တၢ်ကတိၤဒိ. 27:18 - Sgaw Karen Common Bible

¹⁸ အံးထွဲကွၢ်ထွဲချၢၣ်ဒၢတထူၣ်ဒီးနကအိၣ်ဒီးချၢၣ်ဒၢအသၣ်တဖၣ် လၢတၢ်အီၣ်အဂီၢ်လီၤ. တၢ်ခ့တၢ်ပှၤတဂၤလၢအကွၢ်ထွဲဒီးမၤစၢၤအကစၢ်န့ၣ်ကဒိးဘၣ်တၢ် မၤလၤမၤကပီၤအီၤလီၤ.

တၢ်ကတိၤဒိ. 27:18 Iomraidhean Croise

လံာ်စီၤပၤခံဘ့ၣ်တဘ့ၣ် 18:31

ဒိကနၣ်စီၤဃံးစက့ယၤအကလုၢ်တဂ့ၤ. ကီၢ်အၤၡူၢ်အစီၤပၤဖး ဒိၣ်ဟ့ၣ်လီၤအကလုၢ်ဆူသုအိၣ်လၢသုကဟဲထီၣ်လၢဝ့ၢ်ပူၤဒီးဟ့ၣ် လီၤသုသးန့ၣ်လီၤ. သုဝဲခဲလၢာ်တၢ်ကပျဲအီၣ်သုလၢသုစပံးမုၢ်ဒၣ်ဝဲအစပံးသၣ်တဖၣ်, သုသ့ၣ်ထူၣ်ဒၣ်ဝဲအချၢၣ်ဒၢသၣ်တဖၣ်ဒီးအီဘၣ်ထံလၢသုထံပူၤ ဒၣ်ဝဲ,

လံာ်စီၤပၤခံဘ့ၣ်တဘ့ၣ် 3:11

စီၤပၤယဟိၡၤဖးသံကွၢ်ဝဲဒၣ်, “ဖဲအံၤ, မ့ၢ်ဝံအိၣ်ဝဲတဂၤဂၤလၢပကသံကွၢ်တၢ်ဆူယွၤခီဖျိအီၤန့ၣ် ဧါ.” စီၤပၤယဟိရၣ်အသုးမုၢ်အသုးခိၣ်တဂၤစံးဆၢဝဲဒၣ်, “စီၤၡၤဖးအဖိခွါစီၤအလံၤၡါအိၣ်ဖဲအံၤလီၤ. အဝဲမ့ၢ်စီၤအ့ၤလံယၤအပှၤမၤစၢၤတၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:25

စီၤက့ၤဃစံက့ၤနုာ်ကဒါက့ၤဆူဟံၣ်ပူၤဒီးစီၤအလံၤၡါသံ ကွၢ်အီၤ, “နလဲၤဖဲလဲၣ်.” အဝဲစံးဆၢဝဲ, “အိ, တၢ်ဒိၣ်ဧၢ, ယတလဲၤတၢ်နီတပူၤဘၣ်.”

လံာ်စီၤပၤခံဘ့ၣ်တဘ့ၣ် 5:27

ခဲကနံၣ်အံၤစီၤနဧၤမၣ်အတၢ်ဆါကလီၤဘၣ်လၢနလိၤဒီး, နၤဒီးနစၢၤနသွဲၣ်တဖၣ်ကအိၣ်ဒီးတၢ်ဆါအံၤလီၤစိၤလီၤထီန့ၣ် လီၤ.” တုၤစီၤက့ၤဃစံဟးထီၣ်ကွံာ်န့ၣ်အဝဲမၤန့ၢ်တၢ်ဆါဒီးအဖံးဝါ ဝဲဒ်မူခိၣ်ဖီအသိးန့ၣ်လီၤ.

