တၢ်ကတိၤဒိ. 28:8 - Sgaw Karen Common Bible

⁸ နမ့ၢ်ထူးထီၣ်တီၤထီၣ်ခီဖျိတၢ်ဃ့အါထီၣ်စ့အအ့ၣ်ဒီးဟံးန့ၢ် တၢ်အခွဲးအယာ်လၢပှၤဂၤအဖီခိၣ်န့ၣ်, နတၢ်ထူးတၢ်တီၤကတုၤဆူ ပှၤအဂၤတဂၤအအိၣ်လၢအသးကညီၤပှၤဖှီၣ်ဖိယာ်ဖိန့ၣ်လီၤ.

တၢ်ကတိၤဒိ. 28:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 12:6

လၢအမၤတ့ၢ်တၢ်အၢတၢ်သီဒ်န့ၣ်တမံၤအဃိ, အဝဲကဟ့ၣ်ကဒါက့ၤတၢ်လွံၢ်စးအါထဲသိးတၢ်လၢအဝဲဟံးန့ၢ်တ့ၢ်ဝဲန့ၣ်လီၤ.”

စံးထီၣ်ပတြၢၤ 72:13

အဝဲသးကညီၤပှၤဂံၢ်စၢ်ဘါစၢ်ဒီးပှၤဖှီၣ်ဖိယာ်ဖိ ဒီးအုၣ်က့ၤခီၣ်က့ၤပှၤဖှီၣ်ဖိယာ်ဖိအသးသမူလီၤ.

လံာ်တၢ်ဟးထီၣ်ကွံာ် 22:25

သုမ့ၢ်ဟ့ၣ်လိၢ်လီၤစ့ဆူယပှၤဂီၢ်မုၢ်လၢအဖှီၣ်အယာ်တဂၤလၢ်လၢ် န့ၣ်မၤသုသးဒ်ပှၤလိၢ်လီၤအီၣ်စ့တဖၣ်အသိးဒီးမၢဆူၣ်အီၤလၢ ကဟ့ၣ်စ့အအ့ၣ်တဂ့ၤ.

တၢ်ကတိၤဒိ. 13:22

ပှၤအဂ့ၤတဂၤကအိၣ်ဒီးတၢ်ထူးတၢ်တီၤလၢကပာ်လီၤတဲာ်တ့ၢ်ဝဲလၢ အလံၤတဖၣ်အဂီၢ်လီၤ. မ့မ့ၢ်ပှၤတၢ်ဒဲးဘးဖိတဖၣ်အတၢ်ထူးတၢ်တီၤန့ၣ်ကလဲၤဆူပှၤတီ ပှၤလိၤတဖၣ်အအိၣ်လီၤ.

တၢ်ကတိၤဒိ. 14:21

နမ့ၢ်အဲၣ်ဒိးဘၣ်ဆိၣ်ဂ့ၤန့ၣ်, သးကညီၤပှၤဖှီၣ်ဖိယာ်ဖိတက့ၢ်. တၢ်သးဘၣ်အၢပှၤတဂၤလၢ်လၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 19:7

ပှၤဖှီၣ်ဖိယာ်ဖိတဂၤအဒီပုၢ်ဝဲၢ်တဖၣ်ဒၣ်လဲာ်သးဟ့အီၤလီၤ. အတံၤသကိးတဖၣ်ဟးယံၤဒီးအီၤန့ၣ်တလီၤကမၢကမၣ်ဘၣ်. ကျဲးစၢးဝဲဆူၣ်ထဲလဲၣ်ထဲလဲၣ်ဘၣ်ဆၣ်မၤအဝဲသ့ၣ်တန့ၢ်နီတဂၤဘၣ်.

လံာ်ပှၤစံၣ်တဲၤတဲလီၤတၢ် 2:26

ကစၢ်ယွၤဟ့ၣ်တၢ်ကူၣ်သ့, တၢ်သ့ၣ်ညါဒီးတၢ်သူၣ်ဖှံ သးညီဆူပှၤတဖၣ်လၢအမၤမုာ်အသးန့ၣ်လီၤ. မ့မ့ၢ်, မၢပှၤတၢ်ဒဲးဘးဖိတဖၣ်မၤတၢ်, မၤန့ၢ်တၢ်ဒီးပာ်ဖှိၣ် တၢ်, ဒ်သိးတၢ်လၢအဝဲသ့ၣ်မၤန့ၢ်တ့ၢ်တဖၣ်, ကဘၣ်တၢ်ဟ့ၣ်လီၤအီၤဆူ ပှၤလၢအမၤမုာ်အဝဲအသးတဖၣ်အအိၣ်န့ၣ်လီၤ. တၢ်ခဲလၢာ်န့ၣ်, အဘျုးတအိၣ်ဘၣ်. တၢ်န့ၣ်လီၤဂာ်ဒီးတၢ်လူၤဖီၣ်ကလံၤန့ၣ်လီၤ.

လံာ်ယဃ့းစက့လး 18:13

ဒီးဟ့ၣ်လိၢ်လီၤစ့လၢတၢ်အါထီၣ်အဂီၢ်လီၤ. မ့ၢ်အဝဲကမူစ့ၢ်ကီးဧါ. အဝဲတမူဘၣ်. အဝဲမၤတၢ်လီၤသးဘၣ်အၢသ့ၣ်တဖၣ်အံၤ အဃိဒီးအဝဲကသံဝဲဒၣ်လီၤ. အဝဲကဘၣ်တၢ်ပာ်ဒ့ၣ်ပာ်ကမၣ်အီၤလၢအတၢ်သံဒၣ်ဝဲအဃိန့ၣ်လီၤ.

လံာ်ယဃ့းစက့လး 18:17

အဝဲဂ့ၢ်လိာ်လၢကမၤတၢ်အၢတၢ်သီဒီးတဟ့ၣ်လိၢ်လီၤစ့လၢတၢ်အါ ထီၣ်အဂီၢ်န့ၣ်ဘၣ်. အဝဲတိၢ်န့ၢ်ဖံးဃာ်ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးစူၢ် ယတၢ်မၤလိာ်တဖၣ်န့ၣ်လီၤ. အဝဲတသံဘၣ်လၢအပၢ်အတၢ်ဒဲးဘးတဖၣ်အဃိဘၣ်. မ့မ့ၢ်အဝဲကမူဝဲသပှၢ်ကတၢၢ်န့ၣ်လီၤ.

လံာ်ယဃ့းစက့လး 18:8

အဝဲတဟ့ၣ်လိၢ်လီၤစ့လၢတၢ်အါထီၣ်အဂီၢ်ဘၣ်. အဝဲဂ့ၢ်လိာ်လၢကမၤတၢ်အၢတၢ်သီဒီးဟ့ၣ်ထီၣ်တၢ်စံၣ်ညီၣ်တီလၢ ကယဲၢ်တၢ်ဂ့ၢ်လိာ်ဘှီလိာ်အဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 25:36

စ့အအ့ၣ်မ့ၢ်ဂ့ၤတၢ်အါထီၣ်မ့ၢ်ဂ့ၤဟံးန့ၢ်လၢအအိၣ်တဂ့ၤ. မ့မ့ၢ်သုဘၣ်ပျံၤသုကစၢ်ယွၤဒီးပျဲပှၤအံၣ်စရ့လးဖိကဒဲကဒဲဒီးသု အိၣ်မူဘူးဒီးသုတက့ၢ်.