တၢ်ကတိၤဒိ. 27:12 - Sgaw Karen Common Bible

¹² ပှၤလၢအအိၣ်ဒီးတၢ်သူၣ်ဆးသးဆးန့ၣ်, ကထံၣ်ဆိတၢ်ကိၢ်တၢ်ဂီၤဟဲဝဲဒီးပဒ့ၣ်အီၤလီၤ. မ့မ့ၢ်, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်ဝဲဆူအပူၤလိၤ လိၤဒီးကပီၢ်ယၢ်လီၤက့ၤအသးလၢခံလီၤ.

တၢ်ကတိၤဒိ. 27:12 Iomraidhean Croise

တၢ်ကတိၤဒိ. 18:10

ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ.

တၢ်ကတိၤဒိ. 22:3

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

တၢ်ကတိၤဒိ. 27:11

ယဖိခွါဧၢ, ကူၣ်တၢ်သ့တက့ၢ်ဒီးယကသူၣ်ခုသးခုယဲလီၤ. ဒီးယကအိၣ်ဒီးတၢ်စံးဆၢလၢပှၤတဂၤလၢ်လၢ်လၢအဒုၣ်ဒွဲၣ် ယၤန့ၣ်လီၤ.

တၢ်ကတိၤဒိ. 27:13

ပှၤတဂၤလၢ်လၢ်လၢအသးတဆးတုၤဒၣ်လဲာ်အအုၣ်ကီၤအသးလၢ ကဟံးန့ၢ်မူဒါလၢပှၤလၢအတသ့ၣ်ညါဝဲတဂၤအဒ့ၣ်ကမၣ်အဂီၢ်န့ၣ်, ကြၢးတၢ်ဟံးဃာ်အတၢ်စုလီၢ်ခီၣ်ခိၣ်ဒၣ်ဝဲတဖၣ်ဒ်တၢ်အုၣ်ကီၤ အသိးလၢတၢ်ကဟ့ၣ်က့ၤဒ့ၣ်ကမၣ်အဂီၢ်န့ၣ်လီၤ.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

၂ ပ့းတရူး 3:7

ဘၣ်ဆၣ်ဒီးဟီၣ်ခိၣ်ဒီးမူခိၣ်လၢအအိၣ်ခဲအံၤတဖၣ်ဘၣ် တၢ်ပာ်ကီၤအီၤလၢကစၢ်ယွၤအကလုၢ်တမံၤဃီ, ဒ်သိးတၢ်ကမၤဟးဂီၤအီၤလၢမ့ၣ်အူအဂီၢ်န့ၣ်လီၤ. တၢ်ပာ်ဃာ်ဒံးအီၤလၢမုၢ်စံၣ်ညီၣ်အနံၤအဂီၢ်, ဖဲပှၤ တယူးတယီၣ်ယွၤတဖၣ်ကဘၣ်တၢ်စံၣ်ညီၣ်ဒီးမၤဟးဂီၤ အီၤန့ၣ်လီၤ.