တၢ်ကတိၤဒိ. 31:10 - Sgaw Karen Common Bible

¹⁰ မါလၢအထီၣ်ဘးတဂၤန့ၣ်ပဃုထံၣ်န့ၢ်အီၤကီမးလဲၣ်. အဝဲလုၢ်ဒိၣ်ပှ့ၤဒိၣ်န့ၢ်ဒံးတၢ်မျၢ်ပလဲတဖၣ်တက့ၢ်လီၤ.

တၢ်ကတိၤဒိ. 31:10 Iomraidhean Croise

လံာ်စီၤယိၤဘး 28:18

တၢ်ကူၣ်သ့န့ၣ်အလုၢ်အပှ့ၤဒိၣ်န့ၢ်ဒံးလၢၢ်ဖီမ့ၢ်ဂ့ၤ, လၢၢ်ဖျါကလၤမ့ၢ်ဂ့ၤ, တၢ်မျၢ်ဂီၤမ့ၢ်ဂ့ၤန့ၣ်လီၤ.

တၢ်ကတိၤဒိ. 12:4

မါလၢအဂ့ၤတဂၤန့ၣ်မ့ၢ်အဝၤအလၤကပီၤဒီးတၢ်သးခုလီၤ. မ့မ့ၢ်မါလၢအမၤမဲာ်ဆှးအဝၤန့ၣ်, လီၤဂာ်ဒ်တၢ်ဆါအုၣ်ကျၣ်လၢ အဃံတဖၣ်အပူၤအသိးန့ၣ်လီၤ.

တၢ်ကတိၤဒိ. 14:1

ဟံၣ်တဖၣ်ဘၣ်တၢ်မၤထီၣ်အီၤလၢပိာ်မုၣ်တဖၣ်အတၢ်ကူၣ်သ့, ဘၣ်ဆၣ်, ဘၣ်တၢ်မၤဟးဂီၤအီၤလၢတၢ်သူၣ်တဆးသးတဆးန့ၣ်လီၤ.

တၢ်ကတိၤဒိ. 18:22

ပှၤလၢအထံၣ်န့ၢ်အမါတဂၤန့ၣ်ထံၣ်န့ၢ်တၢ်အဂ့ၤတမံၤ, ဒီးဒိးန့ၢ်ဘၣ်တၢ်ဘျုးတၢ်ဖှိၣ်လၢယွၤလီၤ.

တၢ်ကတိၤဒိ. 19:14

ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.

တၢ်ကတိၤဒိ. 20:15

နမ့ၢ်သ့ၣ်ညါတၢ်ဂ့ၢ်လၢနကတိၤအီၤန့ၣ်ဒီး, နအိၣ်လံဒီးတၢ်တမံၤ မံၤလၢအလုၢ်ဒိၣ်ပှ့ၤဒိၣ်န့ၢ်ဒံးထူဒီးတၢ်မျၢ်တဖၣ်လီၤ.

တၢ်ကတိၤဒိ. 3:15

တၢ်ကူၣ်သ့အံၤအလုၢ်အပှ့ၤအိၣ်ဒိၣ်န့ၢ်တၢ်မျၢ်ပလဲတဖၣ်တက့ၢ်လီၤ. ကယဲၢ်တၢ်လၢနသးလီအီၤခဲလၢာ်န့ၣ်နထိၣ်သတြီၤဒီးအီၤတန့ၢ် ဘၣ်.

တၢ်ကတိၤဒိ. 31:11

အဝၤပာ်အတၢ်နာ်နီၢ်နီၢ်လၢအပူၤအဃိဒီး, တဖှီၣ်လီၤယာ်လီၤဝဲ နီတစုဘၣ်.

တၢ်ကတိၤဒိ. 8:11

ယဲဒၣ်အံၤယမ့ၢ်တၢ်ကူၣ်သ့ဒီးယဂ့ၤန့ၢ်တၢ်မျၢ်ပလဲ တဖၣ်လီၤ. တၢ်လၢသုသးလီန့ၣ်, သုထိၣ်သတြီၤဒီးယၤတသ့နီတမံၤဘၣ်.

လံာ်ပှၤစံၣ်တဲၤတဲလီၤတၢ် 7:28

ယဃုထံၣ်န့ၢ်တၢ်စံးဆၢအဂၤတဖၣ်, ဘၣ်ဆၣ်ယတထံၣ်န့ၢ်နီ တမံၤဘၣ်. ယထံၣ်တ့ၢ်ပှၤပိာ်ခွါတဂၤလၢပှၤတကထိအကျါလၢယပာ်ကဲ အီၤန့ၢ်န့ၣ်လီၤ. ဘၣ်ဆၣ်ဒီးယတထံၣ်န့ၢ်ပိာ်မုၣ်နီတဂၤဘၣ်.

လံာ်နီၢ်ရူၤသး 3:11

ခဲကနံၣ်အံၤနီၢ်ရူၤသးဧၢ, ဘၣ်ယိၣ်တၢ်တဂ့ၤ. ကယဲၢ်တၢ်လၢနစံးဘၣ်ယၤခဲလၢာ်န့ၣ်ယကမၤယဲလီၤ. အဂ့ၢ်ဒ်အံၤ, ပှၤဝ့ၢ်ဖိကိးဂၤသ့ၣ်ညါလၢနမ့ၢ်ပိာ်မုၣ်လၢအဂ့ၤအဝါတဂၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:3

ပှၤအိၣ်ဝဲတဂၤလၢစီၤကၤလ့းအဒူၣ်ထၢပူၤဒီးအမံၤမ့ၢ်စီၤနၤ ဘလး, ပှၤအိၣ်လၢဝ့ၢ်မၤဧိၣ်ဒီးမ့ၢ်ပှၤအိၣ်ဒီးဟီၣ်ခိၣ်ကဝီၤဘူးဒီး ဝ့ၢ်ကၤမ့လးလီၤ. အဝဲမ့ၢ်ပှၤထူးပှၤတီၤဖးဒိၣ်တဂၤလၢ အမ့ၢ်ပှၤအိၣ်ဒီးသိအဒုသၢကထိဒီးမဲာ်တဲးလဲးအဒုတကထိလီၤ. အမါနီၢ်အဘံၤကယံးလးမ့ၢ်ပှၤဒိၣ်တၢ်ဃံလၤဒီးအသူၣ်ဆးအသးဆး တဂၤလီၤ. မ့မ့ၢ်အဝဲဒၣ်မ့ၢ်ပှၤအသူၣ်အၢပှၤအသးသီ ဒီးပှၤကတိၤတၢ်ဆူၣ်ဆူၣ်ကိၤကိၤတဂၤလီၤ. စီၤနၤဘလးတံာ်အသိအဆူၣ်လၢဝ့ၢ်ကၤမ့လးအပူၤ,