တၢ်ကတိၤဒိ. 4:26 - Sgaw Karen Common Bible

²⁶ တၢ်လၢနမၤအီၤန့ၣ်, ရဲၣ်လီၤကျဲၤလီၤအီၤလီၤတံၢ်လီၤဆဲးတက့ၢ်. ဒီးတၢ်လၢနမၤအီၤတမံၤလၢ်လၢ်န့ၣ်ကဘၣ်ဘျီးဘၣ်ဒါဝဲလီၤ.

တၢ်ကတိၤဒိ. 4:26 Iomraidhean Croise

စံးထီၣ်ပတြၢၤ 119:5

မ်ယကျဲကအိၣ်ဂၢၢ်ဆိးကျၢၤ လၢယတၢ်တိၢ်န့ၢ်ဖံးဃာ် နတၢ်မၤလိာ်အဃိန့ၣ်တက့ၢ်.

စံးထီၣ်ပတြၢၤ 119:59

တုၤယဆိကမိၣ်ထီၣ်ယကျဲတဖၣ်န့ၣ်ဒီး, ယဃၣ်ကွံာ်ယခီၣ်ဆူ နတၢ်အုၣ်နသးတဖၣ်အအိၣ်န့ၣ်လီၤ.

စံးထီၣ်ပတြၢၤ 37:23

ယွၤနဲၣ်လိပှၤကညီအကျဲလၢကဘၣ်လဲၤဝဲ ဒီးကဟုဘံၣ်ကယာ်ဘၢပှၤလၢ အမၤမုာ်အသးန့ၣ်လီၤ.

စံးထီၣ်ပတြၢၤ 40:2

အဝဲထုးထီၣ်ကွံာ်တ့ၢ်ယၤလၢတၢ်ပူၤလၢအလီၤပျံၤ လၢတၢ်သံအမဲးလီၤဘျၢၣ်အပူၤန့ၣ်လီၤ. အဝဲပာ်ယခိၣ်လၢလၢၢ်အဖီခိၣ် ဒီးမၤဂၢၢ်မၤကျၢၤယခီၣ်အတၢ်ထွဲတဖၣ်လီၤ.

တၢ်ကတိၤဒိ. 15:21

ပှၤဟးဂီၤဖိသးခုဝဲလၢအတၢ်မၢးအပူၤလီၤ. မ့မ့ၢ်ပှၤကူၣ်သ့န့ၣ်ကမၤတၢ်လၢအဘၣ်န့ၣ်လီၤ.

တၢ်ကတိၤဒိ. 21:29

ပှၤတီပှၤလိၤတဖၣ်နာ်လီၤအသးကျၢၤမူဆှုလီၤ. မ့မ့ၢ်, ပှၤတတီတလိၤတဖၣ်ကဘၣ်ပာ်မၤအသးအဂ့ၤကတၢၢ်တသ့ဖဲအသ့ န့ၣ်လီၤ.

တၢ်ကတိၤဒိ. 23:19

ဒိးနနၢ်, ယဖိခွါဧၢ, ကဲထီၣ်ပှၤကူၣ်သ့ဒီးနတၢ်အိၣ်မူကျဲ န့ၣ်, ကွၢ်ထံဆိကမိၣ်အီၤဒိၣ်ဒိၣ်ယိာ်ယိာ်တက့ၢ်.

တၢ်ကတိၤဒိ. 4:25

မ်နမဲာ်ကွၢ်တၢ်ဆူညါလိၤလိၤအိၣ်ဒီးတၢ်နာ်တၢ်နီၢ်နီၢ်ဒီး ဆှိလီၤနခိၣ်လၢတၢ်မဲာ်ဆှးအပူၤတဂ့ၤ.

တၢ်ကတိၤဒိ. 5:21

ယွၤထံၣ်တၢ်လၢနမၤအီၤကိးမံၤဒဲးလီၤ. အဝဲခိးကွၢ်နကျဲတဖၣ်လီၤ.

