တၢ်ကတိၤဒိ. 30:10 - Sgaw Karen Common Bible

¹⁰ ကတိၤဒုၣ်ဒွဲၣ်တၢ်ခ့တၢ်ပှၤတဂၤလၢအကစၢ်အမဲာ်ညါနီတစုတဂ့ၤ. နကဘၣ်တၢ်ဆိၣ်အၢနၤဒီးနကဘၣ်တူၢ်တၢ်လၢတၢ်န့ၣ်အဂ့ၢ်လီၤ.

တၢ်ကတိၤဒိ. 30:10 Iomraidhean Croise

လံာ်တၢ်ကဲထီၣ်အခီၣ်ထံး 8:21

တၢ်လုၢ်ထီၣ်အတၢ်နၢမူမၤမုာ်ယွၤအသး, ဒီးစံးလီၤက့ၤအသးဒၣ် ဝဲ, “ယတပာ်ကဒီးဟီၣ်ခိၣ်လၢတၢ်ဆိၣ်အၢအဖီလာ်လၢတၢ်လၢပှၤကညီမၤ ဝဲအဃိန့ၣ်နီတစုလၢၤဘၣ်. စးထီၣ်လၢအသးစၢ်ဒံးအကတီၢ်န့ၣ်အတၢ်ဆိကမိၣ်မ့ၢ်တၢ်အၢန့ၣ် ယသ့ၣ်ညါယဲလီၤ. ဒ်ယမၤတ့ၢ်တၢ်တဘျီ အံၤအသိးန့ၣ်ယတမၤဟးဂီၤကဒီးကယဲၢ်တၢ်လၢအမူ အသါအိၣ်တဖၣ်နီတစုလၢၤဘၣ်.

တၢ်ကတိၤဒိ. 11:26

ပှၤဂီၢ်မုၢ်ဆိၣ်အၢပှၤတဂၤလၢအပာ်ကီၤဘုဧိၤဟုဧိၤဒီးခိးဝဲ လၢတၢ်အပှ့ၤကအါထီၣ်တစုစုအဂီၢ်န့ၣ်လီၤ. မ့မ့ၢ်အဝဲသ့ၣ်စံးထီၣ်ပတြၢၤပှၤတဂၤလၢအထုးထီၣ်ဆါအဘုအဟု န့ၣ်လီၤ.

တၢ်ကတိၤဒိ. 28:27

ဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. တၢ်လိၣ်ဒီးနၤတအိၣ်လၢၤနီ တစုဘၣ်. နမ့ၢ်ဃၣ်ကွံာ်နမဲာ်လၢပှၤဖှီၣ်ဖိယာ်ဖိဒီး, ပှၤအါဂၤကဆိၣ်အၢနၤလီၤ.

လံာ်ပှၤစံၣ်တဲၤတဲလီၤတၢ် 7:21

ပာ်နသးစုာ်ကနၣ်လၢပှၤအတၢ်ကတိၤကိးမံၤဒဲးန့ၣ်တဂ့ၤ. နကနၢ်ဟူဘၣ်ဖုးနခ့နပှၤကတိၤဒုၣ်ဒွဲၣ်စံးအၢနၤလီၤ.

လံာ်ဒၤနံးယ့လး 6:13

တုၤနုၤတစုအဝဲသ့ၣ်စံးဘၣ်စီၤပၤ, “စီၤဒၤနံးယ့လး, လၢအမ့ၢ် ပှၤယူဒၤဖိလၢအဘၣ်တၢ်စိာ်မၢကဲကုၢ်အီၤတဖၣ်အကျါတဂၤ န့ၣ်တပာ်ကဲဘၣ်နဲဒၣ်စီၤပၤ, ဒီးတစူၢ်ဘၣ်တၢ်ကလုၢ်လၢနဟ့ၣ် လီၤအီၤန့ၣ်ဘၣ်. အဝဲဘါထုကဖၣ်တၢ်တနံၤသၢဘျီတီတီန့ၣ်လီၤ.”

လံာ်ဒၤနံးယ့လး 6:24

ဒီးစီၤပၤဟ့ၣ်လီၤအကလုၢ်လၢတၢ်ကဖီၣ်ဒီးတ့ၢ်လီၤကွံာ်ပှၤဆှိး ထီၣ်ပာ်တၢ်ကမၣ်လၢစီၤဒၤနံးယ့လးအလိၤတဖၣ်ဃုာ်ဒီးအဖိ အမါတဖၣ်ဆူခ့ယုၢ်အတဝၢအပူၤန့ၣ်လီၤ. ဒီးတချုးလၢအလီၤတုၤ ဆူတၢ်ပူၤအခံဒးဒံးဒၣ်လဲာ်ဘၣ်ဒီးခ့ယုၢ်တဖၣ်စံၣ်ပှီၤလၢ အလိၤဒီးအီၣ်ကွံာ်အီၤတုၤအဃံအကွဲလၢာ်တစုန့ၣ်လီၤ.

