တၢ်ကတိၤဒိ. 28:13 - Sgaw Karen Common Bible

¹³ နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

တၢ်ကတိၤဒိ. 28:13 Iomraidhean Croise

လံာ်တၢ်ကဲထီၣ်အခီၣ်ထံး 4:9

ဒီးယွၤသံကွၢ်စီၤကၤယံၣ်, “နပုၢ်စီၤဟ့းဘ့းလးန့ၣ်အိၣ်ဖဲလဲၣ်.” ဒီးအဝဲဒၣ်စံးဆၢဝဲ, “ယတသ့ၣ်ညါဘၣ်. နဆိကမိၣ်ယမ့ၢ်ပှၤဘၣ်ကွၢ် ထွဲယပုၢ်ဧါ.”

လံာ်စီၤၡမူၤအ့လးခံဘ့ၣ်တဘ့ၣ် 12:13

စီၤဒၤဝံးစံးဝဲဒၣ်, “ယမၤဘၣ်တ့ၢ်တၢ်ဒဲးဘးထီဒါယွၤလံ.” စီၤနၤသၣ်စံးဆၢဝဲ, “ယွၤပျၢ်နၤလၢနတၢ်ဒဲးဘးလီၤ. နတသံဘၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 14:32

စီၤအးဘၡါလိၣ်စံးဆၢဝဲဒၣ်, “အဂ့ၢ်ဒ်အံၤ, ဖဲယမၢပှၤလဲၤကိးနၤန့ၣ်နတဟဲဘၣ်. ယအဲၣ်ဒိးလၢနကလဲၤဆူ စီၤပၤအအိၣ်လၢယဂီၢ်ဒီးသံကွၢ်န့ၢ်ယၤ, ဘၣ်မနုၤလၢယဟးထီၣ်လၢဝ့ၢ်ကၡူၢ်ဒီးဟဲဆူအံၤန့ၣ်လဲၣ်. ယအိၣ်ဖဲန့ၣ်န့ၣ်, ဂ့ၤဒိၣ်ဒၣ်တၢ်တက့ၢ်လၢယဂီၢ်န့ၣ်လီၤ.” ဒီးစီၤအးဘၡါလိၣ်စံးအါထီၣ်ကဒီးဝဲ, “ယအဲၣ်ဒိးလၢနကသုးကျဲၤတၢ်လၢယဂီၢ်ဒ်သိးယကထံၣ်ဘၣ်စီၤပၤ, ဒီးယတၢ်ကမၣ်မ့ၢ်အိၣ်န့ၣ်, မ်အမၤသံကွံာ်ယၤတက့ၢ်.”

လံာ်စီၤပၤခံဘ့ၣ်တဘ့ၣ် 20:15

“အဝဲသ့ၣ်ထံၣ်ဘၣ်တၢ်မနုၤလၢနူၢ်ဧိၤစီၤဧိၤအပူၤလဲၣ်.” “အဝဲသ့ၣ်ထံၣ်ဘၣ်တၢ်ခဲလၢာ်လီၤ. တၢ်လၢယတဒုးနဲၣ်ဘၣ်အဝဲသ့ၣ် လၢတၢ်ပာ်ဖှိၣ်အဒၢးတဖၣ်အပူၤန့ၣ်တအိၣ်နီတမံၤဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 6:26

ဒီးဖဲနတြီဃာ်တၢ်ဟဲစူၤလီၤ, မ့ၢ်လၢနပှၤဂီၢ်မုၢ်မၤတ့ၢ်တၢ် ဒဲးဘးထီဒါနၤ, ဒီးတုၤအဝဲသ့ၣ်ပီၢ်ယၢ်လီၤက့ၤအသးဒီးဃၣ်ဃီၤအမဲာ်ဆူယွၤ အတၢ်လုၢ်ဟံၣ်အံၤ, ဒီးဃ့ဘါထုကဖၣ်နၤလၢတၢ်ဆီၣ်လီၤသးအပူၤန့ၣ်,

