တၢ်ကတိၤဒိ. 3:2 - Sgaw Karen Common Bible

² ယတၢ်သိၣ်က့ၤသီက့ၤကဟ့ၣ်နၤတၢ်အိၣ်ကၢအိၣ်ခိးဒီးတၢ်အိၣ်မူ လၢအဘီၣ်ထီၣ်ညီထီၣ်ဝဲန့ၣ်လီၤ.

တၢ်ကတိၤဒိ. 3:2 Iomraidhean Croise

လံာ်စီၤပၤအခီၣ်ထံးတဘ့ၣ် 3:14

ဒီးနမ့ၢ်စူၢ်ယၤဒီးတိၢ်န့ၢ်ယတၢ်သိၣ်တၢ်သီတဖၣ်ဒီးယတၢ်မၤလိာ် တဖၣ်ဒ်နပၢ်စီၤဒၤဝံးမၤတ့ၢ်ဝဲအသိးန့ၣ်ဒီး, ယကဒုးအိၣ်ကၢအိၣ်ခိးနၤလီၤ.”

လံာ်စီၤယိၤဘး 5:26

ဒ်ဘုလၢအဂီၤထီၣ်ဝဲတုၤလၢကူးဘုအကတီၢ်အသိးန့ၣ်, နကအိၣ်ကၢအိၣ်ခိးတုၤနမှံၤတုာ်ပှၢ်တီၤအကတီၢ်န့ၣ်လီၤ.

စံးထီၣ်ပတြၢၤ 119:165

ပှၤလၢအအဲၣ်နတၢ်သိၣ်တၢ်သီတဖၣ်န့ၣ် အိၣ်ဒီးတၢ်ဃူတၢ်ဖိးအါမးလီၤ. တၢ်မၤလီၤဃံၤအီၤတသ့ဘၣ်နီတမံၤဘၣ်.

စံးထီၣ်ပတြၢၤ 128:6

မ်နကထံၣ်ဘၣ်နဖိတဖၣ်အဖိတက့ၢ်. မ်တၢ်ဃူတၢ်ဖိးအိၣ်ဒီးအံၣ်စရ့လးတက့ၢ်.

စံးထီၣ်ပတြၢၤ 21:4

ဃ့ဝဲတၢ်မူလၢနၤ, ဒီးနဟ့ၣ်အီၤလၢ တၢ်အိၣ်ကၢအိၣ်ခိး ဒီးတၢ်မူလီၤထူလီၤယိာ်လီၤ.

စံးထီၣ်ပတြၢၤ 91:16

ယကဒုးမံသူၣ်မံသးအီၤလၢတၢ်အိၣ်ကၢအိၣ်ခိး, ဒီးဒုးနဲၣ်အီၤယတၢ်အုၣ်က့ၤခီၣ်က့ၤလီၤ.”

တၢ်ကတိၤဒိ. 10:27

တၢ်ပျံၤယွၤန့ၣ်ဒုးထီထီၣ်တၢ်အိၣ်မူလီၤ. မ့မ့ၢ်, ပှၤတတီတလိၤအနံၣ်အလါကဖုၣ်ဝဲလီၤ.

တၢ်ကတိၤဒိ. 16:31

သးသမူအထီန့ၣ်မ့ၢ်ပှၤတီပှၤလိၤအတၢ်န့ၢ်ဘျုးလီၤ. ခိၣ်သူဝါန့ၣ်မ့ၢ်တၢ်လၤကပီၤအခိၣ်သလုးလီၤ.

တၢ်ကတိၤဒိ. 4:10

ယဖိခွါဧၢ, ဒိကနၣ်ယၤတက့ၢ်. တၢ်လၢယစံးဘၣ်နၤန့ၣ်, တူၢ်လိာ်ပာ်ကဲအီၤလ့ၤတုာ်လ့ၤတီၤတက့ၢ်. ဒီးနကအိၣ်မူအါနံၣ်အါလါလီၤ.

တၢ်ကတိၤဒိ. 4:4

ယပၢ်သိၣ်လိသီလိယၤလီၤ. အဝဲစံးဝဲ, “သ့ၣ်နီၣ်ထီၣ်တၢ်လၢ ယစံးဘၣ်နၤဒီးသးပ့ၤနီၣ်အီၤနီတစုတဂ့ၤ. မၤဒ်ယစံးဘၣ်နၤအသိးဒီးနကမူလီၤ.

တၢ်ကတိၤဒိ. 9:11

တၢ်ကူၣ်သ့ကဂံၢ်အါထီၣ်နတၢ်အိၣ်မူအနံၣ်အလါလီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 5:1

ဒီးခဲအံၤမ့ၢ်လၢပဘၣ်တၢ်ပာ်တီပာ်လိၤပှၤခီဖျိတၢ်နာ် အဃိ, ပအိၣ်ဒီးတၢ်ဃူတၢ်ဖိးဒီးကစၢ်ယွၤခီဖျိပကစၢ် ယ့ၣ်ၡူးခရံာ်န့ၣ်လီၤ.

လံာ်သိၣ်လီၤသီလီၤတၢ် 11:21

အန့ၣ်တစု, သုဝဲဒီးသုဖိတဖၣ်ကအိၣ်ဆိးယံာ်ယံာ်ထၢထၢလၢကီၢ်န့ၣ်အပူၤ, လၢယွၤသုကစၢ်ယွၤအၢၣ်လီၤတ့ၢ်လၢကဟ့ၣ်လီၤသုမိၢ်ပၢ်ဖံဖုလၢ ပျၢၤတဖၣ်န့ၣ်လီၤ. သုကအိၣ်ဆိးဖဲန့ၣ်ယံာ်ဝဲထဲသိးမူကပိာ်လိၤအိၣ်ဝဲလၢဟီၣ်ခိၣ်အဖီခိၣ်န့ၣ်လီၤ.

လံာ်သိၣ်လီၤသီလီၤတၢ် 5:32

ကီၢ်အံၣ်စရ့လးအပှၤဂီၢ်မုၢ်ဧၢ, မၤတၢ်ကိးမံၤလၢယွၤ, သုကစၢ်ယွၤမၤလိာ်တ့ၢ်သုသပှၢ်ကတၢၢ်တက့ၢ်. စူၢ်အဝဲအတၢ်ဘူၣ်တၢ်ဘါအတၢ်သိၣ်တၢ်သီတမံၤလၢ်လၢ်တက့ၢ်.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.