တၢ်ကတိၤဒိ. 27:22 - Sgaw Karen Common Bible

²² နမ့ၢ်ဒိတီၢ်ပှၤအမၢးတဂၤတုၤအသံတယူာ်ဘၣ်အသးဒၣ်လဲာ်န့ၣ်, နဒိတီၢ်ထုးထီၣ်ကွံာ်အတၢ်မၢးလၢအပူၤတန့ၢ်ဒံးဘၣ်.

တၢ်ကတိၤဒိ. 27:22 Iomraidhean Croise

လံာ်စီၤပၤအခီၣ်ထံးတဘ့ၣ် 13:33

ကီၢ်အံၣ်စရ့လးအစီၤပၤစီၤယၤရၤဘၣ်တဃၣ်ကဒါက့ၤဒံးဘၣ်အသး လၢအကျဲအၢကျဲသီတဖၣ်န့ၣ်ဘၣ်. မ့မ့ၢ်မၤထွဲဒံးတၢ်ဃုထၢပှၤလုၢ်တၢ်အခိၣ်တဖၣ်လၢပှၤပတီၢ်မုၢ် အဒူၣ်ဖိထၢဖိတဖၣ်အကျါ, ဒ်သိးကမၤတၢ်လၢတၢ်လုၢ်လီၢ်တဖၣ်လၢအဝဲဘှီထီၣ်တ့ၢ်ဝဲန့ၣ် လီၤ. ပှၤတဂၤလၢ်လၢ်လၢအသးအိၣ်ကဲထီၣ်ပှၤလုၢ်တၢ်အခိၣ်န့ၣ်အဝဲပာ်စီ ဆှံထီၣ်ဝဲဒ်ပှၤလုၢ်တၢ်အခိၣ်တဂၤအသိးန့ၣ်လီၤ.

လံာ်တၢ်ဟးထီၣ်ကွံာ် 12:30

လၢမုၢ်နၤအဝဲန့ၣ်, စီၤပၤ, အဝဲအခ့အပှၤတဖၣ်ဒီးကယဲၢ်ပှၤအဲၤကူပတူးဖိခဲလၢာ်ဖုးပၢၢ်ထီၣ်ဝဲဒၣ်လီၤ. ဒီးတၢ်ဟီၣ်ကိးပသူဖးဒိၣ်အိၣ်ထီၣ်ဝဲဒၣ်လၢကီၢ်အဲၤကူပတူး ဒီဘ့ၣ်ညါအပူၤမ့ၢ်လၢဖိဝဲၢ်ကိတဖၣ်သံဝဲဒၣ်လၢဟံၣ်ကိးဖျၢၣ် ဒဲးအပူၤအဃိန့ၣ်လီၤ.

လံာ်တၢ်ဟးထီၣ်ကွံာ် 14:5

တုၤပှၤတဲဘၣ်ကီၢ်အဲၤကူပတူးအစီၤပၤလၢပှၤအံၣ်စရ့လးဖိ တဖၣ်ထူၣ်ဖျဲးကွံာ်လံန့ၣ်, အဝဲဒီးအပဒိၣ်ပပှၢ်တဖၣ်လဲလိာ်ကွံာ် အတၢ်ပာ်လီၤအသးဒီးစံးဝဲ, “ဘၣ်မနုၤလၢပမၤတၢ်အံၤလၢပပျဲထူၣ်ဖျဲးကွံာ်ပှၤအံၣ်စရ့လး ဖိလၢအမ့ၢ်ပကုၢ်န့ၣ်လဲၣ်.”

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

တၢ်ကတိၤဒိ. 14:24

ပှၤကူၣ်သ့တဖၣ်ဘၣ်တၢ်ဟ့ၣ်ဘျုးအီၤလၢတၢ်ထူးတၢ်တီၤလီၤ. မ့မ့ၢ်ပှၤဟးဂီၤဖိတဖၣ်ဘၣ်တၢ်သ့ၣ်ညါအီၤလၢအတၢ်ဟးဂီၤဒၣ်ဝဲ န့ၣ်လီၤ.

တၢ်ကတိၤဒိ. 23:35

နကစံး, “ယဘၣ်ဒိတ့ၢ်လၢတၢ်တမံၤမံၤလံ. ယဘၣ်တၢ်တီၢ်တ့ၢ်ယၤလံ. ဘၣ်ဆၣ်ယတသ့ၣ်နီၣ်ထီၣ်အီၤဘၣ်. ယပၢၢ်ထီၣ်က့ၤတသ့န့ၣ်မ့ၢ်အဘၣ်မနုၤလဲၣ်. ယအဲၣ်ဒိးအီအသီတလီခီလီၤ.”

တၢ်ကတိၤဒိ. 26:11

ပှၤအမၢးတဂၤလၢအမၤကဒီးတၢ်ဟးဂီၤအတၢ်မၤခံစုတစုတစုန့ၣ်, လီၤဂာ်ဒ်ထွံၣ်တဒုက့ၤကဒါက့ၤဆူအတၢ်ဘှိးအသိးန့ၣ်လီၤ.

လံာ်ယၡါယၤ 1:5

ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.

လံာ်ယံးရမံယၤ 13:23

ပှၤသူဖံးဖိတဂၤလဲလိာ်ကွံာ်အဖံးအလွဲၢ်မ့ၢ်ဂ့ၤ, ခ့စံၣ်ပိၣ်တဒုသုးကွံာ် အဖံးအကံၣ်ဃ့အဖျၢၣ်မ့ၢ်ဂ့ၤဘၣ်ကသ့ဧါ. အဝဲသ့ၣ်မၤဝဲမ့ၢ်သ့ဒီး နဲဒၣ်လၢအမၤထဲတၢ်အၢဒီးတမၤတၢ်အဂၤနီတမံၤဘၣ်န့ၣ်, မၤလိမၤတၢ်အဘၣ်ကသ့စ့ၢ်ကီးလီၤ.

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 19:21

ဖဲစီၤစီလူးနၢ်ဟူတၢ်အံၤန့ၣ်, အဝဲဆှၢလီၤအါထီၣ်ပှၤစိာ်တၢ် ကစီၣ်လီၤ. အဝဲသ့ၣ်စ့ၢ်ကီးစးထီၣ်ဂဲၤကလံာ်ဒီးကိးပသူဝဲလီၤ. အဝဲဆှၢလီၤပှၤစိာ်တၢ်ကစီၣ်သၢဘျီတဘျီ, ဒီးတၢ်တမံၤဃီမၤအသးဒီးအဝဲသ့ၣ်န့ၣ်လီၤ.