တၢ်ကတိၤဒိ. 3:9 - Sgaw Karen Common Bible

⁹ မၤလၤကပီၤယွၤလၢနတၢ်လုၢ်ထီၣ်ပာ်ထီၣ်တမံၤ, လၢအမ့ၢ်တၢ်အဂ့ၤကတၢၢ်လၢတၢ်လၢနဟီၣ်ခိၣ်အတၤသၣ်အကျါတက့ၢ်.

တၢ်ကတိၤဒိ. 3:9 Iomraidhean Croise

လံာ်တၢ်ကဲထီၣ်အခီၣ်ထံး 28:22

တၢ်သ့ၣ်နီၣ်ထီၣ်အလၢၢ်လၢယပာ်လီၤအီၤအံၤကမ့ၢ်တၢ်လီၢ်လၢနဘၣ်တၢ်ဘူၣ်ထီၣ်ဘါထီၣ်နၤဒီးယကဟ့ၣ်နၤကယဲၢ်တၢ်လၢနဟ့ၣ်ယၤအကျါဆံဆဲၣ်ပူတပူန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 31:10

ဒီးပှၤလုၢ်တၢ်အခိၣ်အဒိၣ်ကတၢၢ်စီၤဧစၤရယၤ, ပှၤဟဲလီၤစၢၤလီၤသွဲၣ်လၢစီၤစၤဒိးတဂၤ, စံးဘၣ်အီၤ, “စးထီၣ်လၢပှၤဂီၢ်မုၢ်ဟဲစိာ်အတၢ်ဟ့ၣ်တဖၣ်ဆူ ယွၤအတၢ်လုၢ်ဟံၣ်န့ၣ်, တၢ်အီၣ်တၢ်အီလၢပကအီၣ်အိၣ်ဝဲလၢလၢလီၣ်လီၣ်ဒီးလၢန့ၣ်အမဲာ် ညါတၢ်အိၣ်ဘျဲၣ်အိၣ်စဲၢ်အိၣ်အါမးန့ၣ်လီၤ. ပအိၣ်ဒီးကယဲၢ်တၢ်ခဲလၢာ်အံၤမ့ၢ်လၢယွၤဆိၣ်ဂ့ၤတ့ၢ်အပှၤဂီၢ် မုၢ်အဃိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 31:21

အဝဲမၤတၢ်ကဲထီၣ်လိၣ်ထီၣ်ဝဲ, မ့ၢ်လၢကယဲၢ်တၢ်ကိးမံၤဒဲးလၢ အမၤတ့ၢ်ဝဲလၢယွၤအတၢ်လုၢ်ဟံၣ်အဂီၢ်မ့ၢ်ဂ့ၤ, လၢတၢ်လူၤပိာ်ထွဲယူဒၤအတၢ်သိၣ်တၢ်သီမ့ၢ်ဂ့ၤန့ၣ်, အဝဲမၤတ့ၢ်ဝဲအိၣ်ဒီးသးလၢအတီဝဲလၢလၢပှဲၤပှဲၤဒီးတၢ်ဟ့ၣ် လီၤအးလီၤသးဆူအကစၢ်ယွၤအစုပူၤအဃိန့ၣ်လီၤ.

စံးထီၣ်ပတြၢၤ 144:13

မ်ပသိၣ်ဧိၤဖီဧိၤပှဲၤဝဲဒီး တၤသူတၤသၣ်ကိးကလုာ်ဒဲး မ်ပသိကဖှံလီၤအဒုအကထိတဖၣ်, ဒီးအကလးတဖၣ်လၢပပျီပူၤ,

လံာ်တၢ်ဟးထီၣ်ကွံာ် 22:29

ဟ့ၣ်ယၤတၢ်လုၢ်မၤဘူၣ်တဖၣ်လၢသုဘုဧိၤဟုဧိၤအကျါ, သုစပံးထံ, ဒီးသုသ့ၣ်စၤယံးအသိအကျါ, ဖဲအကတီၢ်ဘၣ်ဝဲန့ၣ်တက့ၢ်. ဟ့ၣ်ယၤလၢသုဖိဝဲၢ်ကိပိာ်ခွါတဖၣ်န့ၣ်တက့ၢ်.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဟးထီၣ်ကွံာ် 23:19

တၤသၣ်ဆိလၢသုကူးက့ၤအီၤန့ၣ်, ဟဲစိာ်အီၤဆူယွၤ, သုကစၢ်ယွၤအဟံၣ်ကိးနံၣ်ဒဲးတက့ၢ်. ဖီသိဖိအစၢ်မ့ၢ်ဂ့ၤမဲာ်တဲးလဲးဖိမ့ၢ်ဂ့ၤလၢအမိၢ်အနုၢ်ထံ အပူၤတဂ့ၤ.

