တၢ်ကတိၤဒိ. 30:33 - Sgaw Karen Common Bible

³³ နမ့ၢ်ဆှဲးဆှု ဆဲးဖှိးတၢ်နုၢ်ထံဒီးနကမၤန့ၢ်တၢ်နုၢ်ထံကိၢ် လိၣ်လီၤ. နမ့ၢ်မၤဘၣ်ဒိပှၤအနါဒ့ဒီးကသွံၣ်ထီၣ်ဝဲလီၤ. နမ့ၢ်ထိၣ်ဂဲၤထီၣ်တၢ်သူၣ်ဒိၣ်သးဖျိးဒီး, နကဘၣ်တၢ်ကီတၢ်ခဲန့ၣ်လီၤ.

တၢ်ကတိၤဒိ. 30:33 Iomraidhean Croise

လံာ်တၢ်ကဲထီၣ်အခီၣ်ထံး 18:8

ဒီးဟံးန့ၢ်တၢ်နုၢ်ထံလီၤသကၤ, တၢ်နုၢ်ထံဒီးတၢ်ညၣ်, ဒီးကတဲာ်ကတီၤတၢ်အီၣ်တၢ်အီလၢအဝဲသ့ၣ်အမဲာ်ညါန့ၣ်လီၤ. ဒီးစီၤအၤဘြၤဟၣ်အနီၢ်ကစၢ်ဒၣ်ဝဲဒုးအီၣ်ဒုးအီအဝဲသ့ၣ်လၢ သ့ၣ်အဖီလာ်, ဒီးအဝဲသ့ၣ်အီၣ်ဝဲဒၣ်န့ၣ်လီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 16:28

တၢ်ကတိၤသီၣ်ဝံသဲကလၤဘၣ်တၢ်ရၤလီၤအီၤလၢပှၤတတီတလိၤ တဖၣ်လီၤ. အဝဲသ့ၣ်ထိၣ်ဂဲၤထီၣ်တၢ်ကီတၢ်ခဲဒီးမၤလီၤဖး တၢ်ဒီတံၤဒီသကိးတဖၣ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 26:21

သွဲၣ်လးဒုးအိၣ်ထီၣ်မ့ၣ်အူအ့ၣ်ကဲၤကဖး, သ့ၣ်မုၣ်ဒုးကပျီၤ ထီၣ်မ့ၣ်အူလၣ်, ဒီးပှၤလၢအမၤကီမၤခဲတၢ်တဖၣ်တဒုးဆိတ့ၢ်တၢ် အ့ၣ်လိာ်ဆိးက့လိာ်တဖၣ်ဘၣ်.

တၢ်ကတိၤဒိ. 28:25

တၢ်အဲၣ်လီၤသးန့ၣ်ဒုးအိၣ်ထီၣ်ဒၣ်ထဲတၢ်ကိၢ်တၢ်ဂီၤဧိၤလီၤ. တၢ်သန့ၤအသးလၢယွၤန့ၣ်ဒုးဘီၣ်ထီၣ်ညီထီၣ်နၤဒိၣ်တက့ၢ်လီၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

တၢ်ကတိၤဒိ. 31:1

အအံၤမ့ၢ်တၢ်ကတိၤသညူးသပှၢ်တဖၣ်လၢစီၤပၤလမူၤအ့လးအမိၢ်စံး ဘၣ်အီၤန့ၣ်လီၤ.