လံာ်နီၢ်အ့ၤစတၢ် 6:11

လၢတၢ်န့ၣ်အဃိစီၤဟၤမၣ်လဲၤဟံးန့ၢ်ဆ့ကၤဖးထီတဖၣ်ဒီးကသ့ၣ်, ဒီးဒုးကူထီၣ်သိးထီၣ်စီၤမၢ်ဒကဲၤလၢဆ့ကၤဖးထီန့ၣ်လီၤ. စီၤမၢ်ဒကဲၤဒိးထီၣ်ကသ့ၣ်ဒီးစီၤဟၤမၣ်ဆှၢအီၤလၢဝ့ၢ်အကျဲ ဧိၤကပူၤဧိၤတဖၣ်ဒီးကိးထီၣ်ဝဲဆူပှၤဂီၢ်မုၢ်, “ကွၢ်စီၤပၤမၤဘျုးပှၤတဂၤလၢအဝဲအဲၣ်ဒိးမၤလၤကပီၤဝဲဒ်လဲၣ် န့ၣ်တက့ၢ်.”

စံးထီၣ်ပတြၢၤ 123:2

ကွၢ်ကွၢ်, ဒ်ကုၢ်ပိာ်ခွါအမဲာ်ကွၢ်တၢ်ဆူ အကစၢ်အစုအသိးဒီး ဒ်အခ့အပှၤပိာ်မုၣ်အမဲာ်ကွၢ်တၢ်ဆူ အကစၢ်မုၣ်အစုအသိးန့ၣ်, ပမဲာ်ကွၢ်တၢ်ဆူယွၤပကစၢ်အအိၣ်တုၤ အသူၣ်ကညီၤသးကညီၤပှၤတစုလီၤ.

လံာ်တၢ်ဟးထီၣ်ကွံာ် 24:13

စီၤမိၤၡ့ဒီးအပှၤမၤစၢၤအီၤစီၤယိၤၡူကတဲာ်ကတီၤအသးဒီး စီၤမိၤၡ့စးထီၣ်လဲၤထီၣ်ဆူကစၢၢ်စီဆှံအလိၤန့ၣ်လီၤ.

တၢ်ကတိၤဒိ. 17:2

ကုၢ်လၢအအိၣ်ဒီးတၢ်ကူၣ်တၢ်ဆးတဂၤန့ၣ်ကမၤန့ၢ်တၢ်စိတၢ်ကမီၤ လၢအကစၢ်အဖိခွါလၢတဂိာ်တသီၣ်ဘၣ်တဂၤအဖီခိၣ်ဒီးဒိး န့ၢ်တၢ်န့ၢ်သါတနီၤလီၤ.

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

တၢ်ကတိၤဒိ. 27:17

ဒ်ထးကျ့အ့ၣ်အသးအသိးန့ၣ်, ပှၤမၤလိန့ၢ်တၢ်လၢတဂၤဒီးတဂၤ အအိၣ်လီၤ.

တၢ်ကတိၤဒိ. 27:19

ဒ်နကွၢ်လီၤထံဒီးနထံၣ်က့ၤနမဲာ်သၣ်ဒၣ်နဲအသိးန့ၣ်, တၢ်လၢနထံၣ်အီၤလၢနသးပူၤန့ၣ်, မ့ၢ်နကစၢ်ဒၣ်နဲလီၤ.

လံာ်တၢ်သးဝံၣ်တဖၣ်အတၢ်သးဝံၣ် 8:12

စီၤပၤၡလိၤမိၤဒိးန့ၢ်ဘၣ်အစ့အဘ့ၣ်တကထိ, ဒီးပှၤထူစံာ်ဖိတဖၣ်မၤန့ၢ်ဝဲခံကယၤစုာ်စုာ်ဒ် အတၢ်နီၤဟ့ၣ်အသိးလီၤ. မ့မ့ၢ်ယဲယအိၣ်ဒီးယကစၢ်ဒၣ်ယဲအစပံးလီၢ် တလီၢ်န့ၣ်လီၤ.