ရိမ့ၤ 14:4

နမ့ၢ်မတၤတဂၤလၢအကစံၣ်ညီၣ်ပှၤအဂၤတဂၤအခ့အပှၤန့ၣ်လဲၣ်. အတၢ်မၤကဲထီၣ်မ့ၢ်ဂ့ၤ, တကဲထီၣ်မ့ၢ်ဂ့ၤန့ၣ် အကစၢ်လၢအမ့ၢ်ယွၤကစံၣ်ညီၣ်ဒၣ်ဝဲလီၤ. ဒီးအတၢ်မၤကကဲထီၣ်လိၣ်ထီၣ်ဝဲ, မ့ၢ်လၢယွၤဒုးကဲထီၣ်လိၣ်ထီၣ်အီၤသ့ဝဲဒၣ်အဃိန့ၣ်လီၤ.

လံာ်သိၣ်လီၤသီလီၤတၢ် 15:9

မ့ၢ်လၢနံၣ်လၢဒ့ၣ်ကမၢ်တဖၣ်ကဘၣ်တၢ်တြူာ်ကွံာ်အီၤန့ၣ်ဘူးထီၣ် လံအဃိ, ဂ့ၢ်လိာ်လၢသုကဒုးလိၢ်အီၤလၢတၢ်တမံၤမံၤန့ၣ်တဂ့ၤ. ပျဲတၢ်ဆိကမိၣ်အအၢအသီဒ်န့ၣ်အသိးတမံၤအိၣ်လၢသုသးပူၤတဂ့ၤ. သုမ့ၢ်ဂ့ၢ်လိာ်လၢသုကဟ့ၣ်ဒုးလိၢ်တၢ်န့ၣ်, အဝဲကကိးထီၣ်တၢ်ဆူယွၤအအိၣ်ထီဒါသုဒီးသုကဘၣ်တၢ်ပာ်တၢ်ကမၣ် လၢသုလိၤန့ၣ်လီၤ.

လံာ်သိၣ်လီၤသီလီၤတၢ် 23:15

ကုၢ်တဂၤမ့ၢ်ဃ့ၢ်ထူၣ်ဖျဲးကွံာ်လၢအကစၢ်အအိၣ်, ဒီးဟဲဆူသုအိၣ်လၢတၢ်ကဟုကယာ်အဂီၢ်န့ၣ်, သုတဘၣ်ဆှၢကဒါက့ၤအီၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 24:9

ဒီးစံး, “ဘၣ်မနုၤလၢနဒိကနၣ်ပှၤဂီၢ်မုၢ်လၢအစံးဝဲလၢ ယကျဲးစၢးမၤဆါနၤန့ၣ်လဲၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:19

စီၤပၤဖးဒိၣ်ဧၢ, ဒိကနၣ်တၢ်လၢယဘၣ်ကတိၤအီၤန့ၣ်တက့ၢ်. ယွၤမ့မ့ၢ်ပှၤလၢအဒုးဃၣ်နသးထီဒါယၤဒီးတၢ်လုၢ်မၤဘူၣ်တမံၤ ကဒုးလဲလိာ်ကွံာ်အသးလီၤ. ဘၣ်ဆၣ်ဒီးမ့မ့ၢ်တၢ်လၢပှၤကညီ တဖၣ်မၤတ့ၢ်အီၤဒီးမ်ယွၤအတၢ်ဆိၣ်အၢလီၤလၢအဝဲသ့ၣ်အဖီခိၣ်တက့ၢ်. အဂ့ၢ်ဒ်အံၤ, အဝဲသ့ၣ်နီၣ်ထုးထီၣ်ကွံာ်ယၤလၢယွၤအကီၢ်ပူၤ, ဆူကီၢ်တဘ့ၣ်လၢယဘါထီၣ်သ့ထဲပှၤတခီဘီမုၢ်ဖိအကစၢ်တဖၣ်ဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:15

စီၤဒၤဝံးသံကွၢ်အီၤ, “နကဆှၢပှၤဆူပှၤဂုာ်ဆူၣ်ပျိဆူၣ်တၢ်တဖၣ်န့ၣ်အအိၣ်ဧါ.” ဒီးအဝဲဒၣ်စံးဆၢဝဲ, “နမ့ၢ်အၢၣ်လီၤလၢကစၢ်ယွၤအမံၤအပူၤ လၢနတမၤသံယၤဘၣ်မ့ၢ်ဂ့ၤဟ့ၣ်လီၤကဒါက့ၤယၤဆူယကစၢ်အစုပူၤ မ့ၢ်ဂ့ၤဘၣ်ဒီးယကဆှၢနၤလီၤ.”