တၢ်ကတိၤဒိ. 28:16 - Sgaw Karen Common Bible

¹⁶ ပှၤပၢတၢ်တဂၤလၢအတအိၣ်ဘၣ်ဒီးတၢ်ကူၣ်တၢ်ဆးအဂ့ၤန့ၣ်, ကမ့ၢ်ပှၤသူၣ်အၢသးသီတဂၤလၢအပၢတၢ်ဖဲအသးဒၣ်ဝဲလီၤ. ပှၤတဂၤလၢအသးဟ့တၢ်တတီတလိၤန့ၣ်, ကပၢတၢ်ဖးယံာ်န့ၣ်လီၤ.

တၢ်ကတိၤဒိ. 28:16 Iomraidhean Croise

လံာ်စီၤပၤအခီၣ်ထံးတဘ့ၣ် 12:10

အဝဲသ့ၣ်စံးဆၢဝဲ, အအံၤမ့ၢ်တၢ်လၢနကဘၣ်တဲအဝဲသ့ၣ်န့ၣ်လီၤ. “ယစုဆၣ်ဖိအံၤဒိၣ်န့ၢ်ဒံးယပၢ်အယီၢ်ဒ့တက့ၢ်လီၤ.

လံာ်စီၤပၤအခီၣ်ထံးတဘ့ၣ် 12:14

ဒ်ပှၤသးစၢ်တဖၣ်အတၢ်ဟ့ၣ်ကူၣ်အီၤအသိးန့ၣ်လီၤ. အဝဲစံးဝဲဒၣ်, “ယပၢ်ပာ်လီၤတ့ၢ်တၢ်ဝံဃၢယိးဃၢတဖၣ်လၢသု လိၤဒီးယကမၤဃၢအါထီၣ်အီၤနးန့ၢ်အလီၢ်တက့ၢ်လီၤ. အဝဲဖျ့သုလၢနီၣ်ဖျ့တဖၣ်မ့မ့ၢ်ယဲဒၣ်အံၤယကတီၢ်သုလၢနီၣ် တီၢ်ကသ့ၣ်န့ၣ်လီၤ.”

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်တၢ်ဟးထီၣ်ကွံာ် 18:21

ဘၣ်ဆၣ်ဒီး, အါန့ၢ်အန့ၣ်, နကြၢးဃုထၢပှၤပိာ်ခွါတနီၤလၢအသ့ ဝဲဘၣ်ဝဲဒီးဃုထၢပာ်လီၤအဝဲသ့ၣ်ဒ်ပှၤဂီၢ်မုၢ်အခိၣ်အနၢ်တဖၣ် အသိးလၢပှၤအကထိတဖၣ်, ပှၤအကယၤတဖၣ်, ပှၤအဂၤယဲၢ်ဆံ တဖၣ်ဒီးပှၤအဂၤတဆံတဖၣ်အဖီခိၣ်န့ၣ်လီၤ. အဝဲသ့ၣ်ကဘၣ်မ့ၢ်ပှၤတဖၣ်လၢအပျံၤကစၢ်ယွၤ, လၢအဘၣ်တၢ်နာ်န့ၢ် အီၤသ့ဝဲဒီးတဟံးန့ၢ်ခိၣ်ဖးလာ်ဆှိးဘၣ်တဖၣ်န့ၣ်လီၤ.

တၢ်ကတိၤဒိ. 15:27

နမ့ၢ်ကျဲးစၢးမၤန့ၢ်တၢ်ဘၣ်ဘျုးလၢတၢ်တတီတလိၤအပူၤန့ၣ် နကဆှၢနဟံၣ်ဖိဃီဖိဆူတၢ်ကီတၢ်ခဲအပူၤလီၤ. ဟံးန့ၢ်ခိၣ်ဖးလာ်ဆှိးတဖၣ်တဂ့ၤ. ဒီးနကအိၣ်မူယံာ်ယံာ်လီၤ.

လံာ်ပှၤစံၣ်တဲၤတဲလီၤတၢ် 10:16

ထံကီၢ်တဘ့ၣ်အိၣ်လၢတၢ်ကိၢ်တၢ်ဂီၤအပူၤဖဲစီၤပၤမ့ၢ်ပှၤသးစၢ် တဂၤဒီးအခိၣ်အနၢ်တဖၣ်အီၣ်တၢ်အီတၢ်တဲာ်နၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 4:1

မၤကဒီးတစု, ယကွၢ်တၢ်စံၣ်ညီၣ်တတီခဲလၢာ်လၢအမၤဒံးအသးလၢ ဟီၣ်ခိၣ်ချၢအံၤန့ၣ်လီၤ. ပှၤလၢအဘၣ်တၢ်မၤနးမၤဖှီၣ်အီၤတဖၣ်ဟီၣ်တၢ်ယၢၤတၢ်ဘၣ်ဆၣ်ပှၤမၤ စၢၤအီၤတအိၣ်နီတဂၤဘၣ်. ပှၤတမၤစၢၤအီၤနီတဂၤဘၣ်န့ၣ်မ့ၢ်လၢတၢ်စိကမီၤအိၣ်လၢပှၤမၤ နးမၤဖှီၣ်တၢ်တဖၣ်အစုပူၤအဃိန့ၣ်လီၤ.

လံာ်ယၡါယၤ 3:12

ဖိဒံဖိသၣ်တဖၣ်မၤနးမၤဖှီၣ်ယပှၤဂီၢ်မုၢ်, ဒီးပိာ်မုၣ်တဖၣ်ပၢတၢ်လၢအဖီခိၣ်လီၤ. အိ, ယပှၤဂီၢ်မုၢ်သ့ၣ်ဧၢ, သုခိၣ်သုနၢ်တဖၣ်ဆှၢကမၣ်သုတုၤဒၣ် လဲာ်သုကဘၣ်လဲၤကျဲလၢလဲၣ်န့ၣ်သုတသ့ၣ်ညါအီၤဘၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,