တၢ်ကတိၤဒိ. 27:8 - Sgaw Karen Common Bible

⁸ ပှၤတဂၤလၢအအိၣ်ယံၤဒီးဟံၣ်န့ၣ်, လီၤဂာ်ဒီးထိၣ်တဘ့ၣ်လၢအယံၤဒီးအသွံလီၤ.

တၢ်ကတိၤဒိ. 27:8 Iomraidhean Croise

လံာ်တၢ်ကဲထီၣ်အခီၣ်ထံး 21:14

လၢခံတသီဂီၤဂီၤန့ၣ်, စီၤအၤဘြၤဟၣ်ဟ့ၣ်နီၢ်ဟၤကၢ်တၢ်အီၣ် တနီၤဒီးထံဒၢတၢ်ဖံးတထၢၣ်လၢအပှဲၤဒီးထံန့ၣ်လီၤ. ဒီးပာ်ထီၣ်ဝဲဖိသၣ်ပိာ်ခွါလၢအမိၢ်အဖံဘၣ်ခိၣ်လိၤဒီးဟီ ထီၣ်ကွံာ်အီၤန့ၣ်လီၤ. ဒီးနီၢ်ဟၤကၢ်ဟးထီၣ်ကွံာ်ဝဲဒီးလဲၤဝ့ၤဝီၤတၢ်လၢပှၢ်မုၢ် ကနၢဘ့ၢ်ၡဘၤအပူၤန့ၣ်လီၤ.

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်စီၤပၤအခီၣ်ထံးတဘ့ၣ် 11:22

စီၤပၤသံကွၢ်အီၤ, “ဘၣ်မနုၤအဃိလဲၣ်. မ့ၢ်ယတဟ့ၣ်ဘၣ်နၤလၢ တၢ်တမံၤမံၤလၢနကြၢးဒိးန့ၢ်အီၤအဃိဧါ. လၢတၢ်အံၤအဃိမ့ၢ်နအဲၣ်ဒိးက့ၤကဒါက့ၤဆူနဟံၣ်နဃီန့ၣ်ဧါ.” စီၤဟၤဒးစံးဆၢစီၤပၤ, “တမ့ၢ်ဘၣ်, မ့မ့ၢ်, ထဲပျဲယၤလၢယကက့ၤတက့ၢ်.” ဒီးအဝဲက့ၤကဒါက့ၤဆူအထံအကီၢ်န့ၣ်လီၤ. ဒ်ကီၢ်အဒိၣ်စီၤပၤအသိး, စီၤဟၤဒးမ့ၢ်ကီၢ်အံၣ်စရ့လးအဒုၣ် အဒါအအၢအသီနးနးကလဲာ်တဂၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

တၢ်ကတိၤဒိ. 21:16

တၢ်သံအိၣ်ခိးပှၤတဂၤလၢ်လၢ်လၢအဟးဝ့ၤဝီၤယံၤဒီးတၢ်သူၣ်ထံ သးဆးအဂ့ၤအဘၣ်န့ၣ်လီၤ.

တၢ်ကတိၤဒိ. 26:2

နမ့ၢ်တကြၢးဒိးဘၣ်အီၤဒီး, တၢ်ဆိၣ်အၢတဖၣ်မၤဘၣ်ဒိဘၣ်ထံးနၤ တသ့ဘၣ်. တၢ်တဖၣ်န့ၣ်လီၤဂာ်ဒ်ထိၣ်တဖၣ်လၢအယူၤပူၤကွံာ်ဝဲဒီး တစီၢ်လီၤနီတဘျီဘၣ်အသိးန့ၣ်လီၤ.

တၢ်ကတိၤဒိ. 27:7

ဖဲနဘျဲးအီၣ်တၢ်န့ၣ်, နကဂ့ၢ်လိာ်ဒၣ်လဲာ်ကနဲစီလီၤ. ဘၣ်ဆၣ်ဒီးဖဲတၢ်သၣ်ဝံၤနသးန့ၣ်, တၢ်အီၣ်လၢအခၣ်ဒၣ်လဲာ်ဆၢဝဲလီၤ.

လံာ်ယၡါယၤ 16:2

အဝဲသ့ၣ်အိၣ်ခိးတၢ်ဖဲထံကျိအၤနိၣ် အကၢၢ်ခိၣ်ဒီးသုးအသးဖဲအံၤဖဲနုၤ လၢတၢ်တိာ်တအိၣ်ဘၣ်အပူၤ, ဒ်ထိၣ်တဖၣ်လၢအဘၣ် တၢ်နီၣ်ထီၣ်ကွံာ်အီၤလၢအသွံပူၤအသိးန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

1 ကရံၣ်သူး 7:20

ပှၤကိးဂၤဒဲးကြၢးမ့ၢ်တၢ်ဒ်အမ့ၢ်တ့ၢ်ဝဲ, ဖဲအဝဲဒၣ်တူၢ်လိာ်ကစၢ်ယွၤအတၢ်ကိးအဆၢကတီၢ်န့ၣ်လီၤ.

ယူဒၤ 1:13

အဝဲသ့ၣ်တဖၣ်လီၤဂာ်ဒီးပီၣ်လဲၣ်လပီတပျုာ်တပျီၤ, ဒီးအတၢ်မၤလၢအလီၤမဲာ်ဆှးတဖၣ်အိၣ်ဖျါထီၣ်ဒ်ပီၣ်လဲၣ် သဘှဲထီၣ်အသိးန့ၣ်လီၤ. အဝဲသ့ၣ်လီၤဂာ်ဒီးဆၣ်လၢအယူၤ တဖၣ်, လၢကစၢ်ယွၤကတဲာ်ကတီၤပာ်စၢၤန့ၢ်အလီၢ်လီၤထူလီၤ ယိာ်လၢတၢ်ခံးယိာ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 22:5

တုၤနုၤတစုဝံစီၤကးဟဲဆူစီၤဒၤဝံးအအိၣ်ဒီးစံး, “အိၣ်ဖဲအံၤတဂ့ၤ. လဲၤတဘျီဃီဆူကီၢ်ယူဒၤအပူၤတက့ၢ်.” မၤသးဒ်န့ၣ်ဒီး, စီၤဒၤဝံးဟးထီၣ်ဖဲန့ၣ်ဒီးလဲၤဆူဃ့ၤရ့း အပှၢ်လၢ်ကျါန့ၣ်လီၤ.