တၢ်ကတိၤဒိ. 27:2 - Sgaw Karen Common Bible

² ပျဲပှၤဂၤစံးထီၣ်ပတြၢၤနၤတက့ၢ်, ပျဲပှၤသမှံၤဒၣ်လဲာ်စံး ထီၣ်ပတြၢၤနၤတက့ၢ်. စံးထီၣ်ပတြၢၤလီၤနသးဒၣ်နဲနီတစုတဂ့ၤ.

တၢ်ကတိၤဒိ. 27:2 Iomraidhean Croise

လံာ်စီၤပၤခံဘ့ၣ်တဘ့ၣ် 10:16

ဒီးစံးဝဲ, “ဟဲပိာ်ယခံဒီးကွၢ်လၢနကစၢ်ဒၣ်နဲလၢမ့ၢ်ယတီ ဒီးယွၤထဲလဲၣ်န့ၣ်တက့ၢ်.” ဒီးအဝဲသ့ၣ်လဲၤဒိးသကိးလ့ၣ်ကဟၣ်ဆူဝ့ၢ်ၡၤမရံန့ၣ်လီၤ.

တၢ်ကတိၤဒိ. 20:6

ပှၤကိးဂၤကတိၤတၢ်ဘၣ်ဃးအဝဲမ့ၢ်ပှၤအသးတီဒီးတၢ်နာ်န့ၢ်အီၤ သ့ထဲလဲၣ်ထဲလဲၣ်အဂ့ၢ်လီၤ. ဘၣ်ဆၣ်ကျဲးစၢးဃုကွၢ်ဒၣ်ကလိာ်ပှၤတဂၤဂၤလၢအမ့ၢ်တၢ်ဒ်အစံးဝဲ အံၤအသိးန့ၣ်တက့ၢ်.

တၢ်ကတိၤဒိ. 25:27

ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.

တၢ်ကတိၤဒိ. 27:3

လၢၢ်ဧိၤလ့ဧိၤဒီးမဲးဧိၤဟီၣ်ဧိၤအတၢ်ဃၢတၢ်စုာ်န့ၣ်တုၤအဘၣ် တၢ်ထိၣ်သတြီၤအီၤဒီးတၢ်ကိၢ်တၢ်ဂီၤလၢတၢ်သူၣ်တထံသးတဆးဒုး အိၣ်ထီၣ်သ့န့ၣ်, တမ့ၢ်တၢ်နီတမံၤဘၣ်.

၂ ကရံၣ်သူး 10:12

သပှၢ်ကတၢၢ်, တမ့ၢ်ပကအိၣ်ဒီးတၢ်သးဒူလၢပကပာ်လီၤပသး တပူၤဃီမ့တမ့ၢ်, ထိၣ်သတြီၤပသးဒီးပှၤလၢအပာ်ဖျါထီၣ်ထီ အသးဒိၣ်ဒိၣ်ကလဲာ်တဖၣ်န့ၣ်ဘၣ်. အဝဲသ့ၣ်အီပံာ်အီပီမးဆံးဒိၣ်လဲၣ်. အဝဲသ့ၣ်ဒုးအိၣ်ထီၣ်အနီၣ်ထိၣ်ဒၣ်ဝဲလၢအကထိၣ်လီၤဒွးလီၤအသး အဂီၢ်, ဒီးစံၣ်ညီၣ်လီၤက့ၤအသးလၢအနီၢ်ကစၢ်ဒၣ်ဝဲအနီၣ်ထိၣ် တဖၣ်န့ၣ်လီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.