တၢ်ကတိၤဒိ. 26:26 - Sgaw Karen Common Bible

²⁶ အဝဲကပျိာ်လီၤဆီအတၢ်သးဟ့, ဘၣ်ဆၣ်ပှၤကိးဂၤဒဲးကထံၣ်တၢ်အၢ တၢ်သီတဖၣ်လၢအမၤဝဲန့ၣ်လီၤ.

တၢ်ကတိၤဒိ. 26:26 Iomraidhean Croise

လံာ်တၢ်ကဲထီၣ်အခီၣ်ထံး 4:8

ဒီးစီၤကၤယံၣ်စံးဘၣ်အပုၢ်စီၤဟ့းဘ့းလး, “ပကလဲၤသကိးဆူပျီပူၤ” န့ၣ်လီၤ. ဒီးဖဲအတုၤလၢပျီပူၤန့ၣ်ဒီးစီၤကၤယံၣ်ထီဒါအပုၢ်စီၤဟ့း ဘ့းလးဒီးမၤသံကွံာ်အီၤန့ၣ်လီၤ.

တၢ်ကတိၤဒိ. 10:9

ပှၤအတီအလိၤတဖၣ်လဲၤတၢ်ဂၢၢ်ဂၢၢ်ကျၢၤကျၢၤလီၤ. မ့မ့ၢ်ပှၤလၢအမၤဒၢက့ၣ်ဒၢကူအကျဲတဖၣ်န့ၣ်, ကဘၣ်တၢ်ဖီၣ်န့ၢ်အီၤလီၤ.

လံာ်မးသဲ 23:28

ဒ်န့ၣ်အသိးလၢအချၢန့ၣ်သုအိၣ်ဖျါဂ့ၤမးလၢပှၤကိးဂၤဒဲး အမဲာ်ညါလီၤ. ဘၣ်ဆၣ်ဒီး, သုသးပူၤတခီပှဲၤဝဲဒီးတၢ်ပာ်မၤအသးဒီး တၢ်ဒဲးဘးတဖၣ်လီၤ.

လံာ်လူၤကၣ် 8:17

တၢ်တမံၤလၢ်လၢ်လၢအဘၣ်တၢ်ပာ်ခူသူၣ်အီၤန့ၣ်, ကဘၣ်တၢ်ဒုးအိၣ်ဖျါထီၣ်အီၤလၢခိဒီးတၢ်တမံၤလၢ်လၢ်လၢ အဘၣ်တၢ်မၤဘံၣ်မၤဘၢဃာ်အီၤန့ၣ်, ကဘၣ်တၢ်ထံၣ်န့ၢ်ဒီးလီၣ်ဖျါထီၣ်အီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:17

တုၤနုၤတစု, စီၤစီလူးစံးဘၣ်စီၤဒၤဝံး, “အဝဲအံၤမ့ၢ်ယဖိမုၣ်အဒိၣ်ကတၢၢ်နီၢ်မ့ရ့ာ်လီၤ. ယကဟ့ၣ်အီၤလၢနၤဒ်နမါလၢနမ့ၢ်ယခ့ယပှၤလၢအဒူဒီးပှၤသုးဖိ လၢအသးတီဒီးယၤဒီးဒုးယွၤအတၢ်ဒုးတဖၣ်အဃိန့ၣ်လီၤ.” (စီၤစီလူးဆိကမိၣ်ဝဲလၢ, လၢကျဲဒ်အံၤန့ၣ်ပှၤဖလ့ၡသးဖိတဖၣ် ကမၤသံစီၤဒၤဝံးဒီးအလီၢ်တအိၣ်ဘၣ်လၢအဝဲအနီၢ်ကစၢ်ဒၣ်ဝဲ ကမၤသံဘၣ်စီၤဒၤဝံးဘၣ်န့ၣ်လီၤ.)

လံာ်စီၤၡမူၤအ့လးအခီၣ်ထံးတဘ့ၣ် 18:21

အဝဲစံးလီၤအသး, “ယကဟ့ၣ်နီၢ်မံကၤလးဆူစီၤဒၤဝံးဒီး ယကသူအီၤဒ်ထုအသိးလၢစီၤဒၤဝံးကဘၣ်တၢ်မၤသံကွံာ်အီၤလၢပှၤ ဖလ့ၡသးဖိတဖၣ်န့ၣ်လီၤ.” မၤသးဒ်န့ၣ်ဒီးစီၤစီလူးစံးဘၣ်စီၤဒၤဝံးခံစုတစု, “နကဘၣ်ကဲထီၣ်ယမာ်လီၤ.”