တၢ်ကတိၤဒိ. 4:13 - Sgaw Karen Common Bible

¹³ သ့ၣ်နီၣ်တၢ်လၢနမၤလိတ့ၢ်တဖၣ်ထီဘိတက့ၢ်. နတၢ်မၤလိမၤဒိးန့ၣ်မ့ၢ်နတၢ်မူလီၤ.

တၢ်ကတိၤဒိ. 4:13 Iomraidhean Croise

လံာ်တၢ်ကဲထီၣ်အခီၣ်ထံး 32:26

ပှၤတဂၤန့ၣ်စံးဘၣ်အီၤ, “ပျၢ်ယၤတက့ၢ်. မုၢ်ဆ့ၣ်ထီၣ်လံ.” ဒီးစီၤယၤကိာ်စံးဆၢအီၤ, “မ့တမ့ၢ်ဘၣ်လၢနဆိၣ်ဂ့ၤယၤဘၣ် န့ၣ်, ယတပျၢ်နၤဘၣ်.”

တၢ်ကတိၤဒိ. 10:17

ပှၤလၢအဒိကနၣ်တၢ်ဖဲအဘၣ်တၢ်သိၣ်က့ၤသီက့ၤအီၤန့ၣ်ကမူဝဲ လီၤ. မ့မ့ၢ်ပှၤလၢအတတူၢ်လိာ်ဘၣ်ဝဲလၢအတၢ်ကမၣ်လံ န့ၣ်အိၣ်လၢတၢ်လီၤဘၣ်ယိာ်အပူၤလီၤ.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

တၢ်ကတိၤဒိ. 3:22

အဝဲသ့ၣ်ကဟ့ၣ်နၤလၢတၢ်မူ, တၢ်မူလၢအအိၣ်ဒီးတၢ်သူၣ်ဖှံ သးညီဒီးတၢ်ဘၣ်ဆိၣ်ဂ့ၤနီၢ်နီၢ်န့ၣ်လီၤ.

တၢ်ကတိၤဒိ. 6:23

အတၢ်သိၣ်က့ၤသီက့ၤတဖၣ်န့ၣ်, မ့ၢ်မ့ၣ်အူဒၢလၢအကပီၤထီၣ်ဝဲ, ဒီးအတၢ်ဘှီဘၣ်က့ၤသိၣ်လိနၤလၢနကအိၣ်မူဒ်လဲၣ်သ့ဝဲန့ၣ်လီၤ.

တၢ်ကတိၤဒိ. 8:35

ပှၤလၢအထံၣ်န့ၢ်ယၤထံၣ်န့ၢ်တၢ်မူ ဒီးယွၤကဘၣ်အသးလၢအီၤလီၤ.

လံာ်ပှၤစံၣ်တဲၤတဲလီၤတၢ် 7:12

ဒီးကဟ့ၣ်နၤတၢ်ဘံၣ်ဘၢပူၤဖျဲးအါထဲသိးဒီးတၢ်လၢစ့မၤဝဲ သ့တက့ၢ်န့ၣ်လီၤ. တၢ်ကူၣ်သ့ပာ်ပူၤဖျဲးနၤလီၤ. အဝဲအံၤမ့ၢ်တၢ်အိၣ်ဒီးတၢ်သ့ၣ်ညါအဘျုးအဖှိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:4

တုၤယလဲၤပူၤကွံာ်အဝဲသ့ၣ်တဘျီဃီန့ၣ်, ယထံၣ်န့ၢ်က့ၤပှၤလၢ ယအဲၣ်အီၤတဂၤလီၤ. ယဟံးဃာ်အီၤကျၢၤကျၢၤ, တုၤလီၤလၢယက့ၤကိးအီၤဆူယမိၢ်အဟံၣ်ပူၤ, ဒီးဒၢးလၢယအိၣ်ဖျဲၣ်ထီၣ်အပူၤန့ၣ်, ယတပျၢ်အီၤလၢၤဘၣ်.

လံာ်ယိၤဟၣ် 6:63

တၢ်လၢအဟ့ၣ်တၢ်မူန့ၣ်မ့ၢ်ကစၢ်ယွၤအသး လီၤ. ပှၤကညီအစိအကမီၤဟ့ၣ်တၢ်အံၤတသ့ ဘၣ်. တၢ်ကတိၤတဖၣ်လၢယစံးဘၣ်တဲဘၣ်သုန့ၣ်, ဟ့ၣ်သုလၢကစၢ်ယွၤအသးလၢအဒုးမူပှၤန့ၣ်လီၤ.

လံာ်ယိၤဟၣ် 6:68

စီၤၡံမိၣ်ပ့းတရူးစံးဆၢတၢ်ဒီးစံးဝဲ, “ကစၢ်ဧၢ, ပကလဲၤဆူမတၤတဂၤအအိၣ်လဲၣ်. နအိၣ်ဒီးတၢ်ကတိၤတဖၣ်လၢအဟ့ၣ်တၢ်မူအထူ အယိာ်လီၤ.

မၤတၢ် 11:23

ဖဲအဝဲဒၣ်လဲၤတုၤဒီးထံၣ်ကစၢ်ယွၤအတၢ်ဆိၣ်ဂ့ၤဘၣ်ပှၤတဖၣ်အံၤန့ၣ်, အဝဲသူၣ်ခုသးခုဒီးသဆၣ်ထီၣ်အဝဲသ့ၣ်ခဲလၢာ်အခံဒ်သိးအသး ကတီဒီးကစၢ်လၢအသးဒီဖျၢၣ်ညါန့ၣ်လီၤ.

မၤတၢ် 2:42

အဝဲသ့ၣ်ဟံးန့ၢ်တၢ်ဆၢကတီၢ်လၢကမၤလိန့ၢ်တၢ်လၢ ပှၤတၢ်မၢဖိတဖၣ်အအိၣ်, ကရ့လိာ်မုာ်လိာ်သကိးအသး, ကအီၣ်သကိးအီသကိး, ဒီးကဘါထုကဖၣ်သကိးတၢ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 32:47

တၢ်သိၣ်လိတဖၣ်အံၤတမ့ၢ်ဘၣ်တၢ်ကတိၤကလီကလီတဖၣ်ဘၣ်. အဝဲသ့ၣ်မ့ၢ်သုတၢ်မူနီၢ်နီၢ်န့ၣ်လီၤ. စူၢ်အီၤဒီးသုသးသမူကအိၣ်ကၢအိၣ်ခိးလၢကီၢ်တဘ့ၣ်လၢအအိၣ်လၢ ထံကျိယၢ်ဒ့ၣ်အဝၢ်ဘးခီလၢသုကမၤန့ၢ်အီၤအပူၤန့ၣ်လီၤ.”

၁ သ့းစၤလနံ 5:21

တၢ်ခဲလၢာ်န့ၣ်, မ့ၢ်အတီတတီထိၣ်တဲာ်မၤကွၢ်အီၤတက့ၢ်. ဟံးဃာ်တၢ်လၢအဂ့ၤတဖၣ်,

ဧ့ၤဘြံၤ 2:1

လၢတၢ်န့ၣ်အဃိပကဘၣ်ဟံးဃာ်တၢ်မ့ၢ်တၢ်တီလၢပနၢ်ဟူ တ့ၢ်လံတဖၣ်ကျၢၤန့ၢ်အလီၢ်တက့ၢ်ဒ်သိးဒီးပသုတဘၣ် တၢ်စိာ်ကွံာ်ပှၤတဂ့ၤအဂီၢ်န့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.