တၢ်ကတိၤဒိ. 3:6 - Sgaw Karen Common Bible

⁶ သ့ၣ်ညါအၢၣ်လီၤယွၤလၢနကျဲခဲလၢာ်အပူၤတက့ၢ်. ဒီးအဝဲဒၣ်ကဒုးနဲၣ်နၤကျဲအဘၣ်လီၤ.

တၢ်ကတိၤဒိ. 3:6 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်စီၤဧ့စြၤ 7:27

စီၤဧ့စြၤစံးဝဲ, “စံးထီၣ်ပတြၢၤယွၤ, ပမိၢ်ပၢ်ဖံဖုလၢပျၢၤအကစၢ်ယွၤန့ၣ်တက့ၢ်. အဝဲထိၣ်ဂဲၤလံစီၤပၤဖးဒိၣ်အသး, လၢကျဲဒ်အံၤဒ်သိးကမၤလၤကပီၤယွၤအတၢ်လုၢ်ဟံၣ်လၢဝ့ၢ်ယရူၤၡလ့ၣ် အပူၤလံ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

လံာ်စီၤနဃ့မယၤ 2:4

ဒီးစီၤပၤဖးဒိၣ်သံကွၢ်ယၤ “နသးလီတၢ်မနုၤလဲၣ်.” ယဘါထုကဖၣ်တၢ်ဆူကစၢ်ယွၤလၢအအိၣ်လၢမူခိၣ်လီၤ.

လံာ်စီၤနဃ့မယၤ 7:5

ဒီးကစၢ်ယွၤထိၣ်ဂဲၤယသးလၢယကဒုးအိၣ်ဖှိၣ်ပှၤဂီၢ်မုၢ်, အခိၣ်အနၢ်တဖၣ်ဒီးအပဒိၣ်တဖၣ်လၢတၢ်မၤနီၣ်အဟံၣ်ဖိဃီဖိ အတၢ်ကွဲးနီၣ်ကွဲးဃါတဖၣ်န့ၣ်အဂီၢ်လီၤ. ဒီးယပာ်လီၤတၢ်ကွဲးနီၣ်ကွဲးဃါဘၣ်ဃးဒီးပှၤလၢအဟဲက့ၤလၢ တၢ်စိာ်မၢကဲကုၢ်သ့ၣ်တဖၣ်အထူအထံးဒီးယထံၣ်န့ၢ်တၢ်ကွဲး အသးလၢအပူၤဒ်အံၤလီၤ.

စံးထီၣ်ပတြၢၤ 32:8

ယွၤစံးဝဲ, “ယကသိၣ်လိနၤကျဲလၢနကြၢးလဲၤ, ယကနဲၣ်လိဒီးဟ့ၣ်ကူၣ်ဟ့ၣ်ဖးနၤလီၤ.

တၢ်ကတိၤဒိ. 11:5

တၢ်တီတၢ်လိၤန့ၣ်မၤဖှံထီၣ်ညီထီၣ်ပှၤအဂ့ၤတဂၤအတၢ်အိၣ်မူ လီၤ. မ့မ့ၢ်, ပှၤတတီတလိၤတဂၤန့ၣ်ဒုးအိၣ်ထီၣ်အတၢ်လီၤပှီၢ်ဒၣ်ဝဲ န့ၣ်လီၤ.

တၢ်ကတိၤဒိ. 16:3

ဃ့ယွၤလၢကဆိၣ်ဂ့ၤနတၢ်ကူၣ်တၢ်တိာ်တဖၣ်တက့ၢ်. ဒီးတုၤနဟံးထီၣ်ဖီၣ်ထီၣ်မၤအီၤန့ၣ်ကကဲထီၣ်လိၣ်ထီၣ်ဝဲလီၤ.

တၢ်ကတိၤဒိ. 16:9

နမၤနတၢ်ကူၣ်တၢ်ကျဲၤဒၣ်နဲသ့လီၤ. ဘၣ်ဆၣ်ဒီးယွၤနဲၣ်နတၢ်ဖံး တၢ်မၤတဖၣ်လီၤ.

တၢ်ကတိၤဒိ. 23:17

သူၣ်က့ၣ်သးကါပှၤတၢ်ဒဲးဘးဖိတဖၣ်တဂ့ၤ. တၢ်ယူးယီၣ်ယွၤန့ၣ်မ်အကမ့ၢ်တၢ်လၢနသးစၢၢ်ဆၢ, လၢနတၢ်အိၣ်မူအပူၤန့ၣ်တက့ၢ်.

