တၢ်ကတိၤဒိ. 6:12 - Sgaw Karen Common Bible

¹² ပှၤတဂီာ်တသီၣ်, ပှၤအၢပှၤသီတဖၣ်လဲၤဝ့ၤဝီၤဒီးကတိၤ လီတၢ်လီၤ.

တၢ်ကတိၤဒိ. 6:12 Iomraidhean Croise

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 10:7

အထးခိၣ်ပှဲၤဒီးတၢ်ဆိၣ်အၢ, တၢ်လီတၢ်ဝ့ၤဒီးတၢ်ကတိၤပျံၤကတိၤဖုးတၢ်လီၤ. တၢ်ကတိၤမၤဟးဂီၤတၢ်ဒီးတၢ်ကတိၤအအၢအသီန့ၣ် ကတိၤဝဲချ့သဒံးလီၤ.

စံးထီၣ်ပတြၢၤ 101:3

ဒီး တပျဲတၢ်အၢတၢ်သီမၤအသး နီတစုဘၣ်. ပှၤတဖၣ်လၢ အဃၣ်ကွံာ်အသးယံၤဒီး ကစၢ်ယွၤအတၢ်ဖံးတၢ်မၤန့ၣ် ယသးဟ့အီၤ, ဒီးယတမၤဘၣ်အၢယသးဒီး အဝဲသ့ၣ်ဘၣ်.

စံးထီၣ်ပတြၢၤ 36:3

အထးခိၣ်အတၢ်ကတိၤမ့ၢ် တၢ်အၢတၢ်သီဒီးတၢ်လီတၢ်ဝ့ၤန့ၣ်လီၤ. အဝဲသ့ၣ်ဆိကတီၢ်လၢကမၤတၢ်လၢတၢ်ကူၣ်သ့ ဒီးတၢ်မၤဂ့ၤတၢ်န့ၣ်လီၤ.

စံးထီၣ်ပတြၢၤ 59:7

ကနၣ်အတၢ်ကတိၤတရီတပါဒီး အတၢ်မၤပျံၤမၤဖုးတဖၣ်တက့ၢ်. အပျ့ၤတဖၣ်လီၤဂာ်ဒီး နးဧိၤဘီဧိၤအိၣ်လၢ အကိာ်ပူၤဒီး ဆိကမိၣ်ဝဲလၢ ပှၤတနၢ်ဟူအီၤနီတဂၤဘၣ်လီၤ.

တၢ်ကတိၤဒိ. 10:32

ပှၤအတီအလိၤသ့ၣ်ညါတၢ်အဂ့ၤလၢကဘၣ်စံးကတိၤဝဲလီၤ. မ့မ့ၢ်, ပှၤတတီတလိၤကတိၤတၢ်တဖၣ်လၢအမၤဘၣ်ဒိဘၣ်ထံးတၢ်ထီဘိလီၤ.

တၢ်ကတိၤဒိ. 11:6

တၢ်တီတၢ်လိၤမၤပူၤဖျဲးပှၤအတီအလိၤတဂၤန့ၣ်လီၤ. မ့မ့ၢ်ပှၤတဂၤဂၤလၢတၢ်နာ်န့ၢ်အီၤတသ့ဘၣ်န့ၣ်, ဘၣ်က့ၤလၢအတၢ်သူၣ်လီသးကွံဒၣ်ဝဲအထုန့ၣ်လီၤ.

တၢ်ကတိၤဒိ. 16:27

ပှၤအၢပှၤသီတဖၣ်န့ၣ်ဃုကျဲတဖၣ်လၢကမၤဆါပှၤဂၤတဖၣ်လီၤ. အတၢ်ကတိၤတဖၣ်ဒၣ်လဲာ်အီၣ်ဂီၤတၢ်ဒ်တၢ်အၢတၢ်သီအသိးလီၤ.

တၢ်ကတိၤဒိ. 16:30

ပလီၢ်သုသးလၢပှၤတဖၣ်လၢအနံၤကမှံထီၣ်ဒီးဖျးတဆံးအမဲာ်လၢ သုတက့ၢ်. အဝဲသ့ၣ်ကူၣ်ထီၣ်တၢ်အၢတၢ်သီတမံၤမံၤလံ.

တၢ်ကတိၤဒိ. 17:4

ပှၤမၤတၢ်အၢဒိကနၣ်တၢ်ဆိကမိၣ်အအၢအသီတဖၣ်, ဒီးပှၤလီတၢ်တဖၣ်ဒိကနၣ်တၢ်လီတၢ်ဝ့ၤတဖၣ်လီၤ.

