တၢ်ကတိၤဒိ. 28:17 - Sgaw Karen Common Bible

¹⁷ ပှၤတဂၤလၢအမၤသံတၢ်န့ၣ်ခူၣ်အတၢ်သံအပူၤဒၣ်ဝဲအချ့ကတၢၢ်လီၤ. ကျဲးစၢးတြီအီၤတဂ့ၤ.

တၢ်ကတိၤဒိ. 28:17 Iomraidhean Croise

လံာ်တၢ်ကဲထီၣ်အခီၣ်ထံး 4:12

နမ့ၢ်ဂုာ်ကျဲးစၢးသူၣ်လီၤတၢ်မုၢ်တၢ်ဘိတဖၣ်ဘၣ်ဆၣ်ဒီးဟီၣ်ခိၣ် တဟ့ၣ်ထီၣ်တၢ်နီတမံၤဘၣ်. နကကဲထီၣ်ပှၤဟးဝ့ၤဝီၤတဂၤလၢအဟံၣ်တအိၣ်လၢဟီၣ်ခိၣ်ချၢန့ၣ် လီၤ.”

လံာ်တၢ်ကဲထီၣ်အခီၣ်ထံး 9:6

ပှၤကညီဘၣ်တၢ်တ့အီၤလီၤဂာ်ဒ်ကစၢ်ယွၤအသိးဒီးပှၤတဂၤဂၤလၢ အမၤသံပှၤကညီတဂၤန့ၣ်အနီၢ်ကစၢ်ဒၣ်ဝဲကဘၣ်တၢ်မၤသံအီၤလၢပှၤ ကညီသကိးသကိးဒီးအီၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 13:34

အကတီၢ်ဖဲန့ၣ်, စီၤအးဘၡါလိၣ်ထွးထီၣ်ဃ့ၢ်ကွံာ်ဝဲဒၣ်န့ၣ်လီၤ. တကီၢ်ခါဖဲန့ၣ်, ပှၤသုးဖိတဂၤလၢအမူဒါလီၤဝဲလၢခိးတၢ်အလီၢ်န့ၣ်, ထံၣ်ဘၣ်ပှၤဂီၢ်မုၢ်ဖးဒိၣ်တဖုဟဲလီၤလၢတၢ်လူၢ်ဒီခိၣ်လၢကျဲ လၢအဟဲဝဲလၢဝ့ၢ်ဃိရနဲၣ်တခီန့ၣ်လီၤ. အဝဲလဲၤဆူစီၤပၤအအိၣ်ဒီးတဲသ့ၣ်ညါအီၤတၢ်လၢအထံၣ်ဘၣ်တ့ၢ်ဝဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 18:15

အန့ၣ်တစု, စီၤယိၤအာ်အပှၤသုးဖိအဂၤတဆံ ဟဲကဝီၤတံာ်စီၤအးဘၡါလိၣ်ဒီၤမၤသံကွံာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:29

ဖဲတၢ်ကစီၣ်တုၤဃီၤဆူစီၤပၤၡလိၤမိၤအအိၣ်လၢစီၤယိၤအာ်ဃ့ၢ် ပူၤဖျဲးအသးဆူယွၤအဒဲစီဆှံအပူၤဒီးအိၣ်ဝဲလၢတၢ်လုၢ်လီၢ် အကပၤန့ၣ်, စီၤၡလိၤမိၤမၢလီၤပှၤစိာ်တၢ်ကစီၣ်တဂၤဆူ စီၤယိၤအာ်အအိၣ်ဒ်သိးကသံကွၢ်အီၤလၢဘၣ်မနုၤအဝဲဃ့ၢ်ပူၤ ဖျဲးကွံာ်အသးဆူတၢ်လုၢ်လီၢ်အပူၤလဲၣ်န့ၣ်လီၤ. စီၤယိၤအာ်စံးဆၢဝဲလၢအဝဲဃ့ၢ်ပူၤဖျဲးကွံာ်အသးဆူယွၤအ အိၣ်, မ့ၢ်လၢအဝဲပျံၤဘၣ်စီၤၡလိၤမိၤအဃိန့ၣ်လီၤ. အန့ၣ်ဒီးစီၤၡလိၤမိၤမၢစီၤဘနါယၤလၢကမၤသံကွံာ်အီၤန့ၣ် လီၤ.

လံာ်စီၤပၤအခီၣ်ထံးတဘ့ၣ် 21:19

တဲဘၣ်အီၤလၢယၤ, ယွၤစံးဘၣ်အီၤ, ဖဲနမၤသံကွံာ်ပှၤတဂၤဝံၤ အလီၢ်ခံန့ၣ်, မ့ၢ်နကဟံးန့ၢ်ကွံာ်အတၢ်စုလီၢ်ခီၣ်ခိၣ်စ့ၢ်ကီးဧါ. တဲဘၣ်အီၤလၢအအံၤမ့ၢ်တၢ်လၢယစံးန့ၣ်တက့ၢ်. ဖဲတၢ်လီၢ်တတီၤဃီလၢထွံၣ်တဖၣ်လ့ၣ်ကွံာ်စီၤနၤဘိးအသွံၣ်န့ၣ် အဝဲသ့ၣ်ကလ့ၣ်ထီၣ်ကွံာ်နသွံၣ်စ့ၢ်ကီးန့ၣ်လီၤ.”

