တၢ်ကတိၤဒိ. 4:17 - Sgaw Karen Common Bible

¹⁷ အဂ့ၢ်ဒ်အံၤ, တၢ်တတီတလိၤဒီးတၢ်မၤဆူၣ်မၤစိးတဖၣ်လီၤဂာ်ဒီး တၢ်အီၣ်တၢ်အီလၢအဝဲသ့ၣ်အဂီၢ်န့ၣ်လီၤ.

တၢ်ကတိၤဒိ. 4:17 Iomraidhean Croise

စံးထီၣ်ပတြၢၤ 14:4

ယွၤစံးဝဲဒၣ်, “မ့ၢ်အဝဲသ့ၣ်တသ့ၣ်ညါဘၣ်ဧါ. ကယဲၢ်ပှၤမၤတၢ်အၢခဲလၢာ်အံၤအသးတဆးဘၣ်ဧါ. အဝဲသ့ၣ်အိၣ်မူလၢတၢ်ဟုၣ်ယပှၤဂီၢ်မုၢ်အပူၤဒီး တဘါထုကဖၣ်တၢ်ဆူယၤနီတစုဘၣ်. ”

တၢ်ကတိၤဒိ. 13:2

ပှၤအဂ့ၤကဘၣ်တၢ်ဟ့ၣ်ဘျုးက့ၤအီၤလၢတၢ်လၢအကတိၤဝဲအဃိလီၤ. မ့မ့ၢ်ပှၤလၢအလီတၢ်ဝ့ၤတၢ်တဖၣ်န့ၣ်သၣ်ဝံၤတၢ်စုဆူၣ်ခီၣ်တကး န့ၣ်လီၤ.

တၢ်ကတိၤဒိ. 20:17

တၢ်လၢနမၤန့ၢ်အီၤလၢတၢ်ကဘျံးကဘျၣ်အပူၤန့ၣ်, နကမုာ်လၤသးခုလၢအဃိဒ်တၢ်အီၣ်အဝံၣ်ကတၢၢ်အသိး ဘၣ်ဆၣ်ဒီးတယံာ်လၢၤဘၣ်န့ၣ်ကလီၤဂာ်ဒ်ထးခိၣ်ပှဲၤဒီးမဲး အသိးန့ၣ်လီၤ.

တၢ်ကတိၤဒိ. 9:17

“ထံလၢပဟုၣ်အီအီၤန့ၣ်, ဆၢဒိၣ်မးလီၤ. ကိၣ်လၢပဟုၣ်အီၣ်အီၤ န့ၣ်, ဝံၣ်ဒိၣ်တက့ၢ်လီၤ.”

လံာ်ယၡါယၤ 5:18

သုဘၣ်တၢ်စံၣ်ညီၣ်ဃါမနၤလီၤ. သုမၤထူၣ်ဖျဲးကွံာ်သုသးလၢတၢ် ဒဲးဘးတဖၣ်တန့ၢ်ဘၣ်.

လံာ်ယၡါယၤ 5:20

သုဘၣ်တၢ်စံၣ်ညီၣ်ဃါမနၤလီၤ. သုကိးတၢ်အၢတၢ်သီလၢ တၢ်ဂ့ၤ, ဒီးတၢ်ဂ့ၤလၢတၢ်အၢတၢ်သီလီၤ. သုဘိးကဒါတၢ်ခံးဆူတၢ်ကပီၤဒီးတၢ်ကပီၤဆူတၢ်ခံးလီၤ. တၢ်အခၣ်န့ၣ်သုဒုးကဲထီၣ်အီၤလၢတၢ်အဆၢ, ဒီးတၢ်လၢအဆၢန့ၣ် သုမၤခၣ်အီၤလီၤ.

လံာ်ယံးရမံယၤ 9:4

ပှၤကိးဂၤဒဲးကဘၣ်ဒီဒၣ်လီၤက့ၤအသးထီဒါအတံၤသကိး ဒီးပှၤနာ်န့ၢ်အဒီပုၢ်ဝဲၢ်တသ့နီတဂၤဘၣ်. အဂ့ၢ်ဒ်အံၤ, ပှၤဒီပုၢ်ဝဲၢ်ကိးဂၤဒဲးလီတၢ်ဒ်စီၤယၤကိာ်အသိး ဒီးပှၤကိးဂၤဒဲးကတိၤခဲၣ်သူခဲၣ်ဂီၤအတံၤသကိးတဖၣ်န့ၣ်လီၤ.

လံာ်မံကၤ 3:5

ယပှၤဂီၢ်မုၢ်ဘၣ်တၢ်လီန့ၢ်အီၤလၢဝံတဖၣ်လၢအအၢၣ်လီၤတၢ်ဃူတၢ် ဖိးဆူပှၤတဖၣ်လၢအဟ့ၣ်အီၤစ့, ဘၣ်ဆၣ်ဒီးပှၤလၢအတဟ့ၣ်တဖၣ်န့ၣ်မၤပျံၤမၤဖုးဝဲလၢတၢ်ဒုးတၢ်ယၤလီၤ. ယွၤစံးဘၣ်ဝံသ့ၣ်တဖၣ်အံၤ,

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်မံကၤ 7:3

အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်စဖါနယၤ 3:3

အပဒိၣ်ဖးဒိၣ်တဖၣ်လီၤဂာ်ဒ်ခ့ယုၢ် တဖၣ်လၢအကညီၤတၢ်အသိး, အပှၤစံၣ်ညီၣ်ကွီၢ်တဖၣ်လီၤ ဂာ်ဒ်ထွံၣ်မံၤတဖၣ်လၢအသူၣ်ဝံၤသၣ်စ့ၤဒီးသူၣ်လီသးကွံတၢ် အါတုၤအတပာ်တ့ၢ်တၢ်ဃံတဘိဒၣ်လဲာ်တုၤလၢမုၢ်ဂီၤ အကတီၢ်ဘၣ်အသိးန့ၣ်လီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.