တၢ်ကတိၤဒိ. 5:22 - Sgaw Karen Common Bible

²² ပှၤတတီတလိၤတဂၤအတၢ်ဒဲးဘးတဖၣ်မ့ၢ်ထုတခါဒီးအဝဲဘၣ်တၢ်ဖီၣ် န့ၢ်အီၤလၢအတၢ်ဒဲးဘးဒၣ်ဝဲအပျံၤသကွီၤန့ၣ်လီၤ.

တၢ်ကတိၤဒိ. 5:22 Iomraidhean Croise

လံာ်စီၤပၤအခီၣ်ထံးတဘ့ၣ် 18:18

စီၤအ့ၤလံယၤစံးဆၢအီၤ, “ယတမ့ၢ်ဘၣ်ပှၤမၤကိၢ်မၤဂီၤတၢ် ဘၣ်. မ့ၢ်သုဝဲ, နၤဒီးနပၢ်တခီန့ၣ်လီၤ. သုတစူၢ်ဘၣ်ယွၤအတၢ်မၤ လိာ်တဖၣ်ဘၣ်ဒီးသုဘူၣ်ထီၣ်ဘါထီၣ်ဘဧၤလးအတၢ်ဂီၤတၢ်ဖီၣ်တဖၣ် န့ၣ်လီၤ.

လံာ်နီၢ်အ့ၤစတၢ် 9:25

ဘၣ်ဆၣ်နီၢ်အ့ၤစတၢ်လဲၤဆူစီၤပၤအအိၣ်ဒီးစီၤပၤရၤလီၤအတၢ် မၤလိာ်တဖၣ်လၢတၢ်ကွဲးအီၤအိၣ်ဒီးတၢ်အစၢလၢစီၤဟၤမၣ် တူၢ်ဘၣ်က့ၤအတၢ်ဘူၣ်အၢတီၢ်သီလၢအကူၣ်ကျဲၤဝဲလၢပှၤ ယူဒၤဖိတဖၣ်အဂီၢ်အဝဲဒီးအဖိခွါတဖၣ်ဘၣ်တၢ်ဘျးထီၣ် အီၤလၢသ့ၣ်အလိၤန့ၣ်လီၤ.

လံာ်စီၤယိၤဘး 18:8

အဂ့ၢ်ဒ်အံၤ, အခီၣ်ဒၣ်ဝဲဆှၢအီၤဆူစၤပူၤဒီးဟးဝ့ၤဝီၤလၢ အမၢသလၢၣ်အပူၤလီၤ.

စံးထီၣ်ပတြၢၤ 40:12

ယဘၣ်တၢ်ကဝီၤဃာ်ယၤလၢတၢ်ကိၢ်တၢ်ဂီၤတဖၣ် ဒီးအါဝဲဒိၣ်မးလၢယကဂံၢ်အီၤဒၣ်လဲာ်န့ၣ်လီၤ. ယတၢ်ဒဲးဘးသ့ၣ်တဖၣ်ချုးန့ၢ်ယၤ ဒီးယတထံၣ်တၢ်လၢၤဘၣ်. အဝဲသ့ၣ်အါန့ၢ်ဒံးယခိၣ်သူအဘိတဖၣ် ဒီးယတၢ်သူၣ်ဒူသးဒူလီၤမၢ်န့ၢ်ယၤလီၤ.

စံးထီၣ်ပတြၢၤ 9:15

ပှၤတဘူၣ်ထီၣ်ဘါထီၣ်ယွၤတဖၣ်လီၤတဲာ်နုာ်ဆူ တၢ်ပူၤလၢအခူၣ်ဝဲလီၤ. အခီၣ်ဘၣ်ဘျးလံလၢပှာ်ဧိၤစၤဧိၤလၢ အပာ်လီၤခူသူၣ်ဒၣ်ဝဲန့ၣ်လီၤ.

စံးထီၣ်ပတြၢၤ 9:17

ကယဲၢ်ပှၤကလုာ်တဖၣ်လၢအသးပ့ၤနီၣ်ကစၢ်ယွၤခဲလၢာ်, ပှၤတတီတလိၤန့ၣ်ကဘၣ်က့ၤဆူပျုၤပူၤလီၤ.

တၢ်ကတိၤဒိ. 1:18

ဘၣ်ဆၣ်ဒီးပှၤဒ်အံၤတဖၣ်ပာ်လီၤထုလၢအဂီၢ်ဒၣ်ဝဲ, ထုလၢအဝဲသ့ၣ်ကသံလၢအပူၤန့ၣ်လီၤ.

