တၢ်ကတိၤဒိ. 31:5 - Sgaw Karen Common Bible

⁵ ဖဲအဝဲသ့ၣ်အီတၢ်ဒီး, အဝဲသ့ၣ်သးပ့ၤနီၣ်ကွံာ်တၢ်သိၣ်တၢ်သီ တဖၣ်ဒီးကွၢ်ကပာ်ကွံာ်ပှၤလၢအလိၣ်ဘၣ်တၢ်မၤစၢၤတဖၣ်အခွဲး အယာ်န့ၣ်လီၤ.

တၢ်ကတိၤဒိ. 31:5 Iomraidhean Croise

လံာ်စီၤပၤအခီၣ်ထံးတဘ့ၣ် 20:12

စီၤပၤဘ့ၣ်ဟဒးဒိးန့ၢ်ဘၣ်စီၤအၤဃာ်အတၢ်စံးဆၢဖဲအဝဲဒီး အသိၣ်အမှံၤတဖၣ်, ပှၤပၢတၢ်အဂၤတဖၣ်, အီသကိးတၢ်လၢအဒဲတဖၣ်အပူၤအခါန့ၣ်လီၤ. အဝဲဟ့ၣ်လီၤအကလုၢ်လၢအပှၤတဖၣ်ကကတဲာ်ကတီၤထီၣ်အသးလၢကလဲၤထီၣ် ဒုးဝ့ၢ်န့ၣ်, သတးဒီးအဝဲသ့ၣ်ဟံးန့ၢ်အလီၢ်လၢကဒုးတၢ်အဂီၢ်န့ၣ်လီၤ.

လံာ်တၢ်ဟးထီၣ်ကွံာ် 23:6

သမၢတၢ်စံၣ်ညီၣ်တီဖဲပှၤဖှီၣ်ဖိယာ်ဖိတဂၤဘၣ်တၢ်လိာ်ဘၢလိာ် ကွီၢ်အီၤအခါန့ၣ်တဂ့ၤ.

တၢ်ကတိၤဒိ. 17:15

တၢ်စံၣ်ညီၣ်ဃၣ်ပှၤလၢအတၢ်ကမၣ်တအိၣ်ဘၣ်ဒီးပျၢ်ဖျဲးပှၤတတီ တလိၤန့ၣ်, မ့ၢ်တၢ်လီၤသးဟ့လၢယွၤအမဲာ်ညါခံမံၤလိာ်လီၤ.

တၢ်ကတိၤဒိ. 18:5

တၢ်ကွၢ်မဲာ်ပှၤမၤကမၣ်တၢ်ဒီးတၢ်တြီဃာ်ပှၤလၢအတၢ်ကမၣ် တအိၣ်ဘၣ်တဂၤလၢကဒိးန့ၢ်တၢ်စံၣ်ညီၣ်တီအဂီၢ်န့ၣ်, မ့ၢ်တၢ်လၢအတဘၣ်ဘၣ်လီၤ.

လံာ်ယၡါယၤ 5:22

သုဘၣ်တၢ်စံၣ်ညီၣ်ဃါမနၤလီၤ. စပံးထံပလီအပှၤဒူပှၤဃိၤသ့ၣ် ဧၢ, ဖဲသုကျဲၣ်ကျီသံးဧိၤဂာ်ဧိၤန့ၣ်, သုဒူ သုဃိၤဒီးတၢ်ပျံၤတၢ်ဖုးတအိၣ်ဒီးသုဘၣ်.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ဃဘးကူာ် 2:5

တၢ်ထူးတၢ်တီၤန့ၣ်ပှဲၤဒီးတၢ်လီတၢ်ဝ့ၤလီၤ. ပှၤသူၣ်လီသးကွံတၢ်တဖၣ်န့ၣ်အသးထီၣ်ထီ ဒီးတအိၣ်ဘၣ်ဒီးသးအတၢ်ဃူတၢ်ဖိးဘၣ်. ဒီးဒ်တၢ်သံအသိး, အတၢ်သူၣ်မံသးမံတအိၣ်နီတဘျီဘၣ်. တၢ်န့ၣ်မ့ၢ်တၢ်ဂ့ၢ်လၢအဝဲသ့ၣ်မၤနၢၤပှၤကလုာ်တကလုာ် ဝံၤတကလုာ်လၢအဂီၢ်န့ၣ်လီၤ.

လံာ်သိၣ်လီၤသီလီၤတၢ် 16:19

တၢ်စံၣ်ညီၣ်တတီတဘၣ်အိၣ်ဒီးအဝဲသ့ၣ်မ့ၢ်ဂ့ၤ, အဝဲသ့ၣ်တဘၣ်အိၣ်ဒီးတၢ်ကွၢ်မဲာ်မ့ၢ်ဂ့ၤလၢအတၢ်စံၣ်ညီၣ်တဖၣ် အပူၤဘၣ်. ဒီးအဝဲသ့ၣ်တဘၣ်တူၢ်လိာ်ခိၣ်ဖးလာ်ဆှိးဘၣ်. အဂ့ၢ်ဒ်အံၤ, ခိၣ်ဖးတဖၣ်န့ၣ်မၤဘျီၣ်ပှၤကူၣ်သ့ဒီးပှၤတီပှၤလိၤတဖၣ်အမဲာ်, ဒီးဒုးကဲထီၣ်အဝဲသ့ၣ်လၢပှၤဟ့ၣ်လီၤတၢ် စံၣ်ညီၣ်လၢအတတီတဖၣ်န့ၣ်လီၤ.