တၢ်ကတိၤဒိ. 28:5 - Sgaw Karen Common Bible

⁵ ပှၤအၢပှၤသီတဖၣ်တသ့ၣ်ညါတၢ်စံၣ်ညီၣ်တီဘၣ်. မ့မ့ၢ်ပှၤလၢအဘူၣ်ထီၣ်ဘါထီၣ်ယွၤန့ၣ်, သ့ၣ်ညါဝဲဂ့ၤဂ့ၤလီၤ.

တၢ်ကတိၤဒိ. 28:5 Iomraidhean Croise

စံးထီၣ်ပတြၢၤ 119:100

ယနၢ်ပၢၢ်တၢ်အါန့ၢ်ပှၤလၢအသးပှၢ်တက့ၢ်လီၤ. အဂ့ၢ်ဒ်အံၤ, ယတိၢ်န့ၢ်ဖံးဃာ် နတၢ်မၤလိာ်တဖၣ်လီၤ.

စံးထီၣ်ပတြၢၤ 119:98

နတၢ်မၤလိာ်န့ၣ်ဒုးကူၣ်သ့ထီၣ်ယၤအါန့ၢ် ယဒုၣ်ယဒါတဖၣ်န့ၣ်လီၤ. အဂ့ၢ်ဒ်အံၤ, အိၣ်ဒီးယၤလီၤထူလီၤယိာ်န့ၣ်လီၤ.

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

စံးထီၣ်ပတြၢၤ 92:6

ပှၤလၢအတၢ်သ့ၣ်ညါတအိၣ်, သ့ၣ်ညါတၢ်အံၤတသ့ဘၣ်. ဒီးပှၤဟးဂီၤဖိ, နၢ်ပၢၢ်တၢ်အံၤတသ့ဘၣ်.

တၢ်ကတိၤဒိ. 15:24

ပှၤကူၣ်သ့တဖၣ်ပိာ်ကျဲတဘိလၢအဆှၢထီၣ်တၢ်ဆူထးဆူတၢ်မူလီၤ. တမ့ၢ်ဘၣ်ကျဲလၢအဆှၢလီၤတၢ်ဆူလာ်ဆူတၢ်သံန့ၣ်ဘၣ်.

တၢ်ကတိၤဒိ. 2:9

နမ့ၢ်ဒိကနၣ်ယၤဒီးနကနၢ်ပၢၢ်တၢ်လၢအဘၣ်, တၢ်စံၣ်ညီၣ်တီ, ဒီးတၢ်လၢအကြၢးဝဲဘၣ်ဝဲန့ၣ်လီၤ.

တၢ်ကတိၤဒိ. 24:7

တၢ်ကူၣ်သ့အတၢ်ကတိၤတဖၣ်ယိာ်ကဲၣ်ဆိးလၢပှၤဟးဂီၤဖိ တဂၤကနၢ်ပၢၢ်ဝဲအဂီၢ်လီၤ. ဖဲတၢ်ဂ့ၢ်အကါဒိၣ်တဖၣ်ဘၣ်တၢ်ကတိၤ သကိးအီၤန့ၣ်, အဝဲစံးကတိၤတၢ်တသ့နီတမံၤဘၣ်.

လံာ်ယၡါယၤ 1:3

ဂီၤဘုၣ်ဂီၤဖံးသ့ၣ်ညါအကစၢ်, ဒီးကသ့ၣ်ယီၤတဖၣ်သ့ၣ်ညါ အကစၢ်လုၢ်အီၣ်လုၢ်အီအီၤဖဲလဲၣ်န့ၣ်လီၤ. ဘၣ်ဆၣ်တၢ်အံၤအါ န့ၢ်ဒံးတၢ်လၢယပှၤဂီၢ်မုၢ်အံၣ်စရ့လးသ့ၣ်ညါဝဲန့ၣ်လီၤ. အဝဲသ့ၣ်တနၢ်ပၢၢ်ဒၣ်လဲာ်ဘၣ်.”

လံာ်ယၡါယၤ 44:18

ပှၤဒ်န့ၣ်သိးတဖၣ်ဟးဂီၤနးနးကလဲာ်လၢတသ့ၣ်ညါတၢ်လၢအဝဲသ့ၣ် မၤဝဲအဂ့ၢ်အဃိန့ၣ်လီၤ. အဝဲသ့ၣ်ဘံၣ်ဃးအမဲာ်ဒီးကးတံၢ်အသးတြီတၢ်မ့ၢ်တၢ်တီန့ၣ်လီၤ.

လံာ်ယၡါယၤ 6:9

အန့ၣ်ဒီး, အဝဲစံးဘၣ်ယၤလၢယကလဲၤဒီးစံးဘၣ်တဲဘၣ် အပှၤဂီၢ်မုၢ်လၢတၢ်ကစီၣ်အအံၤ, “သုဒိကနၣ်ထဲလဲၣ်ထဲလဲၣ် နာ်က့, သုတနၢ်ပၢၢ်ဘၣ်. သုကွၢ်ထံတၢ်ထဲလဲၣ်ထဲလဲၣ်နာ်က့, သုတသ့ၣ်ညါတၢ်လၢအမၤအသးတဖၣ်ဘၣ်.”

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ဧၤမိၣ် 3:10

ပှၤသ့ၣ်တဖၣ်အံၤမၤပှဲၤအဟံၣ်အဃီဒီးတၢ်တဖၣ်လၢအမၤန့ၢ်ဝဲတၢ်မၤ ဆူၣ်မၤနၢၤဒီးတၢ်ဂုာ်ဆူၣ်ပျီဆူၣ်န့ၣ်လီၤ. ကဘၣ်အိၣ်မူတီတီလိၤလိၤဒ်လဲၣ်ဒၣ်လဲာ်န့ၣ်တသ့ၣ်ညါဝဲဘၣ်.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.