လံာ်စီၤပၤအခီၣ်ထံးတဘ့ၣ် 21:23

ဒီးဖဲအဘၣ်ထွဲဒီးနီၢ်အံၤစ့ဘ့ၤလးန့ၣ်, ယွၤစံးဝဲဒၣ်လၢထွံၣ်တဖၣ်ကအီၣ်ကွံာ်အစိၣ်လၢဝ့ၢ်ယံးစရ့လး အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 9:26

“ယထံၣ်တ့ၢ်တၢ်မၤသံစီၤနၤဘိးဒီးအဖိခွါတဖၣ်မဟါတနံၤန့ၣ် လီၤ. ဒီးယအၢၣ်လီၤယသးလၢယကစံၣ်ညီၣ်နၤဖဲအံၤ, လၢပျီတဘ့ၣ်ဃီအံၤအပူၤန့ၣ်လီၤ.” စီၤယ့ၤဟူမၤလိာ်အပှၤကွၢ်ထွဲမၤစၢၤအီၤ, “လၢတၢ်န့ၣ်အဃိ, ဟံးထီၣ်စီၤယဟိရၣ်အစိၣ်ဒီးတ့ၢ်လီၤကွံာ်အီၤဆူစီၤနၤဘိး အပျီပူၤလၢတၢ်မၤလၢထီၣ်ပှဲၤထီၣ်ယွၤအတၢ်အၢၣ်လီၤအဂီၢ်န့ၣ် တက့ၢ်.

လံာ်တၢ်ဟးထီၣ်ကွံာ် 21:14

ဘၣ်ဆၣ်, ဖဲပှၤတဂၤအသးဒိၣ်ထီၣ်ဒီးမၤသံပှၤအဂၤတဂၤလၢတၢ်ကူၣ် ထီၣ်ဖးလီၤဆိပာ်ဝဲအပူၤန့ၣ်, အဝဲမ့ၢ်ဃ့ၢ်ဆူယတၢ်လုၢ်လီၢ်လၢတၢ်ပူၤဖျဲးအဂီၢ်ဒၣ်လဲာ်ကဘၣ်တၢ် မၤသံကွံာ်အီၤန့ၣ်လီၤ.

တၢ်ကတိၤဒိ. 6:17

မဲာ်ကွၢ်တၢ်အိၣ်ဒီးတၢ်ပာ်ထီၣ်ထီသး, ပျ့ၤလၢအလီတၢ်, စုလၢအမၤသံပှၤလၢအတၢ်ကမၣ်တအိၣ်,

လံာ်ယံးရမံယၤ 41:15

ဘၣ်ဆၣ်, စီၤယံးၡမၤအ့လးဒီး အပှၤဃိးဂၤထူၣ်ဖျဲးကွံာ် လၢစီၤယိဃၤနၣ်အစုပူၤဒီး ဃ့ၢ်ပူၤဖျဲးဝဲဆူပှၤဧၣ်မိၣ်ဖိအ ကီၢ်န့ၣ်လီၤ.

မၤတၢ် 28:4

ပှၤကီးဖိဖဲန့ၣ်တဖၣ်ထံၣ်ဂုၢ်သ့ၣ်အိၣ်ဘျးလီၤအသးလၢ စီၤပီလူးအစုလိၤဒီးစံးလိာ်အသးတဂၤဒီးတဂၤ, “ပှၤတဂၤအံၤကမ့ၢ်ပှၤမၤသံပှၤကညီလီၤ. အဝဲပူၤဖျဲးကွံာ်လၢပီၣ်လဲၣ်အပူၤသနာ်က့, ဘူၣ်တီၢ် ကစၢ်တပျဲမူအီၤလၢၤဘၣ်.”

လံာ်သိၣ်လီၤသီလီၤတၢ် 19:11

ဘၣ်ဆၣ်ဒီး, ဘၣ်သ့ၣ်သ့ၣ်ပှၤတဂၤကကူၣ်ထီၣ်ဖးလီၤမၤသံ အဒုၣ်အဒါလၢအသွံၣ်ခုၣ်အပူၤ, ဝံၤဒီးကဃ့ၢ်ပူၤဖျဲးအသးဆူ ဝ့ၢ်တဖၣ်န့ၣ်အကျါတဖျၢၣ်လၢတၢ်ဒီဒၣ်အိၣ်ပှိၤအဂီၢ်လီၤ.