လံာ်ယၡါယၤ 26:7

ယွၤဧၢ, နမၤဘျ့ပှၤအဂ့ၤတဖၣ်အကျဲလီၤ. ကျဲလၢအဝဲသ့ၣ်ပိာ်ဝဲန့ၣ်မုာ်ဝဲပၢၤဝဲလီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 45:13

ယနီၢ်ကစၢ်ဒၣ်ယဲယထိၣ်ဂဲၤတ့ၢ်စီၤပၤကိရ့ၣ်လၢကမၤတၢ် ဒီးမၤလၢမၤပှဲၤယတၢ်တိာ်ဒီးမၤလိၤမၤဘၣ်တၢ်လီၤ. ယကမၤလိၤမၤဘျၢကျဲမုၢ်ကိးဘိဒဲးလၢအဝဲ လဲၤတၢ်န့ၣ်လီၤ. အဝဲကသူၣ်ထီၣ်ဘှီထီၣ်က့ၤယဝ့ၢ်, ဝ့ၢ်ယရူၤၡလ့ၣ်ဒီးမၤထူၣ် ဖျဲးယပှၤဂီၢ်မုၢ်လၢအဘၣ်တၢ်မၢကဲကုၢ်အီၤတဖၣ်လီၤ. ပှၤတဒိးလဲတ့ၢ်အီၤမ့ၢ်ဂ့ၤ, ဟ့ၣ်တ့ၢ်အီၤခိၣ်ဖးလာ်ဆှိးမ့ၢ် ဂ့ၤလၢကမၤတၢ်အံၤအဂီၢ်နီတဂၤဘၣ်. ယွၤသ့တၢ်လၢာ်ကတိၤတ့ၢ်လံတၢ်လံ.”

လံာ်ယၡါယၤ 48:17

ကီၢ်အံၣ်စရ့လးအကစၢ်ယွၤစီဆှံ, ယွၤလၢအအုၣ်က့ၤခီၣ်က့ၤသုစံးဝဲ, “ယမ့ၢ်ယွၤ, သုကစၢ်ယွၤ, ပှၤတဂၤလၢအသးအိၣ်သိၣ်လိသုလၢ အတၢ်ဂ့ၤဒၣ်ဝဲအဂီၢ် ဒီးနဲၣ်သုဆှၢသုလၢကျဲတဘိလၢသုကြၢးလဲၤန့ၣ်လီၤ.

လံာ်ယံးရမံယၤ 10:23

ယွၤဧၢ, ယသ့ၣ်ညါလၢပှၤကညီတပၢဘၣ်အနီၢ်ကစၢ်ဒၣ်ဝဲ အတၢ်အိၣ်မူအကျဲနီတဂၤဘၣ်. ပှၤတပၢၤဃာ်ဘၣ်အနီၢ်ကစၢ်ဒၣ်ဝဲအသးသမူ နီတဂၤဘၣ်.

လံာ်ယံးရမံယၤ 42:3

ထုကဖၣ်လၢယွၤ, ပကစၢ်ယွၤကဒုးနဲၣ်ပှၤကျဲလၢပဂ့ၤပိာ်အီၤ, ဒီးတၢ်လၢပကြၢးမၤအီၤန့ၣ်ကက့ၢ်.”

လံာ်တၢ်ဂံၢ် 9:20

တဘျီဘျီတၢ်အၢၣ်အိၣ်လၢဒဲစီဆှံအဖီခိၣ်ထဲစှၤသီဧိၤလီၤ. တမံၤဂ့ၤတမံၤဂ့ၤန့ၣ်, အဝဲသ့ၣ်အိၣ်လၢသူၣ်ဒဲလီၢ်အပူၤမ့ၢ် ဂ့ၤ, သုးကွံာ်အသးမ့ၢ်ဂ့ၤဒ်ယွၤအတၢ်မၤလိာ်အသိးန့ၣ်လီၤ.

1 ကရံၣ်သူး 10:31

လၢတၢ်န့ၣ်အဃိ, တၢ်တမံၤလၢ်လၢ်လၢနမၤအီၤန့ၣ်, နအီၣ်တၢ်မ့ၢ်ဂ့ၤ, အီတၢ်မ့ၢ်ဂ့ၤ, မၤအီၤလၢယွၤအလၤကပီၤအဂီၢ်တက့ၢ်.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

ကလီးစဲ 3:23

တၢ်လၢသုမၤတမံၤလၢ်လၢ်န့ၣ်, မၤအီၤလၢတၢ်သူၣ်ခုသးခု အပူၤဒ်သုမၤတၢ်လၢကစၢ်အဂီၢ်ဒီးတမ့ၢ်ဘၣ်လၢပှၤကညီ အဂီၢ်အသိးန့ၣ်တက့ၢ်.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:8

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်လဲၤလူၤပှၤဂုာ်ဆူၣ်တၢ်တဖၣ်ဒီးမ့ၢ်ယကဘၣ်ဖီၣ်န့ၣ်အဝဲသ့ၣ်ဧါ.” ယွၤစံးဆၢဝဲဒၣ်, “လဲၤလူၤအဝဲသ့ၣ်ဒီးမၤပူၤမၤဖျဲးပှၤဘၣ်တၢ်စိာ်မၢကဲကုၢ်အီၤတဖၣ်တက့ၢ်.”