လံာ်ယၡါယၤ 36:16

ဒိကနၣ်စီၤပၤဃံးစကံယၤတဂ့ၤ. ကီၢ်အၤၡူၢ်အစီၤပၤဖးဒိၣ် ဟ့ၣ်လီၤအကလုၢ်လၢသုကဟဲထီၣ်လၢဝ့ၢ်အပူၤဒီးဟ့ၣ်လီၤသုသး န့ၣ်လီၤ. သုဝဲခဲလၢာ်တၢ်ကပျဲသုအီၣ်စပံးသၣ်တဖၣ်လၢသုစပံးလီၢ်ဒၣ်ဝဲ ဒီးချၢၣ်ဒၢသၣ်တဖၣ်လၢသုချၢၣ်ဒၢအထူၣ်ဒၣ်ဝဲ, ဒီးသုကအီထံလၢသုထံပူၤဒၣ်ဝဲတဖၣ်,

လံာ်မးသဲ 24:25

ကနၣ်တက့ၢ်. ယတဲဆိပာ်စၢၤသုလၢတၢ်တချုးမၤအသးဒံးဘၣ်န့ၣ်လီၤ.

လံာ်မးသဲ 24:46

တၢ်အခ့အပှၤလၢအကစၢ်ဟဲက့ၤဒီးထံၣ်ဘၣ်အမၤဝဲဒ် တၢ်မၢတ့ၢ်အီၤအသိးတဂၤန့ၣ်, ဘၣ်ဆိၣ်ဂ့ၤနီၢ်နီၢ်လီၤ.

လံာ်မၢ်ကူး 10:43

သနာ်က့ဒီးလၢသုဝဲသ့ၣ်တဖၣ်အသိးအကျါန့ၣ်, တဘၣ်မ့ၢ်တၢ်ဒ်န့ၣ်အသိးဘၣ်. မ့မ့ၢ်ပှၤတဂၤဂၤမ့ၢ်အဲၣ်ဒိးကဲပှၤအဒိၣ်လၢသုကျါဒီး, ကဘၣ်ကဲလၢသုခ့သုပှၤ,

လံာ်လူၤကၣ် 12:37

တၢ်ခ့တၢ်ပှၤ, လၢအကစၢ်ထံၣ်လၢအဆိးသီဒီးအိၣ်ကတဲာ်ကတီၤအသးဖဲ အဝဲဒၣ်ဟဲက့ၤန့ၣ်, ဘၣ်ဆိၣ်ဂ့ၤဝဲလီၤ. ယစံးဘၣ်သု, အဝဲဒၣ်ကစၢဃံးထီၣ်အယီၢ်တကိး, ဒုးဆ့ၣ်နီၤအဝဲသ့ၣ်, ဒီးကမၤအခ့အပှၤအတၢ်မၤလၢအဝဲသ့ၣ်အဂီၢ်လီၤ.

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

လံာ်လူၤကၣ် 19:17

‘နမၤတၢ်ဂ့ၤမးလီၤ,’ အဝဲဒၣ်စံးဘၣ်အီၤ, ‘နမ့ၢ်တၢ်ခ့တၢ်ပှၤလၢအဂ့ၤတဂၤလီၤ. မ့ၢ်လၢနသးတီနဲလၢတၢ်ဂ့ၢ်အဆံးတဖၣ်အပူၤအဃိ, ယကဟ့ၣ်နၤတၢ်စိတၢ်ကမီၤလၢနကပၢဝ့ၢ်အဖျၢၣ်တဆံန့ၣ်လီၤ.’

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

မၤတၢ် 10:7

ဖဲကလူးလၢအကတိၤတၢ်တဂၤဟးထီၣ်ကွံာ်ဝံၤအလီၢ်ခံန့ၣ်, စီၤကန့လံးကိးထီၣ်အခ့အပှၤလၢအမၤတၢ်လၢအဟံၣ်အကျါခံဂၤ ဒီးသုးဖိတဂၤလၢအယူးယီၣ်ဒီးပျံၤယွၤဒီးမ့ၢ်ပှၤမၤတၢ်လၢ အဂီၢ်ထီဘိအကျါတဂၤန့ၣ်လီၤ.

