တၢ်ကတိၤဒိ. 4:10 - Sgaw Karen Common Bible

¹⁰ ယဖိခွါဧၢ, ဒိကနၣ်ယၤတက့ၢ်. တၢ်လၢယစံးဘၣ်နၤန့ၣ်, တူၢ်လိာ်ပာ်ကဲအီၤလ့ၤတုာ်လ့ၤတီၤတက့ၢ်. ဒီးနကအိၣ်မူအါနံၣ်အါလါလီၤ.

တၢ်ကတိၤဒိ. 4:10 Iomraidhean Croise

လံာ်စီၤယိၤဘး 22:22

တူၢ်လိာ်တၢ်သိၣ်လိလၢအဟ့ၣ်နၤဒီးတိၢ်န့ၢ်အကလုၢ် အကထါတဖၣ်လၢနသးကံၢ်ပူၤန့ၣ်တက့ၢ်.

တၢ်ကတိၤဒိ. 19:20

နမ့ၢ်ဒိကနၣ်တၢ်ဟ့ၣ်ကူၣ်ဟ့ၣ်ဖးဒီးသးအိၣ်မၤလိတၢ်န့ၣ်တနံၤ န့ၣ်နကမ့ၢ်ပှၤကူၣ်တၢ်သ့လီၤ.

တၢ်ကတိၤဒိ. 2:1

ယဖိခွါဧၢ, မၤလိတၢ်လၢယသိၣ်လိနၤ, ဒီးတၢ်လၢယမၤလိာ်နၤဒ်သိး နကမၤန့ၣ်, သးပ့ၤနီၣ်အီၤနီတစုတဂ့ၤ.

တၢ်ကတိၤဒိ. 3:16

တၢ်ကူၣ်သ့ဟ့ၣ်နၤတၢ်အိၣ်ကၢအိၣ်ခိး, ဃုာ်ဒီးတၢ်ထူးတၢ်တီၤ ဒီးတၢ်လၤကပီၤစ့ၢ်ကီးလီၤ.

တၢ်ကတိၤဒိ. 3:2

ယတၢ်သိၣ်က့ၤသီက့ၤကဟ့ၣ်နၤတၢ်အိၣ်ကၢအိၣ်ခိးဒီးတၢ်အိၣ်မူ လၢအဘီၣ်ထီၣ်ညီထီၣ်ဝဲန့ၣ်လီၤ.

တၢ်ကတိၤဒိ. 8:10

ဃုထၢယတၢ်သိၣ်က့ၤသီက့ၤလၢစ့အလီၢ်, ဒီးဃုထၢတၢ်သ့ၣ်ညါနၢ်ပၢၢ်အါန့ၢ်ဒိၣ်န့ၢ်ထူစီတက့ၢ်.

လံာ်ယံးရမံယၤ 9:20

ယစံးတ့ၢ်ယဲ, “သုဝဲပိာ်မုၣ်သ့ၣ်ဧၢ, ဒိကနၣ်ယွၤ ဒီးပာ်သူၣ်ပာ်သးလၢအဝဲအတၢ်ကတိၤတဖၣ်န့ၣ်တက့ၢ်. သိၣ်လိသုဖိမုၣ်တဖၣ်လၢကဘၣ်ဟီၣ်ဝဲယၢၤဝဲဒ်လဲၣ်, ဒီးသုတံၤသကိးတဖၣ်လၢကဘၣ်သးဝံၣ်တၢ်သံအတၢ်သးဝံၣ်တယုၢ် ဒ်လဲၣ်န့ၣ်တက့ၢ်.

လံာ်သိၣ်လီၤသီလီၤတၢ် 11:21

အန့ၣ်တစု, သုဝဲဒီးသုဖိတဖၣ်ကအိၣ်ဆိးယံာ်ယံာ်ထၢထၢလၢကီၢ်န့ၣ်အပူၤ, လၢယွၤသုကစၢ်ယွၤအၢၣ်လီၤတ့ၢ်လၢကဟ့ၣ်လီၤသုမိၢ်ပၢ်ဖံဖုလၢ ပျၢၤတဖၣ်န့ၣ်လီၤ. သုကအိၣ်ဆိးဖဲန့ၣ်ယံာ်ဝဲထဲသိးမူကပိာ်လိၤအိၣ်ဝဲလၢဟီၣ်ခိၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 6:2

ဖဲသုအိၣ်မူဒံးအဖၢမုၢ်န့ၣ်သုဝဲဒီးသုစၢၤသုသွဲၣ်တဖၣ် ကဘၣ်ယူးယီၣ်ယွၤ, သုကစၢ်ယွၤ, ဒီးစူၢ်ကယဲၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတဖၣ် လၢယဟ့ၣ်လီၤသုဒ်သိးသုကအိၣ်ဆိးဒီးမူဘၣ်လၢကီၢ်န့ၣ်အပူၤ ယံာ်ယံာ်ထၢထၢအဂီၢ်န့ၣ်လီၤ.

၁ သ့းစၤလနံ 2:13

ဒီးတၢ်ဂ့ၢ်အိၣ်ဒံးဝဲအဂၤတမံၤလၢဘၣ်မနုၤအဃိပစံးဘျုးစံး ဖှိၣ်ကစၢ်ယွၤထီဘိတဘိယူာ်ဃီလဲၣ်န့ၣ်လီၤ. ဖဲပဟဲဆှၢန့ၢ်သုကစၢ်ယွၤအတၢ်ကစီၣ်န့ၣ်, သုနၢ်ဟူဒီးတူၢ်လိာ်အီၤဒ်တၢ်ကစီၣ်ဟဲလၢကစၢ်ယွၤအအိၣ်အသိး, ဒီးတမ့ၢ်ဝဲဒ်တၢ်ကစီၣ်ဟဲလၢပှၤကညီအအိၣ်အသိးဘၣ်လီၤ. သပှၢ်ကတၢၢ်, တၢ်ကစီၣ်အဝဲအံၤဟဲလၢကစၢ်ယွၤအအိၣ်န့ၣ်လီၤ. အဂ့ၢ်ဒ်အံၤ, ကစၢ်ယွၤမၤတၢ်လၢသုဝဲလၢအစူၢ်က့ၤနာ်က့ၤတၢ် တဖၣ်အပူၤန့ၣ်လီၤ.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.