တၢ်ကတိၤဒိ. 4:23 - Sgaw Karen Common Bible

²³ နဆိကမိၣ်တၢ်ဒ်လဲၣ်ဒ်လဲၣ်န့ၣ်ပလီၢ်နသးတက့ၢ်. အဂ့ၢ်ဒ်အံၤ, နတၢ်အိၣ်မူအက့ၢ်အဂီၤမ့ၢ်တၢ်ဒ်နတၢ်ဆိကမိၣ်တဖၣ်အသိးလီၤ.

တၢ်ကတိၤဒိ. 4:23 Iomraidhean Croise

လံာ်စီၤပၤခံဘ့ၣ်တဘ့ၣ် 10:31

ဘၣ်ဆၣ်, စီၤယ့ၤဟူတစူၢ်ဘၣ်ယွၤ, အံၣ်စရ့လးအကစၢ်ယွၤအတၢ်သိၣ် တၢ်သီလၢအသးဒီဖျၢၣ်ညါဘၣ်. အခိၣ်တလိာ်အဝဲပိာ်ထွဲစီၤယၤရၤဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤ, အဒိအတဲာ်န့ၣ်လီၤ.

တၢ်ကတိၤဒိ. 11:16

ပိာ်မုၣ်အိၣ်ဒီးအလၤကပီၤတဂၤန့ၣ်ဘၣ်တၢ်ပာ်ကဲအီၤလီၤ. မ့မ့ၢ်ပိာ်မုၣ်တဂၤလၢအလုၢ်ဂ့ၤလၢ်ဝါတအိၣ်ဘၣ်န့ၣ်, မ့ၢ်တၢ်လီၤမဲာ်ဆှးတမံၤလီၤ. ပှၤအကၢၣ်တဂၤအကျိၣ်အစ့တအိၣ်ဘၣ်နီတဘျီဘၣ်. မ့မ့ၢ်ပှၤလၢအမၤအသးဆူၣ်ဆူၣ်ကိၢ်ကိၢ်တဂၤန့ၣ်ကထူးထီၣ်တီၤ ထီၣ်ဝဲလီၤ.

တၢ်ကတိၤဒိ. 13:3

ပှၤလၢအပၢၤအထးခိၣ်န့ၣ်ဟံးဃာ်အသးသမူလီၤ. မ့မ့ၢ်ပှၤလၢအကတိၤနါစိၤတၢ်န့ၣ်မၤဟးဂီၤလီၤအသးဒၣ်ဝဲလီၤ.

တၢ်ကတိၤဒိ. 16:17

ပှၤလၢအဂ့ၤတဖၣ်န့ၣ်ပိာ်ကျဲတဘိလၢအပဒ့ၣ်ဟးဆှဲးတၢ်အၢတၢ်သီ လီၤ. မၤသးဒ်န့ၣ်ဒီးနလဲၤဖဲလဲၣ်ဖဲလဲၣ်န့ၣ်ပလီၢ်နသးတက့ၢ်. တၢ်န့ၣ်ကအုၣ်က့ၤခီၣ်က့ၤနသးသမူလီၤ.

တၢ်ကတိၤဒိ. 22:5

နမ့ၢ်အဲၣ်နသးသမူဒီး, အိၣ်ယံၤဒီးပျံၤသကွီၤတဖၣ်လၢအဖီၣ်န့ၢ် ပှၤတတီတလိၤလၢကျဲဒီဘိန့ၣ်တက့ၢ်.

တၢ်ကတိၤဒိ. 23:19

ဒိးနနၢ်, ယဖိခွါဧၢ, ကဲထီၣ်ပှၤကူၣ်သ့ဒီးနတၢ်အိၣ်မူကျဲ န့ၣ်, ကွၢ်ထံဆိကမိၣ်အီၤဒိၣ်ဒိၣ်ယိာ်ယိာ်တက့ၢ်.

တၢ်ကတိၤဒိ. 28:26

တၢ်ပိာ်ထွဲနသးအတၢ်ဆိကမိၣ်ဒၣ်နဲန့ၣ်မ့ၢ်တၢ်မၢးလီၤ. ပိာ်ထွဲပှၤကူၣ်တၢ်သ့တဖၣ်အတၢ်သိၣ်လိတက့ၢ်. အန့ၣ်ဒီး, နကပူၤဖျဲးလီၤ.

တၢ်ကတိၤဒိ. 3:21

ယဖိခွါဧၢ, ဟံးဃာ်နတၢ်ကူၣ်သ့ဒီးတၢ်ထံၣ်တၢ်လၢသးအမဲာ်တက့ၢ်. ပျဲတၢ်သ့ၣ်ညါတဖၣ်အံၤဟးဖးဒီးနၤလ့ၤတက့ၤတဂ့ၤ.

