တၢ်ကတိၤဒိ. 31:30 - Sgaw Karen Common Bible

³⁰ တၢ်လီၤအဲၣ်လီၤကွံန့ၣ်လီန့ၢ်တၢ်သ့, ဒီးတၢ်ဃံတၢ်လၤန့ၣ် လီၤမၢ်ကွံာ်ဝဲလီၤ. မ့မ့ၢ်, ပိာ်မုၣ်တဂၤလၢအမၤလၤကပီၤယွၤန့ၣ်, ကြၢးဘၣ်တၢ်စံးထီၣ်ပတြၢၤအီၤလီၤ.

တၢ်ကတိၤဒိ. 31:30 Iomraidhean Croise

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 11:22

ပိာ်မုၣ်လၢတၢ်စံၣ်ညီၣ်နီၤဖးအဂ့ၤအဘၣ်တအိၣ်ဒီးအီၤတဂၤအတၢ် ဃံတၢ်လၤန့ၣ်, လီၤဂာ်ဒ်ကွီၤထူတကွီၤလၢထိးတဒု အနါဒ့အလိၤအသိးန့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

လံာ်လူၤကၣ် 1:6

အဝဲသ့ၣ်ခံဂၤလၢာ်အိၣ်မူတၢ်အိၣ်မူလၢအဂ့ၤအဝါလၢကစၢ် ယွၤအမဲာ်ညါဒီးစူၢ်ကစၢ်ယွၤအတၢ်သိၣ်တၢ်သီဒီး အတၢ်မၤလိာ်တဖၣ်လၢလၢပှဲၤပှဲၤလီၤ.

စံးထီၣ်ပတြၢၤ 147:11

မ့မ့ၢ်ယွၤမုာ်လၤဝဲလၢပှၤလၢအပျံၤအီၤ, ပှၤလၢအမုၢ်လၢ်တၢ်လၢ အတၢ်အဲၣ်ဂၢၢ်ကျၢၤအပူၤန့ၣ်လီၤ.

တၢ်ကတိၤဒိ. 6:25

ပျဲအဝဲသ့ၣ်အတၢ်ဃံတၢ်လၤလ့ပစီန့ၢ်နၤတဂ့ၤ. ပျဲအမဲာ်ချံလၢအကလံာ်လွဲတၢ်အပျံၤသကွီၤန့ၣ်ဖီၣ်န့ၢ်နၤတ ဂ့ၤ.

လံာ်စီၤၡမူၤအ့လးခံဘ့ၣ်တဘ့ၣ် 14:25

လၢကီၢ်အံၣ်စရ့လးအပူၤန့ၣ် ပှၤတအိၣ်ဝဲနီတဂၤလၢအမံၤကဟူသၣ်ကဖျါဝဲလၢအဒိၣ်တၢ်ဂ့ၤအဃိဒ်သိးစီၤအးဘၡါလိၣ်န့ၣ်ဘၣ်. စးထီၣ်လၢအခိၣ်တုၤလီၤလၢအခီၣ်န့ၣ် နီၢ်ခိအတၢ်လီၤတူာ်လီၤကာ်တအိၣ်နီတမံၤဘၣ်.

ယၤကိာ် 1:11

မုၢ်ဟဲထီၣ်ဒီးအတၢ်ကိၢ်လၢအဆူၣ်န့ၣ်မၤဃ့ထီကွံာ်နီၣ်ဧိၤမံၤဧိၤဒီး အဖီလီၤဆှု ကွံာ်ဒီးအတၢ်ဃံတၢ်လၤဟးဂီၤကွံာ်ဝဲန့ၣ်လီၤ. ဒ်န့ၣ်အသိး, ပှၤထူးပှၤတီၤကဘၣ်တၢ်မၤဟးဂီၤအီၤဖဲ အဝဲလဲၤက့ၤဖံးမၤတၢ်အဆၢကတီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

လံာ်ယဃ့းစက့လး 16:15

ဘၣ်ဆၣ်ဒီးနဟံးန့ၢ်နတၢ်ခွဲးတၢ်ယာ်လၢတၢ်နတၢ်ဃံတၢ်လၤဒီး နတၢ်မံၤဟူသၣ်ဖျါအဖီခိၣ်, လၢနကမံဃုာ်ဒီးပှၤကိးဂၤဒဲးလၢအဟဲဆူနအိၣ်အဂီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:18

ပဒ့ၣ်ဟးဆှဲးတၢ်နးကဲာ်ဆိးခံမံၤလိာ်န့ၣ်တက့ၢ်. နမ့ၢ်အိၣ်ဒီးတၢ်ယူးယီၣ်ကစၢ်ယွၤဒီး, တမံၤဂ့ၤတမၠိဂ့ၤနကမၤ န့ၢ်မၤနၢၤတၢ်လီၤ.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 11:16

ပိာ်မုၣ်အိၣ်ဒီးအလၤကပီၤတဂၤန့ၣ်ဘၣ်တၢ်ပာ်ကဲအီၤလီၤ. မ့မ့ၢ်ပိာ်မုၣ်တဂၤလၢအလုၢ်ဂ့ၤလၢ်ဝါတအိၣ်ဘၣ်န့ၣ်, မ့ၢ်တၢ်လီၤမဲာ်ဆှးတမံၤလီၤ. ပှၤအကၢၣ်တဂၤအကျိၣ်အစ့တအိၣ်ဘၣ်နီတဘျီဘၣ်. မ့မ့ၢ်ပှၤလၢအမၤအသးဆူၣ်ဆူၣ်ကိၢ်ကိၢ်တဂၤန့ၣ်ကထူးထီၣ်တီၤ ထီၣ်ဝဲလီၤ.

တၢ်ကတိၤဒိ. 22:4

အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

တၢ်ကတိၤဒိ. 31:29

အဝဲစံးဝဲ, “ပိာ်မုၣ်အါဂၤမ့ၢ်မါလၢအဂ့ၤလီၤ. ဘၣ်ဆၣ်နဲနမ့ၢ်ပှၤအဂ့ၤကတၢၢ်လၢအဝဲသ့ၣ်ခဲလၢာ်အကျါလီၤ.”

တၢ်ကတိၤဒိ. 31:31

ဟ့ၣ်အီၤတၢ်စံးထီၣ်ပတြၢၤလၢတၢ်လၢအမၤဝဲခဲလၢာ်အဃိ န့ၣ်တက့ၢ်. အဝဲကြၢးန့ၢ်ဘၣ်ပှၤခဲလၢာ်အတၢ်ပာ်ဒိၣ်ပာ်ကဲအီၤ န့ၣ်လီၤ.