တၢ်ကတိၤဒိ. 27:4 - Sgaw Karen Common Bible

⁴ တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

တၢ်ကတိၤဒိ. 27:4 Iomraidhean Croise

လံာ်တၢ်ကဲထီၣ်အခီၣ်ထံး 26:14

မ့ၢ်လၢအဝဲအိၣ်ဒီးအသိအဖုအဂီၢ်တဖၣ်, အဂီၤဘုၣ်ဂီၤဖံးအဖု အဂီၢ်တဖၣ်အါအါဂီၢ်ဂီၢ်ဒီးအကုၢ်အပှၤအါဒံအါဂၤအဃိဒီးပှၤ ဖလ့ၡသးဖိတဖၣ်သးက့ၣ်အီၤလီၤ.

လံာ်တၢ်ကဲထီၣ်အခီၣ်ထံး 37:11

စီၤယိၤသးအဒီပုၢ်ဝဲၢ်ခွါတဖၣ်အသးက့ၣ်အီၤ, ဘၣ်ဆၣ်ဒီးအပၢ်ဆိကမိၣ်ထွဲဒံးတၢ်ဂ့ၢ်လၢအမၤအသးခဲလၢာ်န့ၣ် လီၤ.

လံာ်တၢ်ကဲထီၣ်အခီၣ်ထံး 38:9

ဘၣ်ဆၣ်စီၤအိၤနၣ်သ့ၣ်ညါတ့ၢ်ဝဲလၢဖိသၣ်တဖၣ်န့ၣ်တမ့ၢ်ကကဲထီၣ် အတၢ်ဘၣ်အဃိ, တုၤအမံဃုာ်ဒီးအဝဲၢ်အမါမုၣ်ကမဲတဘျီ လၢ်လၢ်န့ၣ်, အဝဲဒုးဟးထီၣ်ကွံာ်ပိာ်ခွါအချံအသၣ်ဆူတၢ်ချၢ, ဒ်သိးဖိသၣ်အသုတအိၣ်နီတဂၤလၢအဝဲၢ်အဂီၢ်တဂ့ၤန့ၣ်လီၤ.

လံာ်စီၤယိၤဘး 5:2

တၢ်မၤကိၢ်မၤဂီၤလီၤနသးတုၤနသံလၢတၢ်သူၣ်ဒိၣ်သးဖျိး အဃိန့ၣ်ကမ့ၢ်တၢ်မၢးဒီးတၢ်သးတဆးအတၢ်မၤလီၤ.

တၢ်ကတိၤဒိ. 14:30

သးအတၢ်ဃူတၢ်ဖိးန့ၣ်, ဟ့ၣ်နီၢ်ခိအတၢ်အိၣ်ဆူၣ်အိၣ်ချ့လီၤ. မ့မ့ၢ်တၢ်သူၣ်က့ၣ်သးကါန့ၣ်မၤအသးဒ်တၢ်ဆါအုၣ်လီၤသပှီၤအသိး န့ၣ်လီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

တၢ်ကတိၤဒိ. 6:34

အဂ့ၢ်ဒ်အံၤ, ဝၤတဂၤအတၢ်သးက့ၣ်ဒုးကဲၤထီၣ်အတၢ်သးဒိၣ်, ဒီးတုၤအဟ့ၣ်ကၣ်တၢ်န့ၣ်အတၢ်သးကညီၤတအိၣ်ဘၣ်.

လံာ်တၢ်သးဝံၣ်တဖၣ်အတၢ်သးဝံၣ် 8:6

အိးထီၣ်နသးလၢနကအဲၣ်ယၤထဲတဂၤဧိၤ, ဒီးဖိးဟုယၤထဲတဂၤဧိၤတက့ၢ်. တၢ်အဲၣ်န့ၣ်ဆူၣ်ထဲသိးဒီးတၢ်သံ, တၢ်အဲၣ်တၢ်ကွံအဂံၢ်အဘါဆူၣ်ဒ်တၢ်သံအနီၢ်ကစၢ်န့ၣ်လီၤ. ကပျီၤထီၣ်ဝဲဒ်မ့ၣ်အူလၣ်ဒီးအီၣ်တၢ်ဒ်မ့ၣ်အူလၢအသလၣ်လီၤအသး တပျုာ်တပျီၤအသိးန့ၣ်လီၤ.

