၤဒိ. 6:16 Iomraidhean Croise

လံာ်စီၤပၤခံဘ့ၣ်တဘ့ၣ် 21:16

စီၤမနၤၡ့ၤမၤသံပှၤလၢအတၢ်ကမၣ်တအိၣ်ဘၣ်တဖၣ်အါဂၤတုၤဒၣ်လဲာ် ဝ့ၢ်ယရူၤၡလ့ၣ်အကျဲတဖၣ်, ယွၤဝဲဒီးတၢ်သွံၣ်န့ၣ်လီၤ. လၢတၢ်ဆှၢဃီၤကီၢ်ယူဒၤအပှၤဂီၢ်မုၢ်ဆူတၢ်ဘါထီၣ်တၢ်ဂီၤတၢ် ဖီၣ်အပူၤဒီးဒုးမၤအဝဲသ့ၣ်တၢ်ဒဲးဘးထီဒါယွၤ, အမဲာ်ညါန့ၣ်, အဝဲမၤအါထီၣ်တၢ်အံၤန့ၣ်လီၤ.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 11:5

ယွၤမၤကွၢ်ပှၤအတီအလိၤဒီးပှၤအၢပှၤသီဒ်သိးသိး, ဒီးအဝဲသးဟ့ပှၤလၢအအဲၣ် တၢ်စုဆူၣ်ခီၣ်တကးန့ၣ်လၢာ်သူၣ်လၢာ်သးလီၤ.

စံးထီၣ်ပတြၢၤ 5:7

မ့မ့ၢ်ယဲဒၣ်အံၤ, ခီဖျိနတၢ်အဲၣ်ဂၢၢ်ကျၢၤလၢအဒိၣ်ဝဲအါဝဲန့ၣ်, ယကဟဲနုာ်ဘၣ်ဆူနဟံၣ်ပူၤ, ယကဘူၣ်ထီၣ်ဘါထီၣ်ဘၣ်နၤလၢ နတၢ်လုၢ်ဟံၣ်စီဆှံအပူၤ လၢတၢ်ပျံၤဒီးတၢ်ယူးယီၣ်ပာ်ကဲနၤအပူၤန့ၣ်လီၤ.

တၢ်ကတိၤဒိ. 11:1

ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.

တၢ်ကတိၤဒိ. 11:20

ယွၤသးဟ့ပှၤလၢအပာ်အသးအၢအၢသီသီတဖၣ်ဒီးအဲၣ်ပှၤတဖၣ် လၢအမၤတၢ်အဘၣ်လီၤ.

တၢ်ကတိၤဒိ. 12:22

ယွၤအသးဟ့ပှၤလီတၢ်တဖၣ်လီၤ. မ့မ့ၢ်ဘၣ်သူၣ်ဘၣ်သးဝဲလၢပှၤ တဖၣ်လၢအမၤတီအကလုၢ်န့ၣ်လီၤ.

တၢ်ကတိၤဒိ. 17:15

တၢ်စံၣ်ညီၣ်ဃၣ်ပှၤလၢအတၢ်ကမၣ်တအိၣ်ဘၣ်ဒီးပျၢ်ဖျဲးပှၤတတီ တလိၤန့ၣ်, မ့ၢ်တၢ်လီၤသးဟ့လၢယွၤအမဲာ်ညါခံမံၤလိာ်လီၤ.

တၢ်ကတိၤဒိ. 20:10

ယွၤသးဘၣ်အၢပှၤတဖၣ်လၢအသူစီၤပီၢ်သၣ်ဒီးနီၣ်ထိၣ်တၢ်လၢ အတတီတလိၤတဖၣ်န့ၣ်လီၤ.

တၢ်ကတိၤဒိ. 20:23

ယွၤသးဘၣ်အၢပှၤလၢအသူစီၤပီၢ်သၣ်ဒီးနီၣ်ဃီၣ်တၢ်တဖၣ်လၢ အတတီတလိၤန့ၣ်လီၤ.

တၢ်ကတိၤဒိ. 21:4

ပှၤတတီတလိၤတဖၣ်န့ၣ်ဘၣ်တၢ်ပၢအီၤလၢအတၢ်ပာ်ထီၣ်ထီအသးဒီးပာ် ကဖၢလၢအသး, ဒီးတၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 3:32

အဂ့ၢ်ဒ်အံၤ, ယွၤသးဟ့ပှၤလၢအမၤတၢ်အၢတၢ်သီလီၤ. မ့မ့ၢ်ပှၤအတီအလိၤတဖၣ်န့ၣ်တူၢ်လိာ်ဝဲဆူအတၢ်ရ့လိာ်မုာ်လိာ် အပူၤလီၤ.

တၢ်ကတိၤဒိ. 30:18

တၢ်အိၣ်ဝဲလွံၢ်မံၤလၢအလီၤသဒၢဒိၣ်ယိာ်မးလၢယကနၢ်ပၢၢ်အီၤ အဂီၢ်,

တၢ်ကတိၤဒိ. 30:21

တၢ်အိၣ်ဝဲလွံၢ်မံၤလၢဟီၣ်ခိၣ်အနီၢ်ကစၢ်ဒၣ်ဝဲတူၢ်လိာ်အီၤတသ့ ဘၣ်န့ၣ်လီၤ.

တၢ်ကတိၤဒိ. 30:24

ဆၣ်ဖိကီၢ်ဖိအိၣ်ဝဲလွံၢ်ကလုာ်လၢအလီၤသဒၢဒိၣ်ယိာ်မးလၢယဂီၢ် ဒ်သိးယကနၢ်ပၢၢ်အီၤအဂီၢ်န့ၣ်လီၤ.

