တၢ်ကတိၤဒိ. 4:24 - Sgaw Karen Common Bible

²⁴ တၢ်တတီတလိၤန့ၣ်ကတိၤအီၤနီတစုတဂ့ၤ. မၤဘၣ်ထွဲနသးဒီးတၢ်လီတၢ်ဝ့ၤ, ဒီးတၢ်ကတိၤတဖၣ်လၢကဆှၢ ကမၣ်တၢ်နၢ်ပၢၢ်န့ၣ်တဂ့ၤ.

တၢ်ကတိၤဒိ. 4:24 Iomraidhean Croise

လံာ်စီၤယိၤဘး 11:14

တၢ်အၢမ့ၢ်အိၣ်လၢနစုပူၤဒီးကွံာ်တ့ၢ်ကွံာ်ဆူအယံၤတက့ၢ်. ဒီးဒုးအိၣ်ဒုးဆိးတၢ်အၢတၢ်သီလၢနဒဲပူၤတဂ့ၤ.

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

တၢ်ကတိၤဒိ. 10:32

ပှၤအတီအလိၤသ့ၣ်ညါတၢ်အဂ့ၤလၢကဘၣ်စံးကတိၤဝဲလီၤ. မ့မ့ၢ်, ပှၤတတီတလိၤကတိၤတၢ်တဖၣ်လၢအမၤဘၣ်ဒိဘၣ်ထံးတၢ်ထီဘိလီၤ.

တၢ်ကတိၤဒိ. 17:20

ပှၤတဂၤလၢအဆိကမိၣ်ဒီးကတိၤတၢ်အၢတၢ်သီန့ၣ်, မုၢ်လၢ်ဝဲသ့ဒၣ်ထဲကထံၣ်န့ၢ်တၢ်နးတၢ်ဖှီၣ်ဒီးထံၣ်န့ၢ်တၢ် အဂ့ၤတသ့ဘၣ်နီတမံၤဘၣ်.

တၢ်ကတိၤဒိ. 19:1

တၢ်မ့ၢ်ပှၤဖှီၣ်ဖိတဂၤလၢအတီအလိၤန့ၣ်, ဂ့ၤဒိၣ်န့ၢ်ဒံးတၢ်မ့ၢ်ပှၤဟးဂီၤဖိတဂၤလၢအလီတၢ်န့ၣ်လီၤ.

တၢ်ကတိၤဒိ. 4:25

မ်နမဲာ်ကွၢ်တၢ်ဆူညါလိၤလိၤအိၣ်ဒီးတၢ်နာ်တၢ်နီၢ်နီၢ်ဒီး ဆှိလီၤနခိၣ်လၢတၢ်မဲာ်ဆှးအပူၤတဂ့ၤ.

တၢ်ကတိၤဒိ. 6:12

ပှၤတဂီာ်တသီၣ်, ပှၤအၢပှၤသီတဖၣ်လဲၤဝ့ၤဝီၤဒီးကတိၤ လီတၢ်လီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

တၢ်ကတိၤဒိ. 8:8

တၢ်လၢယစံးဘၣ်သုကိးထံၣ်ဒဲးမ့ၢ်ဝဲတီဝဲလီၤ. တမ့ၢ်တၢ်ကဘျံးကဘျၣ်ဒီးတၢ်ဆှၢကမၣ်တၢ် နီတမံၤဘၣ်.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

ကလီးစဲ 3:8

ဘၣ်ဆၣ်အခဲအံၤ, ညိကွံာ်တၢ်သူၣ်ဒိၣ်သးဖျိး, တၢ်သူၣ်ထီၣ်သးထီၣ်, တၢ်သူၣ်ဟ့သးဟ့ဒီးတၢ်ကတိၤစံးအၢစံးသီပှၤဂၤ, တၢ်ကတိၤဘၣ်အၢဘၣ်သီတဖၣ်တက့ၢ်. ဒီးတၢ်ကတိၤလၢအတကြၢးတဘၣ်တဖၣ်န့ၣ်, တဘၣ်ဒုးဟးထီၣ်အီၤလၢသုထးခိၣ်နီတဘီတဂ့ၤ.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

ယၤကိာ် 1:21

လၢတၢ်န့ၣ်အဃိ, ညိကွံာ်လုၢ်လၢ်လၢအလီၤသးဘၣ်အၢဒီးသကဲာ်ပဝးအအၢ အသီခဲလၢာ်တက့ၢ်. ဆီၣ်လီၤသုသးလၢကစၢ်ယွၤအဖီလာ်, ဒီးတူၢ်လိာ်တၢ်အကလုၢ်အကထါလၢအဝဲသူၣ်လီၤလၢသုသးကံၢ်ပူၤ လၢအအုၣ်က့ၤခီၣ်က့ၤသုသ့န့ၣ်တက့ၢ်.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

၁ ပ့းတရူး 2:1

လၢတၢ်န့ၣ်အဃိ, မၤပူၤဖျဲးသုသးဒီးတၢ်အၢတၢ်သီခဲလၢာ် တက့ၢ်. တၢ်လီတၢ်ဝ့ၤ, တၢ်ပာ်မၤအသး, တၢ်သူၣ်က့ၣ်သးကါ, ဒီးတၢ်ကတိၤဒုၣ်ဒွဲၣ်စံးအၢန့ၣ်, တဘၣ်အိၣ်လၢၤဘၣ်.