တၢ်ကတိၤဒိ. 29:26 - Sgaw Karen Common Bible

²⁶ ပှၤကိးဂၤန့ၢ်ဘၣ်ပှၤပၢတၢ်အတၢ်ဘၣ်သူၣ်ဘၣ်သးန့ၣ်လီၤ. ဘၣ်ဆၣ်ဒီး, တၢ်စံၣ်ညီၣ်တီန့ၣ်နမၤန့ၢ်သ့ထဲဒၣ်လၢယွၤတဂၤဧိၤအအိၣ်လီၤ.

တၢ်ကတိၤဒိ. 29:26 Iomraidhean Croise

လံာ်တၢ်ကဲထီၣ်အခီၣ်ထံး 43:14

မ်သ့တၢ်လၢာ်ကစၢ်ယွၤထိးဘၣ်ပှၤတဂၤန့ၣ်အသးဒ်သိးကသးကညီၤသု တုၤလၢကဟ့ၣ်ကဒါက့ၤစီၤဘံၣ်ယၤမံၣ်ဒီးသုဒီပုၢ်ဝဲၢ်ခွါအဂၤ တဂၤဆူသုအိၣ်န့ၣ်တက့ၢ်. မ့မ့ၢ်လၢယဂီၢ်တခီယမ့ၢ်ဘၣ်ခီၣ်ဆူကွံာ်ယဖိတဖၣ်ဒီးယကဘၣ်ခီၣ် ဆူကွံာ်လီၤ.”

လံာ်စီၤၡမူၤအ့လးခံဘ့ၣ်တဘ့ၣ် 14:1

စီၤယိၤအာ်သ့ၣ်ညါဘၣ်ဝဲလၢစီၤပၤဒၤဝံး သးသယုၢ်ဘၣ်စီၤအးဘၡါလိၣ်ဒိၣ်မးန့ၣ်လီၤ.

လံာ်စီၤနဃ့မယၤ 1:11

ဒီးခဲကနံၣ်အံၤဒိကနၣ်လၢ်ယတၢ်ထုကဖၣ်ဒီးကယဲၢ်နခ့နပှၤခဲလၢာ် လၢအသးအိၣ်ပာ်ထီၣ်ထီနၤအတၢ်ထုကဖၣ်န့ၣ်တက့ၢ်. တနံၤအံၤဟ့ၣ်လၢ်ယၤတၢ်မၤနၢၤဒီးမၢစီၤပၤသးကညီၤယၤတက့ၢ်. ဒီးလၢမုၢ်နံၤတဖၣ်အံၤန့ၣ်ယမ့ၢ်ပှၤစိာ်စီၤပၤဖးဒိၣ်အလီခီအီတၢ်န့ၣ်လီၤ.

စံးထီၣ်ပတြၢၤ 20:9

ယွၤဧၢဟ့ၣ်တၢ်မၤနၢၤလၢစီၤပၤန့ၣ်တက့ၢ်. တုၤပကိးထီၣ်နၤဒီးစံးဆၢပှၤတက့ၢ်.

စံးထီၣ်ပတြၢၤ 62:12

ဒီးအတၢ်အဲၣ်န့ၣ်ဂၢၢ်ကျၢၤဝဲဒၣ်န့ၣ်လီၤ. ယွၤဧၢ, နနီၢ်ကစၢ်ဒၣ်နဲနဟ့ၣ်ဘျုးက့ၤ ပှၤကိးဂၤဒဲးဒ်အမၤတၢ်အသိးန့ၣ်လီၤ.

တၢ်ကတိၤဒိ. 16:14

ပှၤကူၣ်တၢ်သ့တဂၤကကျဲးစၢးမၤသးခုစီၤပၤလီၤ. စီၤပၤအသးမ့ၢ်ဒိၣ်ထီၣ်ဒီး, ပှၤတဂၤဂၤကသံဝဲလီၤ.

တၢ်ကတိၤဒိ. 16:15

စီၤပၤအကွၢ်မဲာ်တၢ်န့ၣ်မၤသးဒ်တၢ်အၢၣ်တဖၣ်လၢအဟဲစိာ်မူခိၣ် ထံလၢတၢ်စူၤလီၤသီအကတီၢ်န့ၣ်လီၤ. တၢ်မူအိၣ်ဖဲန့ၣ်, န့ၣ်လီၤ.

တၢ်ကတိၤဒိ. 16:33

ပှၤကညီတဖၣ်ကွံာ်တၢ်ဖးဒ်သိးအကသ့ၣ်ညါဘၣ်ကစၢ်ယွၤ အတၢ်ဘၣ်အသးလီၤ. ဘၣ်ဆၣ်ကစၢ်ယွၤအကစၢ်ဒၣ်ဝဲစံၣ်ညီၣ်နီၤဖးတၢ်အစၢန့ၣ်လီၤ.

တၢ်ကတိၤဒိ. 16:7

တုၤနမၤတၢ်ဘၣ်ယွၤအသးဒီး, နဒုးကဲထီၣ်နဒုၣ်နဒါတဖၣ်လၢနတံၤ သကိးသ့လီၤ.

တၢ်ကတိၤဒိ. 19:21

ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

တၢ်ကတိၤဒိ. 19:6

ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.

တၢ်ကတိၤဒိ. 21:1

ယွၤပၢၤဃာ်စီၤပၤတဂၤအတၢ်ကူၣ်တၢ်ဆိကမိၣ်ညီထဲသိးသိး အဝဲနဲၣ်ထံကျိဖိအကျိၤအသိးန့ၣ်လီၤ.

လံာ်ယၡါယၤ 49:4

ဒီဲးယစံးတ့ၢ်, “ယမၤတ့ၢ်တၢ်, ဘၣ်ဆၣ်ဒီးတၢ်မုၢ်လၢ်တအိၣ်မးလဲၣ်. ယသူယဂံၢ်ယဘါအလၢာ်လံ. ဘၣ်ဆၣ်တၢ်ကဲထီၣ်လိၣ်ထီၣ်တအိၣ်နီတမံၤဘၣ်.” သနာ်က့, ယနာ်ယွၤ, လၢကဒီဒၣ်ခီၣ်ဆၢ ယတၢ်ဂ့ၢ်န့ၣ်သ့ဝဲလီၤ. အဝဲကဒုးဘၣ်ဘျုးယၤလၢတၢ်လၢ ယမၤအီၤအဃိလီၤ.

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

1 ကရံၣ်သူး 4:4

ယသးလၢအသ့ပဲာ်ဖးနီၤဖးတၢ်ဂ့ၤဒီးတၢ်အၢအဆၢဖျါဆှံကစီဒီလီၤ. ဘၣ်ဆၣ်ဒီးအဝဲန့ၣ်တမၤဖျါလၢယတၢ်ဒဲးဘးတအိၣ်စဲဃဲၤနီၢ်နီၢ် န့ၣ်ဘၣ်. ကစၢ်မ့ၢ်ပှၤလၢအစံၣ်ညီၣ်ထိၣ်ကွၢ်တဲာ်ကွၢ်ယၤလီၤ.