တၢ်ကတိၤဒိ. 2:12

ဒီးကတြီနၤလၢနသုတမၤကမၣ်တၢ်တဂ့ၤအဂီၢ်န့ၣ်လီၤ. အဝဲသ့ၣ်ကဟံးဃာ်နၤယံၤဒီးပှၤလၢအမၤတၢထီၣ်တၢလီၤတၢ်ခီဖျိ တၢ်လၢအစံးဝဲ,

တၢ်ကတိၤဒိ. 3:32

အဂ့ၢ်ဒ်အံၤ, ယွၤသးဟ့ပှၤလၢအမၤတၢ်အၢတၢ်သီလီၤ. မ့မ့ၢ်ပှၤအတီအလိၤတဖၣ်န့ၣ်တူၢ်လိာ်ဝဲဆူအတၢ်ရ့လိာ်မုာ်လိာ် အပူၤလီၤ.

တၢ်ကတိၤဒိ. 4:24

တၢ်တတီတလိၤန့ၣ်ကတိၤအီၤနီတစုတဂ့ၤ. မၤဘၣ်ထွဲနသးဒီးတၢ်လီတၢ်ဝ့ၤ, ဒီးတၢ်ကတိၤတဖၣ်လၢကဆှၢ ကမၣ်တၢ်နၢ်ပၢၢ်န့ၣ်တဂ့ၤ.

တၢ်ကတိၤဒိ. 6:14

ကူၣ်တၢ်အၢတထံၣ်ဃီလၢသးလၢအတမ့ၢ်တတီအပူၤ, ဒီးထိၣ်ဂဲၤထီၣ်တၢ်ကီတၢ်ခဲသကုၤဆးဒးလီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယံးရမံယၤ 24:2

နာ်အခီၣ်ထံးတဖျၢၣ်အိၣ်ဒီးချၢၣ်ဒၢသၣ်လၢအဂ့ၤတဖၣ်လၢအမံဆိ ဝဲန့ၣ်လီၤ. မ့မ့ၢ်နာ်အဂၤတဖျၢၣ်န့ၣ်အိၣ်ဒီးချၢၣ်ဒၢသၣ်လၢအတဂ့ၤ တဖၣ်, တဂ့ၤဝဲၤတုၤဒၣ်လဲာ်နအီၣ်တသ့ဘၣ်န့ၣ်လီၤ.

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

မၤတၢ် 20:30

ဆၢကတီၢ်ကတုၤဃီၤဝဲဖဲပှၤတနီၤလၢသုသိးသုကျါဒၣ်ဝဲ ကလီန့ၢ်တၢ်ဒ်သိးအကကွဲန့ၢ်လွဲန့ၢ်အပျဲၢ်အဘီၣ်တဖၣ်ဆူ အအိၣ်လီၤ.

၁ တံၤမသ့း 5:13

အဝဲသ့ၣ်မၤန့ၢ်ပှၤကၢၣ်ပှၤကျူအလုၢ်အလၢ်, ဒီးဟးဝ့ၤဝီၤဝဲ တဟံၣ်စဲတဟံၣ်, ဒီးအၢန့ၢ်အန့ၣ်, အဝဲသ့ၣ်သီၣ်ဝံသဲကလၤလၢပှၤအဂ့ၢ်ဒီးနုာ်လီၤမၤသဘံၣ်ဘုၣ် အသးလၢပှၤဂၤအတၢ်ဂ့ၢ်အပူၤ, ဒီးကတိၤတၢ်လၢအတဂ့ၤ ကတိၤဝဲတဖၣ်န့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 3:6

ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 17:28

စီၤအ့လံအာ်လၢအမ့ၢ်စီၤဒၤဝံးအဝဲၢ်အဒိၣ်ကတၢၢ်နၢ်ဟူ စီၤဒၤဝံးကတိၤတၢ်ဒီးပှၤတဖၣ်န့ၣ်လီၤ. အဝဲအသးဒိၣ်ထီၣ်ဘၣ်စီၤဒၤဝံးဒီးစံးဝဲ, “နမၤတၢ်မနုၤတမံၤဖဲအံၤန့ၣ်လဲၣ်. မတၤတဂၤအံးထွဲ ကွၢ်ထွဲနသိဖိတဖၣ်လၢပှၢ်မုၢ်ကနၢအပူၤန့ၣ်လဲၣ်. နၤအံၤနမၤသးဒ်ဖိသၣ်လၢတပာ်လ့ၢ်ပာ်ကါတၢ်အသိးလီၤ. နဟဲနဲဒ်သိးနကကွၢ်ကီတၢ်ဒုးတၢ်ယၤတမ့ၢ်ဘၣ်ဧါ.”