တၢ်ကတိၤဒိ. 11:3

ပှၤအဂ့ၤဘၣ်တၢ်ပၢဆှၢအီၤလၢအတၢ်တီတၢ်လိၤဒၣ်ဝဲလီၤ. ပှၤလၢတၢ်နာ်န့ၢ်အီၤတသ့ဘၣ်တဖၣ်န့ၣ်ဟးဂီၤကွံာ်လၢအတၢ်တတီ တလိၤဒၣ်ဝဲအဃိလီၤ.

တၢ်ကတိၤဒိ. 11:5

တၢ်တီတၢ်လိၤန့ၣ်မၤဖှံထီၣ်ညီထီၣ်ပှၤအဂ့ၤတဂၤအတၢ်အိၣ်မူ လီၤ. မ့မ့ၢ်, ပှၤတတီတလိၤတဂၤန့ၣ်ဒုးအိၣ်ထီၣ်အတၢ်လီၤပှီၢ်ဒၣ်ဝဲ န့ၣ်လီၤ.

တၢ်ကတိၤဒိ. 11:6

တၢ်တီတၢ်လိၤမၤပူၤဖျဲးပှၤအတီအလိၤတဂၤန့ၣ်လီၤ. မ့မ့ၢ်ပှၤတဂၤဂၤလၢတၢ်နာ်န့ၢ်အီၤတသ့ဘၣ်န့ၣ်, ဘၣ်က့ၤလၢအတၢ်သူၣ်လီသးကွံဒၣ်ဝဲအထုန့ၣ်လီၤ.

တၢ်ကတိၤဒိ. 12:14

ခိၣ်ဖးလၢနဂီၢ်သန့ၤထီၣ်အသးလၢတၢ်လၢနကတိၤဒီးတၢ်လၢနမၤအီၤ န့ၣ်လီၤ. နကဒိးန့ၢ်ဘၣ်တၢ်လၢအကြၢးဒီးနၤန့ၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

တၢ်ကတိၤဒိ. 18:7

ဖဲပှၤဟးဂီၤဖိတဂၤကတိၤတၢ်န့ၣ်, အဝဲမၤဟးဂီၤလီၤအသးဒၣ်ဝဲ လီၤ. အဝဲဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်အပျံၤ သကွီၤန့ၣ်လီၤ.

တၢ်ကတိၤဒိ. 24:12

ဘၣ်သ့ၣ်သ့ၣ်နကစံးလၢတၢ်အံၤတဘၣ်ဃးဒီးနၤဒီးတမ့ၢ်နတၢ်မၤဘၣ်, ဘၣ်ဆၣ်ယွၤသ့ၣ်ညါဒီးစံၣ်ညီၣ်နတၢ်ပာ်သူၣ်ပာ်သးတဖၣ်န့ၣ်လီၤ. အဝဲအိၣ်ခိးကွၢ်နၤဒီးသ့ၣ်ညါဝဲလီၤ. ဒီးဒ်တၢ်လၢနမၤအီၤအသိးန့ၣ်, အဝဲကဟ့ၣ်ဘျုးနၤန့ၣ်လီၤ.

တၢ်ကတိၤဒိ. 26:27

ပှၤလၢအပာ်လီၤထုတဖၣ်လၢပှၤဂၤအဂီၢ်န့ၣ်, အကစၢ်ဒၣ်ဝဲကဘၣ်က့ၤထုလီၤ. ပှၤလၢအဒုးအိၣ်ထီၣ်ဟီၣ်ခိၣ်အတၢ်လီၤလာ်န့ၣ်, အကစၢ်ဒၣ်ဝဲတၢ်ကလီၤလာ်ဒိးသံအီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 7:26

ယထံၣ်န့ၢ်တၢ်တမံၤလၢအခၣ်ဝဲဒိၣ်န့ၢ်ဒံးတၢ်သံတက့ၢ်လၢအမ့ၢ်ဝဲ ပိာ်မုၣ်လၢအလီၤဂာ်ဒ်ထုတခါအသိးန့ၣ်လီၤ. တၢ်အဲၣ်လၢအဝဲဟ့ၣ်လီၤနၤကဖီၣ်နၤဒ်ပှာ်ဧိၤစၤဧိၤအသိးလီၤ. ဒီးအဝဲစုတီၤတဖၣ်လၢအဖိးဟုဃာ်နၤန့ၣ်ကစှီၤဃာ်နၤဒ်ထးသွဲအသိးလီၤ. ပှၤလၢအမၤမုာ်ယွၤအသးန့ၣ်ကပူၤဖျဲးဒီးအီၤလီၤ. ဘၣ်ဆၣ်အဝဲကဖီၣ်န့ၢ်ပှၤတၢ်ဒဲးဘးဖိလီၤ.

