တၢ်ကတိၤဒိ. 5:16 - Sgaw Karen Common Bible

¹⁶ ဖိသၣ်တဖၣ်လၢနမၤန့ၢ်လၢပိာ်မုၣ်အဂၤတဖၣ်န့ၣ်တမၤဂ့ၤနၤ နီတမံၤဘၣ်.

တၢ်ကတိၤဒိ. 5:16 Iomraidhean Croise

လံာ်တၢ်ကဲထီၣ်အခီၣ်ထံး 24:60

ဒီးအဝဲသ့ၣ်ဆိၣ်ဂ့ၤနီၢ်ရံးဘကၤ လၢတၢ်ကတိၤတဖၣ်အံၤလီၤ. “နဲဒၣ်ပဒီပုၢ်ဝဲၢ်မုၣ်ဧၢ, မ်နကကဲထီၣ်ပှၤအကကွဲၢ်တဖၣ်အမိၢ်တက့ၢ်. မ်နစၢၤနသွဲၣ်တဖၣ်မၤန့ၢ်မၤနၢၤအဒုၣ်အဒါတဖၣ်အဝ့ၢ်န့ၣ်တက့ၢ်.”

စံးထီၣ်ပတြၢၤ 127:3

ကွၢ်ကွၢ်, ပဖိပလံၤန့ၣ်မ့ၢ်တၢ်န့ၢ်သါဟဲလၢယွၤလီၤ. ဒီးပှၤဒၢလီၢ်အတၤသၣ်န့ၣ် မ့ၢ်တၢ်အဘူးအလဲလီၤ.

စံးထီၣ်ပတြၢၤ 128:3

နမါကမၤအသးဒ်စပံးမုၢ်လၢအသၣ်ထီၣ်တမုၢ်လၢ နဟံၣ်ပူၤအသိး, ဒီးနဖိနလံၤကမၤအသးဒ် သ့ၣ်စၤယံးအထံးသ့ၣ်တဖၣ် အိၣ်ဝးတရံးနစီၢ်နီၤခိၣ်အသိးန့ၣ်လီၤ.

စံးထီၣ်ပတြၢၤ 68:26

လၢပှၤဂီၢ်မုၢ်အကျါန့ၣ်စံးထီၣ်ပတြၢၤယွၤတက့ၢ်. “စံးထီၣ်ပတြၢၤယွၤ, သုဝဲစီၤယၤကိာ်အစၢၤအသွဲၣ်သ့ၣ်ဧၢ.”

တၢ်ကတိၤဒိ. 5:15

တီဒီးနမါဒၣ်နဲဒီးဟ့ၣ်နတၢ်အဲၣ်ထဲဆူအဝဲတဂၤဧိၤတက့ၢ်.

တၢ်ကတိၤဒိ. 5:17

နဖိဒၣ်နဲတဖၣ်ကြၢးဒိၣ်ထီၣ်ဒီးမၤစၢၤဒၣ်နၤဒီးတကြၢးမ့ၢ် လၢပှၤလၢနတသ့ၣ်ညါအီၤတဖၣ်အဂီၢ်န့ၣ်ဘၣ်.

တၢ်ကတိၤဒိ. 5:18

လၢတၢ်န့ၣ်အဃိ, သူၣ်ဖှံသးညီဒီးနမါဒၣ်နဲ, ဒီးထံၣ်န့ၢ်တၢ်သးခုလၢပှၤမုၣ်ကနီၤလၢနဖျီနသးဒီးအီၤ,

တၢ်ကတိၤဒိ. 9:17

“ထံလၢပဟုၣ်အီအီၤန့ၣ်, ဆၢဒိၣ်မးလီၤ. ကိၣ်လၢပဟုၣ်အီၣ်အီၤ န့ၣ်, ဝံၣ်ဒိၣ်တက့ၢ်လီၤ.”

လံာ်တၢ်သးဝံၣ်တဖၣ်အတၢ်သးဝံၣ် 4:12

ယတၢ်အဲၣ်ဒီးယတလးမူးပိာ်မုၣ်မ့ၢ်တၤသၣ်လီၢ်ခူသူၣ်တလီၢ်, တၤသၣ်လီၢ်လၢတၢ်ကရၢၢ်တံၢ်ဃာ်အီၤ, ဒီးထံမူထီၣ်ပၢၢ်တပူၤလၢအကစၢ်အိၣ်ဝဲ,

လံာ်တၢ်သးဝံၣ်တဖၣ်အတၢ်သးဝံၣ် 4:15

ထံမူထီၣ်ပၢၢ်တဖၣ်မၤဘၣ်စီၣ်တၤသၣ်လီၢ်, ထံကျိဖိတဖၣ်ယွၤလီၤဝဲ, ထံထီၣ်ပၢၢ်အပူၤတဖၣ်ပုာ်ထီၣ်ယွၤလီၤဟဲဝဲလၢလဘၤနိၣ်အကစၢၢ် ကလိတဖၣ်န့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်သိၣ်လီၤသီလီၤတၢ် 33:28

လၢတၢ်န့ၣ်အဃိ, စီၤယၤကိာ်အစၢၤအသွဲၣ်တဖၣ်အိၣ်ဝဲ ဆိးဝဲလၢတၢ်ဃူတၢ်မုာ်အပူၤ, အိၣ်ပူၤအိၣ်ဖျဲးဝဲလၢကီၢ် တဘ့ၣ်လၢအပှဲၤဒီးဘုဧိၤဟုဧိၤဒီးစပံးထံအပူၤ, ဖဲပစီၤထံလၢမူကပိာ်လိၤတဖၣ်မၤဘၣ်စီၣ်ဟီၣ်ခိၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 12:9

အဝဲအိၣ်ဒီးအဖိခွါအဂၤသၢဆံဒီးအဖိမုၣ်အဂၤသၢဆံန့ၣ်လီၤ. အဝဲဖျီအဖိမုၣ်ဒီးပှၤလၢအဒူၣ်အဂၤဒီးဃုန့ၢ်ပှၤပိာ်မုၣ်ဖိ အဂၤသၢဆံလၢဒူၣ်အဂၤဒ်သိးကဖျီဃုာ်ဝဲဒီးအဖိခွါတဖၣ်န့ၣ် လီၤ. စီၤအံးဘစၣ်ဆှၢပှၤအံၣ်စရ့လးဖိနွံနံၣ်န့ၣ်လီၤ.