တၢ်ကတိၤဒိ. 5:9 - Sgaw Karen Common Bible

⁹ သုမ့ၢ်မၤဒီး, ပှၤဂၤတဖၣ်ကမၤန့ၢ်တၢ်လၤကပီၤလၢတဘျီမ့ၢ်တ့ၢ် သုတၢ်, ဒီးသုကသံဝဲလၢသုသးစၢ်အဆၢကတီၢ်လၢပှၤလၢအတၢ်သးကညီၤ တအိၣ်တဖၣ်အစုပူၤန့ၣ်လီၤ.

တၢ်ကတိၤဒိ. 5:9 Iomraidhean Croise

လံာ်စီၤနဃ့မယၤ 13:26

ယစံးဘၣ်အဝဲသ့ၣ်ဒ်အံၤ, “စီၤပၤၡလိၤမိၤမၤတၢ်ဒဲးဘးန့ၣ် မ့ၢ်လၢပှၤတခီဘီမုၢ်ဖိပိာ်မုၣ်တဖၣ်အဃိန့ၣ်လီၤ. အဝဲမ့ၢ်တ့ၢ်ပှၤတဂၤလၢအဒိၣ်န့ၢ်ကယဲၢ်ထံဧိၤကီၢ်ဧိၤအစီၤပၤ အဂၤတဖၣ်တက့ၢ်န့ၣ်လီၤ. ကစၢ်ယွၤအဲၣ်အီၤဒီးဒုးကဲထီၣ်အီၤစီၤပၤလၢကီၢ်အံၣ်စရ့လး ဒီဘ့ၣ်အဖီခိၣ်ဘၣ်ဆၣ်အဝဲလီၤတဲာ်ဆူတၢ်ဒဲးဘးအံၤအပူၤန့ၣ်လီၤ.

တၢ်ကတိၤဒိ. 31:3

မၤလၢာ်နဂံၢ်နဘါခဲလၢာ်လၢတၢ်မုာ်ဖံးမုာ်ညၣ်ဒီးနကျိၣ်နစ့ခဲ လၢာ်လၢပိာ်မုၣ်တဖၣ်အဃိတဂ့ၤ. အဝဲသ့ၣ်တဖၣ်မၤဟးဂီၤတ့ၢ် စီၤပၤတဖၣ်ဒၣ်လဲာ်လီၤ.

တၢ်ကတိၤဒိ. 5:10

မ့ၢ်လီၤ, ပှၤလၢသုတသ့ၣ်ညါအီၤတဖၣ်ကဟံးန့ၢ်သုတၢ်ထူးတၢ်တီၤ ခဲလၢာ်ဒီးတၢ်လၢသုမၤန့ၢ်တ့ၢ်ဝဲန့ၣ်, ကကဲထီၣ်ပှၤအဂၤတဂၤအတၢ်န့ၣ်လီၤ.

တၢ်ကတိၤဒိ. 5:8

ဟးဆှဲးပိာ်မုၣ်ဒ်န့ၣ်အသိးတဂၤတက့ၢ်. လဲၤဘူးဒီးအတြဲၤ ကပၤဒၣ်လဲာ်တဂ့ၤ.

တၢ်ကတိၤဒိ. 6:26

ပှၤတဂၤဒိးလဲဃဲသဲမုၣ်တဂၤလၢကိၣ်တလိၣ်အပှ့ၤသ့ဝဲ, ဘၣ်ဆၣ်တၢ်အဲၣ်ဘၢမါအဲၣ်ဘၢဝၤအပှ့ၤကလံၤန့ၣ်ကမ့ၢ်တၢ်လၢ အအိၣ်ဒီးအီၤခဲလၢာ်လီၤ.