တၢ်ကတိၤဒိ. 30:5 - Sgaw Karen Common Bible

⁵ ယွၤမၤလၢပှဲၤအတၢ်အၢၣ်လီၤကိးထံၣ်ဒဲးလီၤ. အဝဲလီၤဂာ်ဒ်ကတီၤတဘ့ၣ်အသိးလၢပှၤဃုန့ၢ်အတၢ်ဒီဒၣ်အိၣ်ပှိၤ ကိးဂၤဒဲးအဂီၢ်လီၤ.

တၢ်ကတိၤဒိ. 30:5 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 22:31

ကစၢ်ယွၤတဂၤအံၤ, အတၢ်မၤတဖၣ်လၢပှဲၤဝဲဒိၣ်မးလဲၣ်. အတၢ်ကတိၤတဖၣ်ကဆှီဝဲဒီးလီၤနာ်န့ၢ်ဒိၣ်မးလဲၣ်. အဝဲလီၤဂာ်ဒ်ကတီၤတဘ့ၣ်အသိး လၢပှၤတဖၣ်လၢအဃု အဝဲအတၢ်ဒီဒၣ်အိၣ်ပှိၤအဂီၢ်န့ၣ်လီၤ.

စံးထီၣ်ပတြၢၤ 119:140

နတၢ်အၢၣ်လီၤမ့ၢ်တၢ်လၢအလီၤတံၢ်ဒိၣ်မး, ဒီးနခ့နပှၤအဲၣ်အီၤလီၤ.

စံးထီၣ်ပတြၢၤ 12:6

ယွၤအတၢ်အၢၣ်လီၤတဖၣ်တၢ်နာ်န့ၢ်အီၤသ့, ကဆှီဝဲဒ်စ့လၢအဘၣ်တၢ်ပှံၢ်ကဆှီထီၣ်အီၤ နွံဘျီလၢမ့ၣ်အူပူၤအသိးန့ၣ်လီၤ.

စံးထီၣ်ပတြၢၤ 144:2

အဝဲမ့ၢ်ယလၢၢ်ဒီးယတိာ်, ယတၢးထီၣ်ထီ ဒီးပှၤမၤပူၤဖျဲးယၤ, ယကတီၤတဘ့ၣ်ဒီးပှၤလၢယသန့ၤယသးလၢအီၤ, ပှၤလၢအဆီၣ်လီၤပှၤဂီၢ်မုၢ်တဖၣ်လၢ ယဖီလာ်န့ၣ်လီၤ.

စံးထီၣ်ပတြၢၤ 18:2

ယွၤမ့ၢ်ယလၢၢ်, ဒီးယတိာ်, ဒီးယတၢ်ပူၤဖျဲးအလီၢ်, ယကစၢ်, ယွၤမ့ၢ်ယလၢၢ်, မ့ၢ်ယတၢ်အိၣ်တဒၢအလီၢ်, ယကတီၤတဘ့ၣ်, ဒီးယတၢ်အုၣ်က့ၤခီၣ်က့ၤအနၢၤ, ယတိာ်ဧိၤတာ်ဧိၤန့ၣ်လီၤ.

စံးထီၣ်ပတြၢၤ 18:30

ကစၢ်ယွၤလၢယဘါအီၤအံၤအကျဲလၢပှဲၤဝဲ, ယွၤအတၢ်စံးပာ်န့ၣ်ဘၣ်တၢ်မၤကွၢ် ဒီးထံၣ်န့ၢ်အီၤလၢအတီဝဲလီၤ. အဝဲမ့ၢ်ကတီၤတဘ့ၣ်လၢပှၤလၢအ အိၣ်တဒၢလၢအပူၤခဲလၢာ်အဂီၢ်န့ၣ်လီၤ.

စံးထီၣ်ပတြၢၤ 18:31

အဂ့ၢ်ဒ်အံၤ, ယွၤမ့ၢ်ကစၢ်ယွၤထဲတဂၤဧိၤ, ကစၢ်ယွၤထဲတဂၤဧိၤ မ့ၢ်ပှၤတြီဆၢတၢ်အၢလၢပဂီၢ်န့ၣ်လီၤ.

စံးထီၣ်ပတြၢၤ 19:8

ယွၤအကလုၢ်ကထါန့ၣ်တီဝဲလိၤဝဲ, ဒီးမၤခုထီၣ်က့ၤပသးလီၤ. ယွၤအတၢ်မၤလိာ်န့ၣ်ကဆှီဝဲ ဒီးမၤကပီၤထီၣ်က့ၤပမဲာ်လီၤ.

စံးထီၣ်ပတြၢၤ 3:3

မ့မ့ၢ်နဲဒၣ်အံၤ, ယွၤဧၢ, နမ့ၢ်ကတီၤတဘ့ၣ်လၢ အအိၣ်ဝးတရံးယၤထီဘိလၢ တၢ်ဘၣ်ယိၣ်ဘၣ်ဘီအကတီၢ်, နဟ့ၣ်ယၤတၢ်မၤနၢၤ ဒီးတၢ်သူၣ်ဒူသးဒူန့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

စံးထီၣ်ပတြၢၤ 91:2

ကစံးဘၣ်ယွၤ, “နမ့ၢ်ယတၢ်အိၣ်တဒၢအလီၢ်ဒီးယတိာ်, ယကစၢ်ယွၤလၢယသန့ၤယသးလၢအီၤန့ၣ်လီၤ.”

တၢ်ကတိၤဒိ. 2:7

အဝဲကတဲာ်ကတီၤန့ၢ်တၢ်မၤစၢၤဒီးတၢ်ဒီသဒၢလၢပှၤ အတီအလိၤဒီးပှၤလၢအကလုၢ်တီအဂီၢ်လီၤ.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

ရိမ့ၤ 7:12

တၢ်သိၣ်တၢ်သီအိၣ်ဒၣ်အတၢ်န့ၣ်စီဝဲဆှံဝဲ, ဒီးတၢ်မၤလိာ်အိၣ်ဒၣ်အတၢ်န့ၣ်စီဝဲဆှံဝဲ, တီဝဲလိၤဝဲ ဒီးဂ့ၤဝဲဝါဝဲလီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.