တၢ်ကတိၤဒိ. 27:10 - Sgaw Karen Common Bible

¹⁰ သးပ့ၤနီၣ်နတံၤသကိးတဖၣ်ဒီးနပၢ်အတံၤသကိးတဖၣ်တဂ့ၤ. နမ့ၢ်အိၣ်လၢတၢ်ကိၢ်တၢ်ဂီၤအပူၤဒီးဃ့နဒီပုၢ်ဝဲၢ်အတၢ်မၤစၢၤ တဂ့ၤ. ပှၤလၢနဃၢၤလၢအအိၣ်ဘူးဒီးနၤတဂၤမၤစၢၤနၤက သ့အါန့ၢ်ဒံးနဒီပုၢ်ဝဲၢ်လၢအအိၣ်ယံၤတဂၤတက့ၢ်န့ၣ်လီၤ.

တၢ်ကတိၤဒိ. 27:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 19:24

ဒီးစီၤစီလူးအလံၤခွါစီၤမဖံဘိၤၡ့း ဟဲလီၤဝဲဒ်သိးကသဂၢၢ်စီၤပၤန့ၣ်လီၤ. အဝဲတသ့ဘၣ်အခီၣ်, တတံာ်ဃူဘၣ်အခၣ်ဆူၣ်ဒီးတဆှူၣ်ဘၣ်အကူအသိးတဖၣ် စးထီၣ်လၢစီၤပၤဟးထီၣ်လၢဝ့ၢ်ယရူၤၡလ့ၣ်အမုၢ်တနံၤန့ၣ် တုၤအဟဲက့ၤတုၤအိၣ်ဒီးတၢ်မၤနၢၤတစုန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 19:28

ကယဲၢ်ယပၢ်အဒူၣ်ဖိထၢဖိခဲလၢာ်ကြၢးလၢ အဘၣ်တၢ်မၤသံကွံာ်အီၤလၢနဲဒၣ်တၢ်ဒိၣ်ကစၢ်စီၤပၤဘၣ်ဆၣ်ဒီး, နဟ့ၣ်လံယၤတၢ်ခွဲးတၢ်ယာ်လၢယကအီၣ်တၢ်လၢနစီၢ်နီၤခိၣ်လီၤ. တကြၢးလၢၤလၢယကဃ့အါထီၣ်တၢ်ကွၢ်မဲာ်လၢနဲဒၣ် တၢ်ဒိၣ်ကစၢ်စီၤပၤအအိၣ်နီတမံၤဘၣ်.”

လံာ်စီၤၡမူၤအ့လးခံဘ့ၣ်တဘ့ၣ် 21:7

ဘၣ်ဆၣ်ဒီးမ့ၢ်လၢတၢ်အၢၣ်လီၤစီဆှံလၢအဝဲဒီးစီၤယိနၤသၣ် မၤတ့ၢ်ဝဲလၢတဂၤဒီးတဂၤအဘၢၣ်စၢၤအဃိ, စီၤဒၤဝံးပျဲပူၤဖျဲးစီၤမဖံၤဘိၤၡ့း, လၢအမ့ၢ်စီၤစီလူးအလံၤခွါစီၤယိနၤသၣ်အဖိခွါန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:22

စီၤပၤသးပ့ၤနီၣ်ကွံာ်စီၤစကၤရယၤအပၢ်စီၤယဟိယဒါအတၢ်သးတီ အတၢ်မၤလၢအဟ့ၣ်တ့ၢ်အီၤ, ဒီးမၢပှၤမၤသံကွံာ်စီၤစကၤရယၤန့ၣ်လီၤ. ဖဲစီၤစကၤရယၤကသံအဆၢန့ၣ်, အဝဲကိးထီၣ်ဝဲ, “မ်ယွၤထံၣ်တၢ်လၢနမၤအီၤဒီးစံၣ်ညီၣ်နၤတ က့ၢ်.”

တၢ်ကတိၤဒိ. 17:17

တံၤသကိးတဖၣ်ဒုးနဲၣ်အတၢ်အဲၣ်တၢ်ကွံထီဘိလီၤ. မ့တမ့ၢ်လၢတၢ်နီၤတူၢ်သကိးတၢ်ကီတၢ်ခဲဘၣ်ဒီးဒီပုၢ်ဝဲၢ်တဖၣ် အိၣ်လၢမနုၤအဂီၢ်လဲၣ်.

တၢ်ကတိၤဒိ. 18:24

တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.

တၢ်ကတိၤဒိ. 19:7

ပှၤဖှီၣ်ဖိယာ်ဖိတဂၤအဒီပုၢ်ဝဲၢ်တဖၣ်ဒၣ်လဲာ်သးဟ့အီၤလီၤ. အတံၤသကိးတဖၣ်ဟးယံၤဒီးအီၤန့ၣ်တလီၤကမၢကမၣ်ဘၣ်. ကျဲးစၢးဝဲဆူၣ်ထဲလဲၣ်ထဲလဲၣ်ဘၣ်ဆၣ်မၤအဝဲသ့ၣ်တန့ၢ်နီတဂၤဘၣ်.

လံာ်ယံးရမံယၤ 2:5

ယွၤစံးဝဲ, “သုမိၢ်ပၢ်ဖံဖုလၢပျၢၤတဖၣ်ပာ်တၢ်ကမၣ်ထီဒါ ယၤလၢမနုၤတမံၤအဃိန့ၣ်လဲၣ်. တၢ်မနုၤဒုးဃၣ်ကွံာ်အဝဲသ့ၣ်အသးလၢယၤန့ၣ်လဲၣ်. အဝဲသ့ၣ်ဘူၣ်ထီၣ်ဘါထီၣ်တ့ၢ်တၢ်ဂီၤတၢ်ဖှီၣ်လၢအမ့ၢ်တၢ် ကလီကလီတဖၣ် ဒီးအဝဲသ့ၣ်အကစၢ်ဒၣ်ဝဲကဲထီၣ်ပှၤကလီကလီတဖၣ်န့ၣ်လီၤ.

မၤတၢ် 23:12

မုၢ်ဆ့ၣ်ထီၣ်တနံၤန့ၣ်, ပှၤယူဒၤဖိတနီၤပာ်ဖှိၣ်ထီၣ်သကိးအသးဒီးကူၣ်ထီၣ်ဖးလီၤ တၢ်တမံၤလီၤ. အဝဲသ့ၣ်ဆိၣ်လီၤအသးလၢမ့ၢ်တမၤသံဘၣ်စီၤပီလူးဘၣ်ဒီး တအီၣ်တၢ်အီတၢ်နီတမံၤဘၣ်လီၤ.

လံာ်သိၣ်လီၤသီလီၤတၢ် 22:1

သုမ့ၢ်ထံၣ်ဘၣ်သုပှၤအံၣ်စရ့လးဖိကဒဲကဒဲတဂၤအဂီၤဖံးမ့တ မ့ၢ်, သိမ့ၢ်ဂ့ၤထူၣ်ဖျဲးကွံာ်ဒီး, ကွၢ်ကပာ်ကွံာ်အီၤတဂ့ၤ. က့ၤစိာ်ကဒါက့ၤအီၤဆူအကစၢ်အအိၣ်တက့ၢ်.