တၢ်ကတိၤဒိ. 5:3 - Sgaw Karen Common Bible

³ အဂ့ၢ်ဒ်အံၤ, ပှၤအဂၤတဂၤအမါအနိးဖံးတဖၣ်န့ၣ်ကဆၢဝဲဒ်ကနဲစီ အသိးဒီးအတၢ်ကတိၤတဖၣ်န့ၣ်ကဘျ့ဝဲဒ်သ့ၣ်စၤယံးအသိအသိးလီၤ.

တၢ်ကတိၤဒိ. 5:3 Iomraidhean Croise

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

တၢ်ကတိၤဒိ. 2:16

နမၤပူၤဖျဲးနသးထီဒါပိာ်မုၣ်ဟးဂီၤလၢအကျဲးစၢးကလံာ်န့ၢ်နၤ ခီဖျိအတၢ်ကတိၤလၢအဘျ့ဝဲ,

တၢ်ကတိၤဒိ. 22:14

တၢ်အဲၣ်ဘၢမါအဲၣ်ဘၢဝၤန့ၣ်မ့ၢ်ပျံၤသကွီၤတခါလၢအဖီၣ်န့ၢ်ပှၤ တဖၣ်လၢယွၤသးဒိၣ်ဘၣ်အီၤန့ၣ်လီၤ.

တၢ်ကတိၤဒိ. 5:20

ယဖိခွါဧၢ, ဘၣ်မနုၤအဃိနကဟ့ၣ်နတၢ်အဲၣ်လၢပိာ်မုၣ်အဂၤတဂၤန့ၣ် လဲၣ်. ဘၣ်မနုၤအဃိနဘၣ်တၢ်ထိၣ်ဂဲၤမၤမူၤနသးလၢပှၤအဂၤတဂၤအမါ အတၢ်လီၤအဲၣ်လီၤကွံန့ၣ်လဲၣ်.

တၢ်ကတိၤဒိ. 6:24

ကတြီဃာ်နၤလၢပိာ်မုၣ်ဟးဂီၤတဖၣ်, ဒီးလၢပှၤဂၤအမါတဖၣ်အတၢ် ကတိၤကလံာ်န့ၢ်နၤန့ၣ်လီၤ.

တၢ်ကတိၤဒိ. 7:21

ဒီးပိာ်မုၣ်အံၤလ့ပစီအီၤလၢအတၢ်ဃံတၢ်လၤတဖၣ်, ဒီးအဝဲ ဟ့ၣ်လီၤကွံာ်အသးလၢတၢ်ကတိၤလၢအဘျ့မးအပူၤန့ၣ်လီၤ.

တၢ်ကတိၤဒိ. 7:5

အဝဲသ့ၣ်ကဟံးဃာ်နၤယံၤဒီးပှၤအမါတဖၣ်, ဒီးပိာ်မုၣ်တဖၣ်လၢအအိၣ်ဒီးတၢ်ကတိၤကလံာ်န့ၢ်တၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:26

ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:11

ယတၢ်အဲၣ်သးဘိဧၢ, နနိးဖံးတဖၣ်ဆၢဒ်ကနဲစီအသိး, တၢ်နုၢ်ထံဒီးကနဲစီအိၣ်ဝဲလၢနပျ့ၤအလိၤလီၤ. နတၢ်ကူတၢ်သိးတဖၣ်အိၣ်ဒီးကီၢ်လဘၤနိၣ်အတၢ်နၢမူ ခဲလၢာ်န့ၣ်လီၤ.