လံာ်စီၤဧ့စြၤ 10:11

ဒီးခဲကနံၣ်အံၤ, တဲလီၤကျဲၤလီၤသုတၢ်ဒဲးဘးတဖၣ်ဆူယွၤ, သုမိၢ်ပၢ်ဖံဖုလၢပျၢၤတဖၣ်အကစၢ်ယွၤအအိၣ်ဒီးမၤတၢ်လၢအဘၣ် အသးန့ၣ်တက့ၢ်. မၤလီၤဖးလိာ်သုသးဒီးပှၤတခီဘီမုၢ်ဖိ တဖၣ်လၢအအိၣ်အဆိးလၢပထံပကီၢ်အပူၤဒီးတၢၤကွံာ်သုမါပှၤတခီ ဘီမုၢ်ဖိတဖၣ်တက့ၢ်.”

လံာ်စီၤဧ့စြၤ 10:2

တုၤနုၤတစုစီၤယဃံအ့လးအဖိခွါစီၤၡကါနယၤလၢစီၤဧ့ၤလၣ် အဒူၣ်ထၢပူၤစံးဘၣ်စီၤဧ့စြၤ, “ပမၤဟးဂီၤတ့ၢ်လံပတၢ်နာ်ဒီးယွၤခီဖျိပဆီဟံၣ်ဆီဃီဒီး ပှၤတခီဘီမုၢ်ဖိပိာ်မုၣ်တဖၣ်န့ၣ်လီၤ. အန့ၣ်ဒၣ်လဲာ်, လၢကီၢ်အံၣ်စရ့လးအဂီၢ်န့ၣ်တၢ်မုၢ်လၢ်အိၣ်ဒံးဝဲလီၤ.

လံာ်စီၤနဃ့မယၤ 9:2

ဒီးအဝဲသ့ၣ်မၤလီၤဖးအသးဒီးပှၤတခီဘီမုၢ်ဖိတဖၣ်န့ၣ်လီၤ. ဒီးအဝဲသ့ၣ်ကူသိးဝဲထၢၣ်တၢ်ကံးညာ်ဒီးဖှံအခိၣ်လၢဟီၣ်ခိၣ် အကမူၣ်ဒ်အမ့ၢ်တၢ်သူၣ်အုးသးအုးအတၢ်ပနီၣ်န့ၣ်လီၤ. ဒီးအဝဲသ့ၣ်ဂဲၤဆၢထၢၣ်ဒီးတဲလီၤကျဲၤလီၤတၢ်ဒဲးဘးတဖၣ်လၢ အဝဲသ့ၣ်ဒီးအမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲန့ၣ်လီၤ.

လံာ်စီၤယိၤဘး 31:33

ပှၤအဂၤကျဲးစၢးမၤဘၢအတၢ်ကမၣ်တဖၣ်ဘၣ်ဆၣ်ဒီးယတပာ် တဒၢတ့ၢ်ယတၢ်ကမၣ်နီတဘျီဘၣ်.

လံာ်စီၤယိၤဘး 33:27

အဝဲစံးတၢ်လၢပှၤဂီၢ်မုၢ်အမဲာ်ညါ, “ယမၤတ့ၢ်လံတၢ်ဒဲးဘးလံ. ယတမၤတၢ်လၢ အဘၣ်ဘၣ်. ဘၣ်ဆၣ်ဒီးကစၢ်ယွၤပျၢ်ဖျဲးယၤလီၤ.

လံာ်စီၤယိၤဘး 34:31

စီၤယိၤဘးဧၢ, မ့ၢ်နတဲလီၤကျဲၤလီၤနတၢ်ကမၣ်တဖၣ်လၢ ကစၢ်ယွၤဒီးအၢၣ်လီၤတ့ၢ်လံနသးလၢနတမၤလၢၤတၢ်ဒဲးဘး န့ၣ်ဘၣ်ဧါ.