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

1 ကရံၣ်သူး 9:13

သုကသ့ၣ်ညါကစီဒီလီၤ. ပှၤလၢအမၤတၢ်လၢတၢ်လုၢ်ဟံၣ်အပူၤ တဖၣ်ဒိးန့ၢ်ဘၣ်အတၢ်အီၣ်လၢတၢ်လုၢ်ဟံၣ်အပူၤ, ဒီးပှၤလၢအလုၢ်ထီၣ်တၢ်လုၢ်တၢ်ပာ်လၢတၢ်လုၢ်လီၢ်တဖၣ် ဒိးန့ၢ်ဘၣ်တၢ်နီၤဟ့ၣ်အီၤလၢတၢ်လုၢ်တၢ်ပာ်တဖၣ်န့ၣ်လီၤ.

1 ကရံၣ်သူး 9:7

မ့ၢ်သုးဖိတဂၤဂၤဟ့ၣ်ဘၣ်အတၢ်လၢာ်ဘူၣ်လၢာ်စ့ၤလၢအနီၢ်ကစၢ်ဒၣ်ဝဲအဂီၢ် ဖဲအိၣ်လၢသုးပူၤအဆၢကတီၢ်န့ၣ်တစုစုဧါ. ပှၤသူၣ်တၢ်ဖျးတၢ်ဖိမတၤတဂၤလၢအတအီၣ်စပံးသၣ်လၢ အစပံးလီၢ်ဒၣ်ဝဲအပူၤန့ၣ်လဲၣ်. ပှၤကွၢ်သိမတၤတဂၤလၢအတသူ တၢ်နုၢ်ထံလၢအသိဒၣ်ဝဲအကျါန့ၣ်လဲၣ်.

ကလီးစဲ 3:22

ကုၢ်သ့ၣ်ဧၢ, စူၢ်သုကစၢ်တဖၣ်လၢတၢ်ခဲလၢာ်အပူၤ, တမ့ၢ်ဘၣ်ထဲလၢအဝဲသ့ၣ်အမဲာ်ညါလၢအကထံၣ်ဝဲဒီးဘၣ် သူၣ်ဘၣ်သးဝဲအဂီၢ်န့ၣ်ဧိၤဘၣ်. မ့မ့ၢ်မၤသုဝဲလၢတၢ်သူၣ်တီသးရၤဒီးတၢ်ယူးယီၣ်ကစၢ် အပူၤတက့ၢ်.

၂ တံၤမသ့း 2:6

ပှၤထူစံာ်ဖိလၢအမၤတၢ်ဆူၣ်တဂၤန့ၣ်, ကြၢးဒိးန့ၢ်ဘၣ်တၤသူတၤသၣ်အဆိကတၢၢ်တဖၣ် န့ၣ်လီၤ.

၁ ပ့းတရူး 2:18

သုဝဲတၢ်ခ့တၢ်ပှၤတဖၣ်သုကဘၣ်ဆီၣ်လီၤသုသးလၢသု ကစၢ်တဖၣ်အဖီလာ်ဒီးဒုးနဲၣ်အဝဲသ့ၣ်သုတၢ်ယူးယီၣ်ပာ်ကဲအီၤ အလၢအပှဲၤ, တမ့ၢ်ထဲပှၤလၢအသးကညီၤတၢ်ဒီးကွၢ်တၢ်လၢ သုဂီၢ်ဧိၤဘၣ်, မ့မ့ၢ်ပှၤလၢအအၢသီကီခဲတဖၣ်စ့ၢ်ကီးတက့ၢ်.

၁ ပ့းတရူး 2:21

ကစၢ်ယွၤကိးထီၣ်သုလၢတၢ်အံၤအဂီၢ်, အဂ့ၢ်ဒ်လဲၣ်န့ၣ်ခရံာ်အကစၢ်ဒၣ်ဝဲတူၢ်တ့ၢ်တၢ်လၢသုဂီၢ်, ဒီးပာ်တီၢ်န့ၢ်သုတၢ်အဒိအတဲာ်ဒ်သိးသုကယီၢ်အခီၣ်လီၢ် တဖၣ်အဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.