တၢ်ကတိၤဒိ. 29:9 - Sgaw Karen Common Bible

⁹ ဖဲပှၤအိၣ်ဒီးတၢ်သူၣ်ဆးသးဆးတဂၤလိာ်ကွီၢ်ထီဒါတၢ်ဒီးပှၤ အမၢးတဂၤန့ၣ်, ပှၤအမၢးဖိနံၤဒၣ်အတၢ်ဒၣ်ဝဲ, ကတိၤထီၣ်တၢ်သီၣ်ဒိၣ်သီၣ်သွါဒီးရၢၢ်ရၢၢ်စၢၢ်စၢၢ်န့ၣ်လီၤ.

တၢ်ကတိၤဒိ. 29:9 Iomraidhean Croise

တၢ်ကတိၤဒိ. 17:12

တၢ်သဂၢၢ်ဘၣ်တၤသူမိၢ်တဒုလၢပှၤဟုၣ်န့ၢ်အဖိတဖၣ်န့ၣ်ဂ့ၤန့ၢ် ဒိၣ်န့ၢ်ဒံးတၢ်သဂၢၢ်ဘၣ်ပှၤဟးဂီၤဖိတနီၤလၢအတၢ်မၤအါဝဲဒၣ် လၢတၢ်မၤတဂိာ်တသီၣ်ဘၣ်တဖၣ်တက့ၢ်လီၤ.

တၢ်ကတိၤဒိ. 26:4

နမ့ၢ်စံးဆၢပှၤဟးဂီၤဖိအတၢ်သံကွၢ်တဂိာ်တသီၣ်ဘၣ်တထံၣ်န့ၣ် ဒီး, နကစၢ်ဒၣ်နဲနမ့ၢ်ပှၤတဂိာ်တသီၣ်ဒ်ပှၤလၢအသံကွၢ်တၢ် တဂၤအသိးန့ၣ်လီၤ.

တၢ်ကတိၤဒိ. 29:10

ပှၤအၢတူာ်ကိာ်တဖၣ်သးဟ့ပှၤသူၣ်လိၤသးဘျၢတဂၤလၢ်လၢ်န့ၣ်လီၤ. မ့မ့ၢ်, ပှၤအတီအလိၤတဖၣ်ကဒီဒၣ်အိၣ်ပှိၤပှၤဒ်န့ၣ်သိးတဂၤအတၢ် အိၣ်မူန့ၣ်လီၤ.

တၢ်ကတိၤဒိ. 29:8

ပှၤလၢအတၢ်ပာ်ကဲပှၤဂၤတအိၣ်ဘၣ်တဖၣ်, ဒုးအိၣ်ထီၣ်တၢ်သဘံၣ်ဘုၣ်လၢဝ့ၢ်ဒီဝ့ၢ်ညါသ့ဝဲန့ၣ်လီၤ. မ့မ့ၢ်ပှၤလၢအကူၣ်တၢ်သ့တဖၣ်န့ၣ်, ဒုးအိၣ်ခုၣ်အိၣ်မုာ်တၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 10:13

အဝဲစးထီၣ်ဒီးပှၤအမၢးအကျိာ်ဒီးလဲၤကတၢၢ်ဝဲလၢတၢ်ပျုၢ် အကျိာ်န့ၣ်လီၤ.

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.