တၢ်ကတိၤဒိ. 3:1 - Sgaw Karen Common Bible

¹ ယဖိခွါဧၢ, သးပ့ၤနီၣ်ယသိၣ်က့ၤသီက့ၤတၢ်တဂ့ၤ. တၢ်လၢယမၤလိာ်နၤဒ်သိးနကမၤအီၤန့ၣ်ဟံးဃာ်အီၤထီဘိ တက့ၢ်.

တၢ်ကတိၤဒိ. 3:1 Iomraidhean Croise

စံးထီၣ်ပတြၢၤ 119:11

ယပာ်ဖှိၣ်နကလုၢ်နကထါလၢယသးကံၢ်ပူၤ ဒ်သိးယသုတမၤကမၣ်ဘၣ်နၤတဂ့ၤလီၤ.

စံးထီၣ်ပတြၢၤ 119:153

ကွၢ်ယတၢ်နးတၢ်ဖှီၣ်, ဒီးမၤပူၤဖျဲးလၢ်ယၤတက့ၢ်. အဂ့ၢ်ဒ်အံၤ, နတၢ်သိၣ်တၢ်သီန့ၣ် ယတသးပ့ၤနီၣ်ဘၣ်.

စံးထီၣ်ပတြၢၤ 119:16

ယကမုာ်လၤသးခုလၢနတၢ်မၤလိာ်တဖၣ်အပူၤလီၤ. ယတသးပ့ၤနီၣ်ဘၣ်နကလုၢ်ကထါဘၣ်.

စံးထီၣ်ပတြၢၤ 119:176

ယဟးဖျိးကျဲဒ်သိလၢအဟါမၢ်တဒုအသိးလီၤ. ဟဲဒီးဃုက့ၤနခ့နပှၤတက့ၢ်. အဂ့ၢ်ဒ်အံၤ, ယတသးပ့ၤနီၣ်ဘၣ် နတၢ်မၤလိာ်တဖၣ်ဘၣ်လီၤ.

စံးထီၣ်ပတြၢၤ 119:34

ဟ့ၣ်လၢ်ယၤတၢ်နၢ်ပၢၢ်ဒ်သိး ယကတိၢ်န့ၢ်ဟံးဃာ်နတၢ်သိၣ်တၢ်သီ ဒီးမၤထွဲအီၤလၢယသးဒီဖျၢၣ်ညါန့ၣ်တက့ၢ်.

စံးထီၣ်ပတြၢၤ 119:61

ပှၤတတီတလိၤအပျံၤသကွီၤဘၣ်တၢ်ပာ်လီၤအီၤ လၢကဖီၣ်န့ၢ်ယၤဒၣ်လဲာ်, ယတသးပ့ၤနီၣ်ဘၣ်နတၢ်သိၣ်တၢ်သီဘၣ်.

စံးထီၣ်ပတြၢၤ 119:93

ယတသးပ့ၤနီၣ်ဘၣ်နတၢ်မၤလိာ်တဖၣ်နီတဘျီဘၣ်. အဂ့ၢ်ဒ်အံၤ, နမၤမူထီၣ်က့ၤယၤလၢအီၤလီၤ.

စံးထီၣ်ပတြၢၤ 91:16

ယကဒုးမံသူၣ်မံသးအီၤလၢတၢ်အိၣ်ကၢအိၣ်ခိး, ဒီးဒုးနဲၣ်အီၤယတၢ်အုၣ်က့ၤခီၣ်က့ၤလီၤ.”

လံာ်တၢ်ဟးထီၣ်ကွံာ် 20:6

ဘၣ်ဆၣ်ဒီးယဒုးနဲၣ်ယတၢ်အဲၣ်ဆူပှၤတဖၣ်လၢအအဲၣ်ယၤဒီးစူၢ်ယတၢ် မၤလိာ်, အစိၤလၢအကထိတဖၣ်န့ၣ်လီၤ.

တၢ်ကတိၤဒိ. 1:8

ယဖိခွါဧၢ, ကနၣ်နပၢ်အတၢ်သိၣ်တၢ်သီနၤဒီးလဲၤသဒၣ်နမိၢ် အတၢ်သိၣ်လိနဲၣ်လိတဂ့ၤ.

တၢ်ကတိၤဒိ. 16:31

သးသမူအထီန့ၣ်မ့ၢ်ပှၤတီပှၤလိၤအတၢ်န့ၢ်ဘျုးလီၤ. ခိၣ်သူဝါန့ၣ်မ့ၢ်တၢ်လၤကပီၤအခိၣ်သလုးလီၤ.

တၢ်ကတိၤဒိ. 2:1

ယဖိခွါဧၢ, မၤလိတၢ်လၢယသိၣ်လိနၤ, ဒီးတၢ်လၢယမၤလိာ်နၤဒ်သိး နကမၤန့ၣ်, သးပ့ၤနီၣ်အီၤနီတစုတဂ့ၤ.

တၢ်ကတိၤဒိ. 23:26

ဖိခွါဧၢ, ပာ်သူၣ်ပာ်သးတံၢ်တံၢ်နီၢ်နီၢ်သပှၢ်ပှၢ်, ဒီးပျဲယတၢ်အိၣ်မူကဲဒိကဲတဲာ်လၢနဂီၢ်တက့ၢ်.