တၢ်ကတိၤဒိ. 4:7

တၢ်မၤန့ၢ်တၢ်ကူၣ်သ့, မ့ၢ်တၢ်အကါဒိၣ်ကတၢၢ်လၢနမၤအီၤသ့လီၤ. မၤန့ၢ်တၢ်ထံၣ်တၢ်လၢသးအမဲာ်လၢတၢ်တမံၤလၢ်လၢ်လၢနမၤန့ၢ်အီၤ အပူၤန့ၣ်တက့ၢ်.

လံာ်ပှၤစံၣ်တဲၤတဲလီၤတၢ် 5:13

တၢ်အံၤမ့ၢ်တၢ်လၢအလီၤပျံၤဒိၣ်မးတမံၤလၢယထံၣ်ဘၣ်တ့ၢ်အီၤလၢ ဟီၣ်ခိၣ်အံၤန့ၣ်လီၤ. ပှၤဂီၢ်မုၢ်ပာ်ဖှိၣ်အကျိၣ်အစ့ဖဲလၢတၢ်အကတီၢ်ဖဲအဝဲသ့ၣ်ကလိၣ် ဘၣ်ဝဲအဂီၢ်န့ၣ်လီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်မးသဲ 15:18

ဘၣ်ဆၣ်တၢ်လၢအဟဲထီၣ်လၢပှၤအကိာ်ပူၤန့ၣ်, ဟဲထီၣ်လၢပှၤအသးကံၢ်ပူၤလီၤ. တၢ်န့ၣ်မ့ၢ်တၢ်လၢအမၤတကဆှီဘၣ်ပှၤကညီန့ၣ်လီၤ.

လံာ်မးသဲ 15:19

အဂ့ၢ်ဒ်အံၤ, တၢ်ဆိကမိၣ်အအၢအသီလၢအဆှၢပှၤဆူတၢ်မၤသံပှၤ, တၢ်အဲၣ်ဘၢမါအဲၣ်ဘၢဝၤ, တၢ်မၤကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်တၢ်, တၢ်အုၣ်အသးကဘျံးကဘျၣ်, ဒီးတၢ်ဒုၣ်ဒွဲၣ်စံးအၢတၢ်တဖၣ်န့ၣ်, ဟဲထီၣ်ဒၣ်လၢပှၤကညီအသးကံၢ်ပူၤလီၤ.

လံာ်မၢ်ကူး 14:38

ဒီးအဝဲဒၣ်စံးဘၣ်အဝဲသ့ၣ်တဖၣ်န့ၣ်, “ဆိးသီဒီးဃ့ထုကဖၣ်ယွၤဒ်သိးသုဝဲသ့ၣ်အံၤ သုတလီၤနုာ်ဘၣ်ဆူတၢ်လ့ပစီပူၤတဂ့ၤန့ၣ်တက့ၢ်. သုသးအဂံၢ်အဘါဆူၣ်ကစီဒီ, မ့မ့ၢ်သုနီၢ်ခိတခီအဂံၢ်အဘါစၢ်ဝဲလီၤ.”

လံာ်လူၤကၣ် 6:45

ပှၤဂ့ၤပှၤဝါတဂၤန့ၣ်, ထုးထီၣ်တၢ်အဂ့ၤအဝါလၢတၢ်ဂ့ၤတၢ်ဝါ တဖၣ်အိၣ်ပာ်ဖှိၣ်အသးအလီၢ်, လၢအသးပူၤလီၤ. ပှၤအၢပှၤသီတဂၤန့ၣ်, ထုးထီၣ်တၢ်အၢတၢ်သီလၢအဝဲအတၢ်ပာ်ဖှိၣ်ဃာ်တၢ်အၢတၢ်သီတဖၣ် အလီၢ်အပူၤလီၤ. အဂ့ၢ်ဒ်အံၤ, ပှၤကညီတဂၤအထးခိၣ်ကတိၤတၢ်ဒ် တၢ်လၢအအိၣ်ပှဲၤဝဲလၢအသးပူၤအသိးန့ၣ်လီၤ.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

ဧ့ၤဘြံၤ 12:15

ပလီၢ်သုသးဒ်သိးပှၤသုတဃၣ်ဒူချၢကွံာ်အသးလၢ ကစၢ်ယွၤအဘျုးအဖှိၣ်နီတဂၤတဂ့ၤ, ဒီးဒ်သိးတၢ်အခၣ်တမုၢ်န့ၣ်အသုတမဲထီၣ်လၢသုသိးသုကျါဒီး ကဲထီၣ်တၢ်ကီတၢ်ခဲလၢသုဂီၢ်ဒီးတၢ်မၤဘၣ်အၢသုန့ၣ်တဂ့ၤ.