တၢ်ကတိၤဒိ. 30:29

တၢ်အိၣ်ဝဲလွံၢ်မံၤဖဲနကွၢ်အဝဲသ့ၣ်ဟးထီၣ်က့ၤလီၤအခါထုး သူၣ်ထုးသးပှၤန့ၣ်လီၤ.

တၢ်ကတိၤဒိ. 6:15

လၢတၢ်အံၤအဃိ, တၢ်နးတၢ်ဖှီၣ်ဖးဒိၣ်ကလီၤဘၣ်အဝဲသ့ၣ်သတူၢ် ကလာ်ဒီးလၢတစိၢ်ဖိအတီၢ်ပူၤကဘၣ်တၢ်မၤကၢ်မၤဘျဲးအီၤဒီးတၢ် မၤဘျါက့ၤလၢအဂီၢ်တအိၣ်ဘၣ်န့ၣ်လီၤ.

တၢ်ကတိၤဒိ. 6:17

မဲာ်ကွၢ်တၢ်အိၣ်ဒီးတၢ်ပာ်ထီၣ်ထီသး, ပျ့ၤလၢအလီတၢ်, စုလၢအမၤသံပှၤလၢအတၢ်ကမၣ်တအိၣ်,

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

လံာ်ဧၤမိၣ် 1:6

ဒီးယွၤစံးဝဲဒၣ်, “ပှၤဝ့ၢ်ဂါစၤဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်စိာ်ကွံာ်ပှၤကီၢ်ဖိဒီတကီၢ်ညါဒီးဆါကွံာ်ဝဲဒ်ကုၢ် တဖၣ်အသိးဆူပှၤကီၢ်အဒိၣ်ဖိတဖၣ်အအိၣ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်ဧၤမိၣ် 2:1

ဒီးယွၤစံးဝဲဒၣ်, “ပှၤကီၢ်မိၤအးဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤတရီတပါပှၤကီၢ်အဒိၣ်ဖိအစီၤပၤခီဖျိတၢ်ဒွဲၣ်အူ ကွံာ်အီၤတုၤအကဲထီၣ်ဖၣ်ဆါန့ၣ်လီၤ.

လံာ်ဧၤမိၣ် 2:4

ဒီးယွၤစံးဝဲဒၣ်, “ပှၤကီၢ်ယူဒၤဖိတဖၣ်မၤတ့ၢ်လံတၢ်ဒဲးဘးတဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်တပာ်ကဲဘၣ်ယတၢ်သိၣ်လိဒီးတတိၢ်န့ၢ်ဘၣ် ယတၢ်မၤလိာ်တဖၣ်ဘၣ်. အဝဲသ့ၣ်ဘၣ်တၢ်ဆှၢကမၣ်တ့ၢ်လံအီၤလၢတၢ်ဂီၤတၢ်ဖီၣ်တမံၤဃီလၢ အမိၢ်ပၢ်လၢပျၢၤတဖၣ်မၤတ့ၢ်အတၢ်န့ၣ်လီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်စကၤရယၤ 8:17

ကူၣ်ကျဲၤတၢ်မၤဆါလိာ်သးတဂၤဒီးတဂၤအကျဲတဖၣ်တဂ့ၤ. ဟ့ၣ်တၢ်အုၣ်သးကဘျံးကဘျၣ်လၢတၢ်ဆိၣ်လီၤသုသးအပူၤတဂ့ၤ, ယသးဟ့တၢ်လီတၢ်ဝ့ၤ, တၢ်စံၣ်ညီၣ်တီ, ဒီးတၢ်စုဆူၣ်ခီၣ်တကးန့ၣ်လီၤ.”

လံာ်သိၣ်လီၤသီလီၤတၢ် 23:18

ကျိၣ်ဧိၤစ့ဧိၤလၢတၢ်မၤန့ၢ်အီၤလၢကျဲဒ်အံၤအသိးစ့ၢ်ကီး, တၢ်တဘၣ်ဟဲစိာ်အီၤဆူယွၤသုကစၢ်ယွၤအဟံၣ်လၢတၢ်ကမၤလၢပှဲၤတၢ် အၢၣ်လီၤတမံၤအဂီၢ်ဘၣ်. အဂ့ၢ်ဒ်အံၤ, ယွၤသးဟ့တၢ်လုၢ်လီၢ်အပှၤဃဲသဲမုၣ်တဖၣ်န့ၣ်လီၤ.

လံာ်သိၣ်လီၤသီလီၤတၢ် 24:4

လၢတၢ်ဂ့ၢ်ခံမံၤလၢာ်အပူၤန့ၣ်အဝဲအဝၤအခီၣ်ထံးတဂၤဖျီက့ၤ ကဒီးအသးဒီးအီၤတသ့ဘၣ်. အဝဲကဘၣ်ပာ်အီၤဒ်ပှၤတကဆှီဘၣ်တဂၤအသိးန့ၣ်လီၤ. အဝဲမ့ၢ်ဖျီကဒီးအသးဒီးပိာ်မုၣ်န့ၣ် ဒီးကကဲထီၣ်တၢ်ထီဒါကစၢ်ယွၤန့ၣ်လီၤ. သုတဘၣ်မၤတၢ်ဒဲးဘးလၢအလီၤပျံၤလီၤဖုးဒ်န့ၣ်တကလုာ်လၢကီၢ် လၢယွၤသုကစၢ်ယွၤဟ့ၣ်လီၤသုအပူၤန့ၣ်ဘၣ်.

လံာ်သိၣ်လီၤသီလီၤတၢ် 25:16

အဂ့ၢ်ဒ်အံၤ, ကစၢ်ယွၤသးဟ့ပှၤတဖၣ်လၢအလီတၢ်ဝ့ၤတၢ်န့ၣ်လီၤ.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.