တၢ်ကတိၤဒိ. 31:5

ဖဲအဝဲသ့ၣ်အီတၢ်ဒီး, အဝဲသ့ၣ်သးပ့ၤနီၣ်ကွံာ်တၢ်သိၣ်တၢ်သီ တဖၣ်ဒီးကွၢ်ကပာ်ကွံာ်ပှၤလၢအလိၣ်ဘၣ်တၢ်မၤစၢၤတဖၣ်အခွဲး အယာ်န့ၣ်လီၤ.

တၢ်ကတိၤဒိ. 4:2

တၢ်လၢယသိၣ်လိသီလိသုန့ၣ်မ့ၢ်တၢ်အဂ့ၤ, အဃိဒီးသ့ၣ်နီၣ်ထီၣ်က့ၤအီၤခဲလၢာ်တက့ၢ်.

တၢ်ကတိၤဒိ. 4:21

ပျဲအလဲၤပူၤကွံာ်နၤနီတစုတဂ့ၤ. သ့ၣ်နီၣ်ထီၣ်အီၤဒီးပၢၤ အီၤလၢနသးကံၢ်ပူၤတက့ၢ်.

တၢ်ကတိၤဒိ. 4:5

မၤန့ၢ်တၢ်ကူၣ်သ့ဒီးတၢ်ထံၣ်တၢ်လၢသးအမဲာ်တက့ၢ်. သးပ့ၤနီၣ်ဒီးလဲၤသဒၣ်တၢ်လၢယစံးဘၣ်နၤန့ၣ်တဂ့ၤ.

တၢ်ကတိၤဒိ. 8:1

ဒိကနၣ်တက့ၢ်. တၢ်ကူၣ်သ့ကိးထီၣ်ဝဲ ဒီးတၢ်ကူၣ်တၢ်ဆးမၤဟူထီၣ်အကလုၢ်ဒၣ်ဝဲလီၤ.

တၢ်ကတိၤဒိ. 9:1

တၢ်ကူၣ်သ့သူၣ်ထီၣ်အဟံၣ်လံဒီးမၤဝဲအထူၣ်နွံထူၣ်လၢအဂီၢ်လီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယံးရမံယၤ 31:33

တၢ်အၢၣ်လီၤအီလီၤ အသီလၢ ယကမၤဒီး ကီၢ်အံၣ်စရ့လး အပှၤဂီၢ်မုၢ်န့ၣ် ကမ့ၢ်အအံၤလီၤ. ယကပာ်ယတၢ်သိၣ်တၢ်သီ လၢအဝဲသ့ၣ်အသးကံၢ်ပူၤဒီး ကွဲးလီၤအီၤလၢ အဝဲသ့ၣ်အသး ဘ့ၣ်ဘၣ်အလိၤန့ၣ်လီ. ယကမ့ၢ်အဝဲသ့ၣ် အကစၢ်ယွၤဒီး အဝဲသ့ၣ်ကမ့ၢ်ယပှၤဂီၢ်မုၢ်န့ၣ်လီၤ.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်သိၣ်လီၤသီလီၤတၢ် 4:23

မၤလီၤတံၢ်လၢသုတသးပ့ၤနီၣ်ဘၣ်တၢ်အၢၣ်လီၤအီလီၤလၢယွၤ, သုကစၢ်ယွၤမၤတ့ၢ်ဒီးသုဘၣ်န့ၣ်တက့ၢ်. စူၢ်အဝဲအကလုၢ်, လၢသုတမၤဘၣ်တၢ်ဂီၤတၢ်ဖီၣ်နီတမံၤမံၤလၢသုဂီၢ်ဒၣ်သုဝဲဘၣ်,

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 5:16

ယူးယီၣ်သုပၢ်ဒီးသုမိၢ်, ဒ်ယၤ, ယွၤ, သုကစၢ်ယွၤမၤလိာ်သု, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤဘၣ်ဘၣ်လၢသုဂီၢ်, ဒီးဒ်သိးသုကအိၣ်မူယံာ်ယံာ်ထၢထၢလၢကီၢ်တဘ့ၣ်လၢယဟ့ၣ် လီၤသုအပူၤန့ၣ်တက့ၢ်.

လံာ်သိၣ်လီၤသီလီၤတၢ် 5:33

စူၢ်အီၤကိးထံၣ်ဒဲး, ဒ်သိးတၢ်ကိးမံၤဒဲးကလဲၤအသးဂ့ၤဂ့ၤ ဘၣ်ဘၣ်လၢသုဂီၢ်ဒီးဒ်သိးသုကအိၣ်ဆိးဘၣ်ဒံးဆူညါလၢကီၢ် တဘ့ၣ်လၢသုကလဲၤနုာ်လီၤမၤန့ၢ်အီၤအပူၤအဂီၢ်န့ၣ်တက့ၢ်.

လံာ်သိၣ်လီၤသီလီၤတၢ် 8:1

စူၢ်ကယဲၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤ အံၤလၢတၢ်သူၣ်တီသးရၤအပူၤဒ်သိးသုကမူ, အါထီၣ်လၢနီၣ်ဂံၢ်ဒီးမၤန့ၢ်ကီၢ်တဘ့ၣ်လၢယွၤအၢၣ်လီၤတ့ၢ်လၢ ကဟ့ၣ်လီၤဝဲဆူသုမိၢ်ပၢ်ဖံဖုလၢပျၢၤတဖၣ်န့ၣ်တက့ၢ်.