တၢ်ကတိၤဒိ. 29:23 - Sgaw Karen Common Bible

²³ တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

တၢ်ကတိၤဒိ. 29:23 Iomraidhean Croise

လံာ်စီၤယိၤဘး 22:29

ကစၢ်ယွၤဆီၣ်လီၤပှၤပာ်ထီၣ်ထီသးဒီးအုၣ်က့ၤခီၣ်က့ၤပှၤဆီၣ် လီၤအသးန့ၣ်လီၤ.

လံာ်စီၤယိၤဘး 40:12

မ့ၢ်လံ. ကွၢ်အဝဲသ့ၣ်ဒီးတ့ၢ်လီၤကွံာ်အီၤလၢအလီၢ်တက့ၢ်. ယီၢ်တံၢ်ပှၤတတီတလိၤဖဲအဝဲသ့ၣ်ဆၢထၢၣ်အလီၢ်န့ၣ်တက့ၢ်.

တၢ်ကတိၤဒိ. 11:2

ပှၤလၢအပာ်ထီၣ်ထီအသးတဖၣ်န့ၣ်တယံာ်ဘၣ်ဒီးကဘၣ်တၢ်မၤမဲာ်ဆှး အီၤလီၤ. မ့မ့ၢ်တၢ်ပာ်သးဖဲအဘၣ်အဘၣ်န့ၣ်မ့ၢ်ဝဲတၢ်ကူၣ်သ့ဒိၣ် တက့ၢ်လီၤ.

တၢ်ကတိၤဒိ. 15:33

လၢတၢ်ယူးယီၣ်ယွၤအပူၤန့ၣ်တၢ်မၤလိမၤဒိးအိၣ်ဝဲဒၣ်လီၤ. ဒီးတၢ်ဆီၣ်လီၤသးလဲၤလၢတၢ်လၤကပီၤအမဲာ်ညါလီၤ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 16:19

တၢ်ဆီၣ်လီၤသးဒီးတၢ်အိၣ်ဖှီၣ်အိၣ်ယာ်န့ၣ်ဂ့ၤဒိၣ်န့ၢ်ဒံးတၢ် ကဲထီၣ်ပှၤပာ်ကဖိအသးတဖၣ်အကျါတဂၤဒီးမၤန့ၢ်တၢ်ဟ့ၣ်နီၤလၢ အဝဲသ့ၣ်အတၢ်ဂုာ်န့ၢ်အကျါန့ၣ်လီၤ.

တၢ်ကတိၤဒိ. 17:19

တၢ်အဲၣ်တၢ်ဒဲးဘးန့ၣ်မ့ၢ်တၢ်အဲၣ်တၢ်မၤကီမၤခဲတၢ်လီၤ. နမ့ၢ်ကတိၤဒိၣ်နကိာ်ကိးဆၢကတီၢ်ဒဲးန့ၣ်, နဃုန့ၢ်တၢ်ကီတၢ်ခဲန့ၣ်လီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 22:4

အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ဧိၤဘါဒယၤ 1:3

နတၢ်သးထီၣ်ထီန့ၣ်လီန့ၢ်လံနၤလံ. နဝ့ၢ်ခိၣ်မ့ၢ်တိာ်ခၢၣ်သနၢၣ်လၢတၢ်မၤကျၢၤအီၤဒီးလၢၢ် နအိၣ်နဆိးအလီၢ်လၢတၢ်လီၢ်ထီၣ်ထီ ဒီးနစံးလၢအသးကံၢ်ပူၤ, “မ့ၢ်မတၤထုးလီၤယၤကန့ၢ်တဂၤလဲၣ်.”

လံာ်မးသဲ 18:4

ပှၤအဒိၣ်ကတၢၢ်တဂၤလၢမူခိၣ်အဘီမုၢ်အပူၤ, မ့ၢ်ပှၤလၢအဆီၣ်လီၤအသးဒီးကဲထီၣ်ဒ်ဖိသၣ်တဂၤအံၤအသိးလီၤ.

လံာ်မးသဲ 23:12

ပှၤတဂၤလၢ်လၢ်လၢအပာ်ဒိၣ်ပာ်ထီလီၤအသးန့ၣ်, ယွၤကဆီၣ်လီၤအီၤလီၤ. ဒီးပှၤတဂၤလၢ်လၢ်လၢအဆီၣ်လီၤအသးန့ၣ်, ယွၤကပာ်ဒိၣ်ပာ်ထီအီၤလီၤ.

လံာ်မးသဲ 5:3

“ပှၤလၢအဖှီၣ်လၢသူၣ်လၢသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, မူခိၣ်အဘီအမုၢ်မ့ၢ်ပှၤသ့ၣ်တဖၣ်န့ၣ် အတၢ်လီၤ.

လံာ်လူၤကၣ် 14:11

အဂ့ၢ်ဒ်အံၤပှၤတဂၤလၢ်လၢ်လၢအပာ်ထီၣ်ထီအသးန့ၣ်ကဘၣ် တၢ်ဆီၣ်လီၤအီၤ, ဒီးပှၤတဂၤလၢ်လၢ်လၢအဆီၣ်လီၤအသးန့ၣ် ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),