တၢ်ကတိၤဒိ. 5:6

အဝဲတအိၣ်လၢတၢ်မူအကျဲအဖီခိၣ်ဘၣ်. မ့မ့ၢ်ဟးဝ့ၤဝီၤယံၤထီၣ်ဝဲဒီးတသ့ၣ်ညါတၢ်မနုၤမၤအသးလဲၣ် န့ၣ်ဘၣ်.

လံာ်ယဃ့းစက့လး 18:28

အဝဲသ့ၣ်ညါလီၤက့ၤတၢ်လၢအမၤဝဲဒီးဆိကတီၢ်မၤတၢ်ဒဲးဘး အဃိသပှၢ်ကတၢၢ်အဝဲတသံလၢၤဘၣ်. မ့မ့ၢ်ကမူဒံးဝဲဒၣ်ဆူညါန့ၣ်လီၤ.

လံာ်ဃးကဲ 1:5

တၢ်မနုၤမၤအသးဒီးသုလဲၣ်န့ၣ်, မ့ၢ်သုတထံၣ်ဘၣ်ဧါ.

လံာ်ဃးကဲ 1:7

ဘၣ်မနုၤတၢ်အံၤမၤတ့ၢ်အသးလဲၣ်န့ၣ်, သုထံၣ်တသ့ဘၣ်ဧါ.

အ့းဖ့းစူး 5:15

လၢတၢ်န့ၣ်အဃိပလီၢ်သုသးလၢသုတၢ်အိၣ်မူအပူၤတက့ၢ်. တဘၣ်အိၣ်မူဒ်ပှၤလၢအသးတဆးတဖၣ်အသိးန့ၣ်တဂ့ၤ. မ့မ့ၢ်, အိၣ်မူဒ်ပှၤကူၣ်တၢ်သ့အသိးန့ၣ်တက့ၢ်.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

၁ သ့းစၤလနံ 3:13

လၢကျဲဒ်အံၤအပူၤန့ၣ်, အဝဲဒၣ်ကဒုးဆူၣ်ထီၣ်သုဂံၢ်သုဘါ, ဒီးသုကလၢပှဲၤဒီးစီဆှံဝဲလၢပကစၢ်ယွၤဒီးပပၢ်အမဲာ်ညါ ဖဲပကစၢ်ယ့ၣ်ၡူးဟဲဝဲအိၣ်ဒီးပှၤလၢအဘၣ်ဃးဒီး အီၤခဲလၢာ်အကတီၢ်န့ၣ်လီၤ.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

ဧ့ၤဘြံၤ 12:13

ကတဲာ်ကတီၤကျဲအလိၤအဘျၢလၢသုခီၣ်အဂီၢ်ဒ်သိးခီၣ်လၢ အဟးဂီၤန့ၣ်, အသုတလီၤဖျုတဂ့ၤဒီးကဘျါက့ၤဝဲအဂီၢ်န့ၣ်တက့ၢ်.

၁ ပ့းတရူး 5:10

ဒီးဖဲသုဒိးတၢ်နးတၢ်ဖှီၣ်တစိၢ်တလီၢ်ဝံၤဒီး, တၢ်ဘျုးတၢ်ဖှိၣ်ခဲလၢာ်အကစၢ်ယွၤလၢအကိးန့ၢ်သုလၢသုကဒိး န့ၢ်ဃုာ်အလၤကပီၤအထူအယိာ်လၢယ့ၣ်ၡူးခရံာ်အပူၤတဂၤန့ၣ်, အကစၢ်ဒၣ်ဝဲကမၤလၢပှဲၤသုဒီးဟ့ၣ်သုတၢ်ဂၢၢ်တၢ်ကျၢၤ, တၢ်ဂံၢ်တၢ်ဘါ, ဒီးတၢ်အခီၣ်ထံးလၢအဂၢၢ်အကျၢၤန့ၣ်လီၤ.