တၢ်ကတိၤဒိ. 3:7 - Sgaw Karen Common Bible

⁷ ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

တၢ်ကတိၤဒိ. 3:7 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:20

စီၤဒၤဝံးဂဲၤဆၢထၢၣ်လၢဟီၣ်ခိၣ်လိၤ, လုၢ်ထံလုၢ်နိ, ခွံထီၣ်အခိၣ်သူ, ဒီးလဲလိာ်အကူအသိးတဖၣ်န့ၣ်လီၤ. အန့ၣ်ဝံၤဒီး, အဝဲလဲၤဘူၣ်ထီၣ်ဘါထီၣ်တၢ်လၢယွၤအဟံၣ်ပူၤန့ၣ်လီၤ. ဖဲအဝဲဟဲက့ၤဆူနူၢ်ပူၤစီၤပူၤန့ၣ်အဝဲဃ့အီၣ်တၢ်ဒီးအီၣ်ဝဲတဘျီဃီ ဖဲပှၤဟဲပာ်လီၤန့ၢ်အီၤန့ၣ်လီၤ.

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

လံာ်တၢ်ဟးထီၣ်ကွံာ် 20:20

ဒီးစီၤမိၤၡ့စံးဆၢဝဲ, “ပျံၤတၢ်တဂ့ၤ. ကစၢ်ယွၤဟဲဒၣ်လၢကမၤကွၢ်သုဒီးပာ်တၢ်ပျံၤဘၣ်အီၤအသးလၢသု ပူၤဒ်သိးသုသုတမၤဒဲးဘးတၢ်တဂ့ၤအဂီၢ်ဧိၤန့ၣ်လီၤ.”

တၢ်ကတိၤဒိ. 14:16

ပှၤသူၣ်ထံသးဆးတဖၣ်ပလီၢ်အသးလၢကအိၣ်ယံၤဒီးတၢ်အၢတၢ်သီ လီၤ. မ့မ့ၢ်, ပှၤအမၢးတဖၣ်တပလီၢ်အသးဘၣ်ဒီးမၤကြီတၢ်လီၤ.

တၢ်ကတိၤဒိ. 14:27

မ့ၢ်နအဲၣ်ဒိးပဒ့ၣ်ဟးဆှဲးတၢ်သံဧါ. တၢ်ယူးယီၣ်ယွၤန့ၣ်မ့ၢ် တၢ်မူအထံထီၣ်ပၢၢ်လီၤ.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 23:4

အိၣ်ဒီးတၢ်ကူၣ်သ့အလၢအပှဲၤ, ဒ်သိးနသုတမၤတၢ်တုၤနစုလၢာ် ခီၣ်လၢာ်လၢနကထူးထီၣ်တီၤထီၣ်အဂီၢ်တဂ့ၤန့ၣ်တက့ၢ်.

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

တၢ်ကတိၤဒိ. 26:5

ဟ့ၣ်တၢ်စံးဆၢတဂိာ်တသီၣ်တမံၤဆူတၢ်သံကွၢ်တဂိာ်တသီၣ် တထံၣ်န့ၣ်တက့ၢ်. အန့ၣ်ဒီးပှၤလၢအသံကွၢ်တၢ်တဂၤန့ၣ်, ကသ့ၣ်ညါလီၤအသးလၢအဝဲတမ့ၢ်ပှၤအသ့ထဲသိးဒီးအဆိ ကမိၣ်လီၤအသးဘၣ်န့ၣ်လီၤ.

တၢ်ကတိၤဒိ. 28:11

ပှၤထူးပှၤတီၤတဖၣ်ဆိကမိၣ်ဝဲထီဘိလၢအကူၣ်တၢ်သ့န့ၣ်လီၤ. မ့မ့ၢ် ပှၤအဖှီၣ်ဖိတဂၤလၢအအိၣ်ဒီးသးအတၢ်ထံၣ်ဖျိဆူသကဲးပဝာ် န့ၣ်, သ့ၣ်ညါတၢ်ဂ့ၤဒိၣ်တက့ၢ်လီၤ.

တၢ်ကတိၤဒိ. 28:26

တၢ်ပိာ်ထွဲနသးအတၢ်ဆိကမိၣ်ဒၣ်နဲန့ၣ်မ့ၢ်တၢ်မၢးလီၤ. ပိာ်ထွဲပှၤကူၣ်တၢ်သ့တဖၣ်အတၢ်သိၣ်လိတက့ၢ်. အန့ၣ်ဒီး, နကပူၤဖျဲးလီၤ.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ယၡါယၤ 5:21

သုဘၣ်တၢ်စံၣ်ညီၣ်ဃါမနၤလီၤ. သုဆိကမိၣ်လၢသုကူၣ်တၢ်သ့, ဒီးသုသ့သုဘၣ်ဒိၣ်မးလီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.