လံာ်ယံးရမံယၤ 2:19

နတၢ်အၢတၢ်သီဒၣ်နဲကစံၣ်ညီၣ်နၤ, ဒီးနတၢ်ဃၣ်ကွံာ်နသးလၢယၤ ကစံၣ်ညီၣ်ဃၣ်နၤ, နတၢ်လဲၤသဒၣ်ကွံာ်ယၤဒီးနတၢ်သူၣ်တီသးရၤဒီး ယၤလၢအတအိၣ်လၢၤဘၣ်န့ၣ်, ကဒုးမၤလိန့ၢ်နၤ, တၢ်လၢအခၣ် နးမးဒီးကမၣ်ဝဲန့ၣ်လီၤ. ယၤ, ယွၤပၢဘၣ်တၢ်ခဲလၢာ်ဒီး သ့တၢ်လၢာ်ကစၢ်, ကတိၤလံတၢ်လံ.”

လံာ်သးသယုၢ်တၢ် 1:14

အဝဲကွဲးနီၣ်တ့ၢ်ကယဲၢ်ယတၢ်ဒဲးဘးတဖၣ်ဒီးစၢတံၢ်အီၤတပူၤဃီဒ် သိးသိး, ဒီးဘျးလီၤစဲၤတ့ၢ်အီၤဝးတရံးယကိာ်, ဒီးယဂံၢ်ယဘါလီၤစၢ်တ့ၢ်ဝဲလၢတၢ်ဝံတၢ်ယိးအဖီလာ်န့ၣ်လီၤ. ယွၤဟ့ၣ်လီၤတ့ၢ်ယၤဆူယဒုၣ်ယဒါတဖၣ်အစုပူၤဒီး တၢ်မၤစၢၤယၤတအိၣ်နီတမံၤလၢယကထီဒါအဝဲသ့ၣ်အဂီၢ်ဘၣ်.

လံာ်ဧိၤဘါဒယၤ 1:15

မုၢ်နံၤလၢယၤ, ယွၤကစံၣ်ညီၣ်ပှၤကလုာ်ခဲလၢာ်န့ၣ်အိၣ်ဘူးဝဲလီၤ. ဒ်နမၤတ့ၢ်နဲအသိးတၢ်ကမၤက့ၤနၤလီၤ. နတၢ်ဖံးတၢ်မၤတဖၣ်ကဟဲဘၣ်ကဒါက့ၤနၤလီၤ.

လံာ်တၢ်ဂံၢ် 32:23

ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.

ဧ့ၤဘြံၤ 13:4

မ်တၢ်န့ၢ်မါန့ၢ်ဝၤဒီးလီၢ်မံတဘၣ်အၢဘၣ်န့ၣ်, အိၣ်ဒီးအလၤကပီၤလၢပှၤခဲလၢာ်အကျါတက့ၢ်. အဂ့ၢ်ဒ်အံၤ, ကစၢ်ယွၤကစံၣ်ညီၣ်ပှၤလၢအမၤကမၣ်ပိာ်မုၣ် ပိာ်မၢၤဒီးပှၤလၢအအဲၣ်ဘၢတၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 20:41

ပှၤအံၣ်စရ့လးဖိတဖၣ်ဃၣ်တရံးက့ၤအသးဒီးပှၤဘံၣ်ယၤမံၣ်ဖိ တဖၣ်တၢ်ပျံၤတၢ်ဖုးဖးဒိၣ်လီၤဘၣ်အီၤမ့ၢ်လၢအသ့ၣ်ညါလီၤက့ၤအသး လၢကဘၣ်တၢ်မၤဟးဂီၤကွံာ်အီၤအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 9:57

ကစၢ်ယွၤဒုးတူၢ်ဘၣ်စ့ၢ်ကီးပှၤဝ့ၢ်ၡက့ၣ်ဖိအတၢ်လၢအတၢ်အၢတၢ်သီအဃိ, ဒ်စီၤကံးဒဧိၣ်အဖိခွါစီၤယိၤသၣ်ဆိၣ်အၢအဝဲသ့ၣ်အသိးန့ၣ်လီၤ.