လံာ်မးသဲ 27:18

အဝဲသ့ၣ်ညါထံဝဲလၢပှၤယူဒၤဖိအခိၣ်အနၢ်တဖၣ်ဟ့ၣ်လီၤယ့ၣ် ၡူးဆူအဝဲအစုပူၤ, မ့ၢ်ဒၣ်လၢတၢ်သးကါဘၣ်ယ့ၣ်ၡူးအဃိန့ၣ်လီၤ.

မၤတၢ် 17:5

ဘၣ်ဆၣ်ဒီးပှၤယူဒၤဖိသ့ၣ်တဖၣ်အသးက့ၣ်ဒီးပာ်ဖှိၣ်ထီၣ် ပှၤအၢပှၤသီလၢကျဲမုၢ်ခိၣ်တနီၤ, ဒီးဒုးအိၣ်ထီၣ်ပှၤဂီၢ်မုၢ်တဖုလၢအမၤတၢထီၣ်တၢလီၤဝ့ၢ်ဒီ ဖျၢၣ်ညါဒီးလဲၤနုာ်ဆူၣ်ဆူစီၤယါစီၣ်အဟံၣ်ပူၤ, ဒ်သိးအကထံၣ်န့ၢ်စီၤပီလူးဒီးစီၤစံလၤဒီးကဟဲစိာ်ထီၣ်အီၤ ဆူပှၤဂီၢ်မုၢ်အအိၣ်အဂီၢ်န့ၣ်လီၤ.

မၤတၢ် 5:17

အန့ၣ်ဒီး, ပှၤလုၢ်တၢ်အခိၣ်အဒိၣ်ကတၢၢ်တဂၤဒီးပှၤမၤသကိးတၢ်ဒီးအီၤ တဖၣ်လၢအမ့ၢ်ပှၤစးဒူၤကဲအကရၢဖိဘၣ်ဃးဒီးတၢ်လီၢ်ကဝီၤဖဲန့ၣ်, အသူၣ်က့ၣ်အသးကါဘၣ်ပှၤတၢ်မၢဖိတဖၣ်ဒိၣ်ဒိၣ်ကလဲာ်သတးဒီး, စံၣ်ညီၣ်တဲာ်သကိးဝဲလၢကမၤတၢ်တမံၤမံၤန့ၣ်လီၤ.

မၤတၢ် 7:9

ပၢ်ဖးဒိၣ်တဖၣ်န့ၣ်အသးက့ၣ်အဒီပုၢ်ဝဲၢ်စီၤယိၤသး, ဒီးဆါလီၤကွံာ်အီၤလၢအကကဲထီၣ်ကုၢ်လၢကီၢ်အဲၤကူပတူး အပူၤအဂီၢ်န့ၣ်လီၤ. ဘၣ်ဆၣ်ဒီးကစၢ်ယွၤအိၣ်ဒီးအီၤ,

ရိမ့ၤ 1:29

အဝဲသ့ၣ်လၢပှဲၤဝဲဒီးတၢ်လၢအအၢအသီအကလုာ် ကလုာ်, တၢ်အၢတၢ်သီ, တၢ်သူၣ်လီသးကွံဒီးတၢ်လုၢ်အၢလၢ်သီ တဖၣ်န့ၣ်လီၤ. အဝဲသ့ၣ်လၢပှဲၤဝဲဒီးတၢ်သူၣ်က့ၣ်သးကါ, တၢ်မၤသံပှၤကညီ, တၢ်အ့ၣ်လိာ်ဆိးက့, တၢ်လီတၢ်ဝ့ၤဒီးတၢ်ဆၢအၢဆၢသီတဖၣ်န့ၣ်လီၤ.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:9

မၤသးဒ်န့ၣ်ဒီး, စးထီၣ်လၢမုၢ်တနံၤန့ၣ်, အဝဲဒၣ်အသးက့ၣ်သးကါဒီးသးဒ့ဒီလၢစီၤဒၤဝံးအဖီခိၣ်န့ၣ်လီၤ.