တၢ်ကတိၤဒိ. 3:33 - Sgaw Karen Common Bible

³³ ယွၤပာ်ဖှိၣ်တၢ်ဆိၣ်အၢတမံၤလၢပှၤတတီတလိၤအဟံၣ်တဖၣ်အဖီခိၣ် လီၤ. မ့မ့ၢ်ဆိၣ်ဂ့ၤပှၤအတီအလိၤတဖၣ်အတၢ်အိၣ်တၢ်ဆိးအလီၢ်န့ၣ်လီၤ.

တၢ်ကတိၤဒိ. 3:33 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 6:11

ယွၤအတၢ်အၢၣ်လီၤအီလီၤအတလါစီဆှံအိၣ်ဖဲန့ၣ်သၢလါဒီး ယွၤဆိၣ်ဂ့ၤစီၤဧိၤဘ့းအ့ဒိၣ်ဒီးအဟံၣ်ဖိဃီဖိန့ၣ်လီၤ.

လံာ်စီၤယိၤဘး 24:18

ပှၤတတီတလိၤလီၤထွံကွံာ်ဝဲလၢထံလုၣ်ဘၢတၢ်ဒီးဟီၣ်ခိၣ်လၢ အပၢဝဲန့ၣ်အိၣ်လၢကစၢ်ယွၤအတၢ်ဆိၣ်အၢအဖီလာ်ဒီးအဝဲသ့ၣ်တ လဲၤလၢၤဘၣ်ဆူစပံးလီၢ်တဖၣ်နီတဘျီလၢၤဘၣ်န့ၣ်လီၤ.

လံာ်စီၤယိၤဘး 31:12

တၢ်အံၤကမ့ၢ်မ့ၣ်အူလၢအအီၣ်တၢ်တုၤလၢပှၤသံတဖၣ်အလီၢ် ဒီးအီၣ်ကွံာ်ကယဲၢ်တၢ်အိၣ်ဒီးယၤခဲလၢာ်န့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

စံးထီၣ်ပတြၢၤ 37:22

ပှၤလၢအဘၣ်တၢ်ဆိၣ်ဂ့ၤလၢယွၤန့ၣ် ကဒိးန့ၢ်ဘၣ်ထံဧိၤကီၢ်ဧိၤ, ဘၣ်ဆၣ်ပှၤလၢအဘၣ်တၢ်ဆိၣ်အၢလၢအီၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

စံးထီၣ်ပတြၢၤ 91:10

တၢ်အၢတလီၤဘၣ်လၢနလိၤနီတမံၤဘၣ်, ဒီးတၢ်သံသတြိာ်တဟဲဘူးဘၣ်ဒီးနၤဘၣ်.

တၢ်ကတိၤဒိ. 10:6

ပှၤအဂ့ၤတဂၤကဒိးန့ၢ်တၢ်ဆိၣ်ဂ့ၤတဖၣ်လီၤ. မ့မ့ၢ်, ပှၤတတီတလိၤတဂၤအတၢ်ကတိၤတဖၣ်ပာ်ခူသူၣ်အတၢ်စုဆူၣ် ခီၣ်တကးအန့ဆၢၣ်တမံၤန့ၣ်လီၤ.

တၢ်ကတိၤဒိ. 14:11

ပှၤအဂ့ၤတဂၤအဟံၣ်ကအိၣ်ဆၢထၢၣ်ဒံးဝဲဖဲပှၤအၢပှၤသီတဂၤ အဟံၣ်ဘၣ်တၢ်မၤလီၤပှီၢ်ကွံာ်အီၤန့ၣ်လီၤ.

တၢ်ကတိၤဒိ. 15:6

ပှၤအတီအလိၤတဖၣ်ပၢၤဃာ်အတၢ်ထူးတၢ်တီၤလီၤ. မ့မ့ၢ်ပှၤတတီတလိၤတဖၣ်မၤလီၤမၢ်ကွံာ်အတၢ်ထူးတၢ်တီၤဖဲ တၢ်ဆၢကတီၢ်အကီအခဲတဖၣ်ဟဲဝဲန့ၣ်လီၤ.

တၢ်ကတိၤဒိ. 21:12

ကစၢ်ယွၤ, တၢ်တီတၢ်လိၤတဂၤန့ၣ်သ့ၣ်ညါဝဲတၢ်မနုၤမၤအသးလၢပှၤ တတီတလိၤအဟံၣ်တဖၣ်အပူၤလီၤ. ဒီးအဝဲကတ့ၢ်လီၤပှၤတတီတလိၤဆူတၢ်ဟးဂီၤအပူၤလီၤ.