လံာ်တၢ်ဟးထီၣ်ကွံာ် 34:26

ဟဲစိာ်ထီၣ်တၤသၣ်ဆိလၢသုကူးအီၤန့ၣ်ဆူယွၤအဟံၣ်, ကိးနံၣ်ဒဲးတက့ၢ်. သိဖိမ့ၢ်ဂ့ၤမဲာ်တဲးလဲးဖိမ့ၢ်ဂ့ၤဖဲအအီအမိၢ်အနုၢ်ထံအကတီၢ်န့ၣ်ဖီအီၣ်အညၣ်တဂ့ၤ.”

တၢ်ကတိၤဒိ. 11:25

ဟ့ၣ်ညီတၢ်တက့ၢ်, ဒီးနကထူးတီၤထီၣ်လီၤ. မၤစၢၤပှၤဂၤတက့ၢ်, ဒီးနကဘၣ်တၢ်မၤစၢၤနၤလီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

လံာ်ယၡါယၤ 43:23

နတဟဲစိာ်န့ၢ်ယၤသိဖိတဖၣ်လၢနတၢ်လုၢ်မ့ၣ်အူတဖၣ်အဂီၢ်န့ၣ်ဘၣ်. နတမၤလၤကပီၤယၤလၢနတၢ်လုၢ်တၢ်ပာ် တဖၣ်န့ၣ်ဘၣ်. ယတပာ်တၢ်ဝံတၢ်ယိးလၢနဖီခိၣ်ဒီးဃ့ဆူၣ်နၤ တၢ်မၤဘူၣ်တဖၣ်မ့ၢ်ဂ့ၤ, ယတမၤလီၤဘှံးလီၤတီၤကွံာ်နၤဒီးဃ့တၢ်ဆိၣ်ကဲၤနၢမူ မ့ၢ်ဂ့ၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 19:25

ဒီးယဲၢ်နံၣ်တနံၣ်န့ၣ်သုကအီၣ်အသၣ်ဒ်သိးအကမၤအါထီၣ်တၢ်လၢသု ဂီၢ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်တၢ်ဂံၢ် 15:20

ဖဲသုစိၢ်ဘျဲးကိၣ်န့ၣ်ကိၣ်အဆိကတၢၢ်တလိၣ်လၢတၢ်မၤအီၤအဆိ ကတၢၢ်လၢဘုအသီန့ၣ်ကဘၣ်တၢ်ဟ့ၣ်ထီၣ်အီၤဆူယွၤအအိၣ်ဒ် တၢ်မၤဘူၣ်လီၤဆီတမံၤအသိးန့ၣ်လီၤ. တၢ်အံၤကဘၣ်တၢ်ဟ့ၣ်ထီၣ်အီၤလၢကျဲတဘိဃီဒ်သိးဒၣ်တၢ်မၤဘူၣ် လီၤဆီလၢသုဟ့ၣ်ထီၣ်အီၤလၢဘုဧိၤဟုဧိၤလၢသုယီၢ်လီၤအီၤ အသိးန့ၣ်လီၤ.

လံာ်မးသဲ 25:17

ပှၤလၢအဒိးန့ၢ်စ့ခံတၤလၣ်တဂၤန့ၣ်, မၤစ့ၢ်ကီးဝဲဒၣ်ဒ်န့ၣ်ဒီးဒိးန့ၢ်အါထီၣ်စ့ခံတၤလၣ်န့ၣ် လီၤ.

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

လံာ်သိၣ်လီၤသီလီၤတၢ် 14:29

တၢ်အီၣ်အံၤမ့ၢ်လၢပှၤလ့ၤဝံဖိတဖၣ်အဂီၢ်မ့ၢ်လၢအဝဲသ့ၣ်တအိၣ် ဒီးအတၢ်ဖိတၢ်လံၤဒၣ်ဝဲဘၣ်, ဒီးမ့ၢ်လၢပှၤတခီဘီမုၢ်ဖိတဖၣ်ပှၤဖိၣ်ဃဲတဖၣ်ဒီးပှၤမုၣ်ကမဲ တဖၣ်လၢအအိၣ်ဆိးလၢသုဝ့ၢ်တဖၣ်အပူၤအဂီၢ်န့ၣ်လီၤ. အဝဲသ့ၣ်ကဘၣ်ဟဲဒီးဟံးန့ၢ်ကယဲၢ်တၢ်လၢအလိၣ်ဘၣ်ဝဲန့ၣ်လီၤ. မၤတၢ်အံၤ, ဒီးယွၤသုကစၢ်ယွၤကဆိၣ်ဂ့ၤသုလၢကယဲၢ်တၢ်လၢသု မၤအီၤတမံၤလၢ်လၢ်အပူၤန့ၣ်လီၤ.