တၢ်ကတိၤဒိ. 30:32 - Sgaw Karen Common Bible

³² နသးမ့ၢ်တဆးတုၤဒၣ်လဲာ်လၢနကပာ်ထီၣ်ထီနသးဒီးကူၣ်အၢတၢ်န့ၣ်, အိၣ်ကတီၢ်ဒီးဆိကမိၣ်တၢ်တက့ၢ်.

တၢ်ကတိၤဒိ. 30:32 Iomraidhean Croise

လံာ်စီၤယိၤဘး 21:5

ကွၢ်ယၤ, ဒီးကမၢကမၣ်တက့ၢ်. ကးတံာ်သုထးခိၣ် ဒီးသုစုန့ၣ်တက့ၢ်.

တၢ်ကတိၤဒိ. 17:28

ပမ့ၢ်ဘၣ်စံးတၢ်အလၢာ်န့ၣ်ပှၤဟးဂီၤဖိတဂၤဒၣ်လဲာ်မ့ၢ်အိၣ်ဘှီၣ် ဒီးကးတံၢ်အထးခိၣ်န့ၣ်, တၢ်ကပာ်ဒီးဆိကမိၣ်အီၤလၢအမ့ၢ်ပှၤကူၣ်သ့ဒီးပှၤသူၣ်ဆးသးဆး တဂၤန့ၣ်လီၤ.

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

တၢ်ကတိၤဒိ. 30:31

မဲာ်တဲးလဲးဖါတံၢ်တဖၣ်, ဆီဖါကီၢ်တဖၣ်လၢအဟးလၢတၢ်ပာ် ထီၣ်ထီသးအပူၤ, ဒီးစီၤပၤတဖၣ်လၢအပှၤဂီၢ်မုၢ်အမဲာ်ညါန့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.