စံးထီၣ်ပတြၢၤ 51:10

ကစၢ်ယွၤဧၢ, တ့လီၤသးအကဆှီလၢယပူၤ, ဒီးသူၣ်သီသးသီဒီးသူၣ်ဂၢၢ်သးကျၢၤလၢ ယပူၤတက့ၢ်.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 17:9

နမ့ၢ်အဲၣ်ဒိးပှၤဘၣ်အသးလၢနၤဒီးဖဲအမၤကမၣ်နၤန့ၣ်ပျၢ် အတၢ်ကမၣ်တက့ၢ်. တၢ်သ့ၣ်နီၣ်ထီၣ်တၢ်ကမၣ်တဖၣ်န့ၣ်, မၤလီၤဖးတၢ်ဒီတံၤဒီသကိးသ့ဝဲလီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယံးရမံယၤ 2:35

သုစံးသုဝဲလၢ, ယတၢ်ကမၣ်တအိၣ်ဘၣ်. သပှၢ်ကတၢၢ်ယွၤတသးဒိၣ်လၢၤယၤဘၣ်န့ၣ်လီၤ. ဘၣ်ဆၣ်ဒီးယၤ, ယွၤအံၤကစံၣ်ညီၣ်သု, မ့ၢ်လၢသုသမၢသုဝဲလၢသုမၤတ့ၢ် တၢ်ဒဲးဘးအဃိန့ၣ်လီၤ.

လံာ်ဒၤနံးယ့လး 4:27

မၤသးဒ်န့ၣ်, ဒီးနဲဒၣ်စီၤပၤဧၢ, တူၢ်လိာ်ယတၢ်ဟ့ၣ်ကူၣ်နၤတက့ၢ်. ဆိကတီၢ်ကွံာ်တၢ်မၤတၢ်ဒဲးဘး, မၤတၢ်လၢအဘၣ်ဒီးသူၣ်ကညီၤသးကညီၤပှၤဖှီၣ်ဖိယာ်ဖိတက့ၢ်. အန့ၣ်တစုနကဘီၣ်ထီၣ်ညီထီၣ်ဆူညါကွ့ၢ်ကွ့ၢ်န့ၣ်လီၤ.”

လံာ်တၢ်ဘူၣ်ထီၣ်ဘါထီၣ် 5:5

တုၤပှၤတဂၤအတၢ်ဒဲးဘးအိၣ်လၢတၢ်တမံၤမံၤအံၤအပူၤန့ၣ်အဝဲ ကဘၣ်အၢၣ်လီၤအတၢ်ဒဲးဘးလၢအမၤတ့ၢ်ဝဲလီၤ.

လံာ်ယိၤနါ 3:10

ကစၢ်ယွၤထံၣ်တၢ်လၢအဝဲသ့ၣ်မၤဝဲ, ထံၣ်ဝဲလၢအဝဲသ့ၣ်ညိကွံာ်အသးလၢအကျဲအအၢအသီန့ၣ်လီၤ. အန့ၣ်ဒီးအဝဲလဲလိာ်ကွံာ်အတၢ်ပာ်လီၤ အသးဒီးတစံၣ်ညီၣ်ဘၣ်အဝဲသ့ၣ်ဒ်အစံးတ့ၢ်လၢကမၤဝဲအသိးန့ၣ် ဘၣ်.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:15

ဘၣ်ဆၣ်ဒီးပှၤအံၣ်စရ့လးဖိတဖၣ်စံးဘၣ်ယွၤ, “ပမၤတ့ၢ်တၢ်ဒဲးဘးလံ. မၤပှၤဒ်ကယဲၢ်တၢ်လၢအဂ့ၤလၢနမဲာ်အသိးန့ၣ်တက့ၢ်. ဘၣ်ဆၣ်, ဝံသးစူၤအုၣ်က့ၤခီၣ်က့ၤပှၤတနံၤအံၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 15:13

စီၤၡမူၤအ့လးလဲၤဆူစီၤစီလူးအအိၣ်ဒီးစီၤစီလူးသဂၢၢ် အီၤဒီးစံးဝဲ, “စီၤၡမူၤအ့လးဧၢ, မ်ယွၤဆိၣ်ဂ့ၤနၤတက့ၢ်. ယစူၢ်တ့ၢ်ယွၤအတၢ်မၤလိာ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:24

စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:30

“ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”