လံာ်မၤလကံ 2:2

သုကဘၣ်ယူးယီၣ်ယၤခီဖျိတၢ်လၢသုမၤလီၤ. သုမ့ၢ်တဒိကနၣ်တၢ်လၢယစံးဘၣ်ဒီး, ယကဟဲစိာ်တၢ်ဆိၣ်အၢလၢသုဖီခိၣ်လီၤ. ယကပာ်တၢ်ဆိၣ်အၢလၢတၢ်လၢသုဒိးန့ၢ်လၢသုဂီၢ်န့ၣ်လီၤ. မ့ၢ်မးယပာ်လီၤတ့ၢ်လံတၢ်ဆိၣ်အၢလၢတၢ်သ့ၣ်တဖၣ်န့ၣ်အဖီခိၣ်, မ့ၢ်လၢသုတတိၢ်န့ၢ်ယတၢ်မၤလိာ်အဃိလီၤ.

လံာ်သိၣ်လီၤသီလီၤတၢ် 11:28

မ့မ့ၢ်, သုမ့ၢ်တစူၢ်ဘၣ်တၢ်မၤလိာ်တဖၣ်အံၤဒီးဃၣ်ဃီၤသုသးဆူ ကစၢ်အဂၤတဖၣ်လၢသုကဘူၣ်ထီၣ်ဘါထီၣ်အီၤအအိၣ်လၢ သုတဘါထီၣ်ဘၣ်တ့ၢ်အီၤလၢညါနီတစုဘၣ်န့ၣ်, မ့ၢ်တၢ်ဆိၣ်အၢတမံၤန့ၣ်လီၤ.

လံာ်သိၣ်လီၤသီလီၤတၢ် 7:26

က့ၤစိာ်တၢ်ဂီၤတၢ်ဖီၣ်တဖၣ်န့ၣ်နီတခါဆူသုဟံၣ်တဖၣ်အပူၤတ ဂ့ၤ. မ့တမ့ၢ်ဘၣ်ဒီးတၢ်ဆိၣ်အၢတမံၤဃီလၢအလီၤဘၣ်လၢအဝဲ သ့ၣ်အလိၤန့ၣ်ကလီၤဘၣ်လၢသုလိၤလီၤ. သုကဘၣ်သးဟ့ဒီးသးဘၣ်အၢတၢ်ဂီၤတၢ်ဖီၣ်တဖၣ်အံၤ မ့ၢ်လၢအဝဲသ့ၣ်အိၣ်လၢယွၤအတၢ်ဆိၣ်အၢအဖီလာ်အဃိန့ၣ်လီၤ.

လံာ်စီၤယိၤၡူ 6:18

ဘၣ်ဆၣ်ဒီးတၢ်လၢအကဘၣ်တၢ်မၤဟးဂီၤအီၤန့ၣ်, သုတဘၣ်ဟံးန့ၢ်နီတမံၤဘၣ်. သုမ့ၢ်မၤဒီး, သုကဟဲစိာ်တၢ်ကီတၢ်ခဲဒီးတၢ်ဟးဂီၤလၢအံၣ် စရ့လးသူၣ်ဒဲအလီၢ်န့ၣ်လီၤ.

လံာ်စီၤယိၤၡူ 7:13

မၤစီဆှံပှၤဂီၢ်မုၢ်ဒီးကတဲာ်ကတီၤအဝဲသ့ၣ်ဒ်သိးကအိၣ်ဖျါလၢ ယမဲာ်ညါဒီးစံးဘၣ်အီၤ, “မၤစီဆှံသုသးလၢခဲဂီၤအဂီၢ်န့ၣ်တက့ၢ်. အဂ့ၢ်ဒ်အံၤ, ယွၤအံၣ်စရ့လးအကစၢ်ယွၤစံးဝဲ, အံၣ်စရ့လးဧၢ, သုအိၣ်ဒီးတၢ်လၢအဘၣ်တၢ်ဆိၣ်အၢတ့ၢ်တဖၣ်လၢသုသိးသုကျါ, ဒီးမ့တမ့ၢ်ဘၣ်လၢသုထုးကွံာ်တၢ်လၢအဘၣ်ဆိၣ်အၢတ့ၢ်တဖၣ်လၢသု ကျါဘၣ်ဒီး, သုဆၢထၢၣ်လၢသုဒုၣ်သုဒါအမဲာ်ညါတသ့ဘၣ်န့ၣ်လီၤ.