တၢ်ကတိၤဒိ. 27:21 - Sgaw Karen Common Bible

²¹ ထူဒီးစ့ဘၣ်တၢ်မၤကွၢ်အီၤလၢမ့ၣ်အူလီၤ. ပှၤကညီတဂၤအမံၤဂ့ၤသၣ်ဂ့ၤဘၣ်တၢ်မၤကွၢ်အီၤသ့စ့ၢ်ကီးန့ၣ်လီၤ.

တၢ်ကတိၤဒိ. 27:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:25

လၢကီၢ်အံၣ်စရ့လးအပူၤန့ၣ် ပှၤတအိၣ်ဝဲနီတဂၤလၢအမံၤကဟူသၣ်ကဖျါဝဲလၢအဒိၣ်တၢ်ဂ့ၤအဃိဒ်သိးစီၤအးဘၡါလိၣ်န့ၣ်ဘၣ်. စးထီၣ်လၢအခိၣ်တုၤလီၤလၢအခီၣ်န့ၣ် နီၢ်ခိအတၢ်လီၤတူာ်လီၤကာ်တအိၣ်နီတမံၤဘၣ်.

လံာ်စီၤယိၤဘး 28:1

စ့အပူၤတဖၣ်အိၣ်ဝဲလၢစ့ကဘၣ်တၢ်ခူၣ်ထုးထီၣ်အီၤအဂီၢ်, ဒီးတၢ်လီၢ်တဖၣ်လၢထူဘၣ်တၢ်ပှံၢ်အီၤအဂီၢ်အိၣ်ဝဲဒၣ်န့ၣ်လီၤ.

စံးထီၣ်ပတြၢၤ 12:6

ယွၤအတၢ်အၢၣ်လီၤတဖၣ်တၢ်နာ်န့ၢ်အီၤသ့, ကဆှီဝဲဒ်စ့လၢအဘၣ်တၢ်ပှံၢ်ကဆှီထီၣ်အီၤ နွံဘျီလၢမ့ၣ်အူပူၤအသိးန့ၣ်လီၤ.

စံးထီၣ်ပတြၢၤ 66:10

ကစၢ်ယွၤဧၢ, အဂ့ၢ်ဒ်အံၤ, နမၤကွၢ်တ့ၢ်လံပှၤလံ. နမၤပှံၢ်တ့ၢ်လံပှၤ ဒ်စ့ ဘၣ်တၢ်မၤပှံၢ်အီၤအသိးန့ၣ်လီၤ.

တၢ်ကတိၤဒိ. 17:3

ထူဒီးစ့ဘၣ်တၢ်မၤကွၢ်အီၤလၢမ့ၣ်အူဒီးပှၤကညီတဂၤအသးန့ၣ် ဘၣ်တၢ်မၤကွၢ်အီၤလၢယွၤလီၤ.

လံာ်စကၤရယၤ 13:9

ဒီးယကမၤကွၢ်ပှၤသၢပူတပူလၢအအိၣ်လီၤတဲာ်ဒီးမၤကဆှီ အဝဲသ့ၣ်ဒ်စ့ဘၣ်တၢ်မၤကဆှီအီၤလၢမ့ၣ်အူအသိးန့ၣ်လီၤ. ယကမၤကွၢ်အဝဲသ့ၣ်ဒ်ထူဘၣ်တၢ်မၤကွၢ်အီၤအသိးန့ၣ်လီၤ. အန့ၣ်ဒီးအဝဲသ့ၣ်ကဘါထုကဖၣ်တၢ်ဆူ ယအိၣ်ဒီးယကစံးဆၢအဝဲသ့ၣ်လီၤ. ယကတဲဘၣ်အဝဲသ့ၣ်လၢမ့ၢ်ယပှၤဂီၢ်မုၢ်, ဒီးအဝဲသ့ၣ်ကအၢၣ်လီၤလၢယမ့ၢ်အဝဲသ့ၣ်အကစၢ်ယွၤန့ၣ်လီၤ.”

လံာ်မၤလကံ 3:3

ဒီးကဟဲဝဲဒ်သိးကစံၣ်ညီၣ်တၢ်လီၤဂာ်ဒီးပှၤတဂၤလၢအမၤ စီဒီးမၤကဆှီထီၣ်စ့န့ၣ်လီၤ. ဒ်ပှၤသိတၢ်ဖိတဂၤမၤကဆှီထီၣ်စ့ ဒီးထူအသိးန့ၣ်, ယွၤအပှၤစိာ်တၢ်ကစီၣ်ကမၤကဆှီထီၣ်ပှၤလုၢ်တၢ် အခိၣ်တဖၣ်, ဒ်သိးအဝဲသ့ၣ်ကဟဲစိာ်တၢ်လုၢ်လၢအဘၣ် ဆူယွၤအအိၣ်န့ၣ်လီၤ.

လံာ်လူၤကၣ် 6:26

“တုၤပှၤကိးဂၤဒဲးကတိၤဂ့ၤသုန့ၣ်, သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, အဝဲသ့ၣ်အပၢ်တဖၣ်စံးဘၣ်တ့ၢ်ဝံအဘျၣ်တဖၣ် လၢတၢ်တမံၤဃီန့ၣ်လီၤ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 4:12

ယတံၤသကိးသးဘိသ့ၣ်ဧၢ, တဘၣ်ကမၢကမၣ်လၢသုတူၢ်ဘၣ်တၢ်မၤကွၢ်လၢအဘၣ် သုဆါဒ်အမ့ၢ်တၢ်လၢအလီၤဆီတမံၤဟဲဘၣ်သုအသိးန့ၣ် တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 18:30

ပှၤဖလ့ၡသးဖိအသုးမုၢ်တဖၣ်ဟဲဒီးဒုးတၢ်, ဘၣ်ဆၣ်ဒီး, လၢတၢ်ဒုးကိးဘျီအပူၤန့ၣ်စီၤဒၤဝံးမၤန့ၢ်မၤနၢၤတၢ်အါန့ၢ်ဒိၣ်န့ၢ်ဒံး စီၤစီလူးအသုးခိၣ်သုးနၢ်အဂၤတဖၣ်တက့ၢ်န့ၣ် လီၤ. လၢတၢ်န့ၣ်အဃိစီၤဒၤဝံးအမံၤဟူထီသါလီၤဒိၣ်ဒိၣ်ကလဲာ်လီၤ.