တၢ်ကတိၤဒိ. 3:14 - Sgaw Karen Common Bible

¹⁴ အဂ့ၢ်ဒ်အံၤ, တၢ်န့ၢ်ဘၣ်လၢအီၤန့ၣ်, ဂ့ၤဒိၣ်န့ၢ်တၢ်န့ၢ်ဘၣ်လၢ စ့ညၣ်တက့ၢ်ဒီးအဘျုးအဖှိၣ်န့ၣ်ဂ့ၤဒိၣ်န့ၢ်ထူတက့ၢ်လီၤ.

တၢ်ကတိၤဒိ. 3:14 Iomraidhean Croise

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

စံးထီၣ်ပတြၢၤ 119:162

ယသူၣ်ဖှံသးညီလၢနတၢ်အၢၣ်လီၤအီလီၤတဖၣ်အပူၤ ဒ်ပှၤလၢအထံၣ်န့ၢ်တၢ်ထူးတၢ်တီလုၢ်ဒိၣ်ပှၤဒိၣ် အါအါကလဲာ်အသိးန့ၣ်လီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 2:4

ဃုအီၤဆူၣ်ဆူၣ်ဒ်နဃုစ့, မ့တမ့ၢ်ဒ်တၢ်လုၢ်ဒိၣ်ပှ့ၤဒိၣ်အိၣ်ခူ သူၣ်တနီၤနီၤအသိးတက့ၢ်.

တၢ်ကတိၤဒိ. 8:19

တၢ်လၢသုဒိးန့ၢ်လၢယအိၣ်န့ၣ်ဂ့ၤဒိၣ်န့ၢ်ထူအစီ, ဒီးဂ့ၤဒိၣ်န့ၢ်စ့အကဆှီကတၢၢ်တက့ၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:11

ပှၤလၢအအိၣ်မူကိးဂၤဒဲးန့ၣ်ကြၢးကူၣ်သ့ကူၣ်ဘၣ်လီၤ. တၢ်အံၤဂ့ၤထဲသိးဒီးတၢ်ဒိးန့ၢ်ဘၣ်တၢ်န့ၢ်သါတမံၤ,

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.