တၢ်ကတိၤဒိ. 26:21 - Sgaw Karen Common Bible

²¹ သွဲၣ်လးဒုးအိၣ်ထီၣ်မ့ၣ်အူအ့ၣ်ကဲၤကဖး, သ့ၣ်မုၣ်ဒုးကပျီၤ ထီၣ်မ့ၣ်အူလၣ်, ဒီးပှၤလၢအမၤကီမၤခဲတၢ်တဖၣ်တဒုးဆိတ့ၢ်တၢ် အ့ၣ်လိာ်ဆိးက့လိာ်တဖၣ်ဘၣ်.

တၢ်ကတိၤဒိ. 26:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 20:1

တၢ်မၤအသးလၢဝ့ၢ်ကံးလကၤလးအပူၤန့ၣ်ပှၤတဂိာ်တသီၣ်ဘၣ်တၢ်အိၣ် ဝဲတဂၤလၢပှၤဘံၣ်ယၤမံၣ်အဒူၣ်အကျါ, လၢအမ့ၢ်စီၤကံးဘြံၤအဖိခွါစီၤၡဘၤန့ၣ်လီၤ. အဝဲအူထီၣ်ကွဲၤဒီးကိးပသူထီၣ်ဝဲဒၣ်, “မ်စီၤဒၤဝံးဘၣ်တၢ်ပာ်လီၤကွံာ်အလီၢ်အလၤတက့ၢ်. ပတပိာ်အခံဘၣ်. ပှၤကီၢ်အံၣ်စရ့လးဖိသ့ၣ်ဧၢ, မ်ပက့ၤကဒါက့ၤဆူဟံၣ်တက့ၢ်.”

လံာ်စီၤပၤအခီၣ်ထံးတဘ့ၣ် 12:20

တုၤကီၢ်အံၣ်စရ့လးအပှၤဂီၢ်မုၢ်နၢ်ဟူတ့ၢ်ဝဲလၢ, စီၤယၤရၤဘၣ်ဟဲက့ၤကဒါက့ၤလံလၢကီၢ်အဲၤကူပတူးန့ၣ် အဝဲသ့ၣ်ကွဲအီၤဆူပှၤဂီၢ်မုၢ်အတၢ်အိၣ်ဖှိၣ်တခါ, ဒီးဒုးကဲအီၤလၢကီၢ်အံၣ်စရ့လးအစီၤပၤန့ၣ်လီၤ. ထဲဒၣ်ယူဒၤအဒူၣ်ဧိၤန့ၣ်အိၣ်သးတီတ့ၢ်ဝဲဒီးစီၤဒၤဝံး အစၢၤအသွဲၣ်တဖၣ်န့ၣ်လီၤ.

စံးထီၣ်ပတြၢၤ 120:4

လၢပှၤသုးဖိတဂၤအပျၢ်လၢအအ့ၣ်တဖၣ်, ဒီးမ့ၣ်အူကဖးအကဲၤဒီးကိၢ်န့ၣ်လီၤ.

တၢ်ကတိၤဒိ. 10:12

တၢ်သးဟ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်လီၤ. မ့မ့ၢ်, တၢ်အဲၣ်တၢ်ကွံကွၢ်ကပာ်ကွံာ်တၢ်မၤကမၣ်ခဲလၢာ်လီၤ.

တၢ်ကတိၤဒိ. 15:18

တၢ်သးကဲၤထီၣ်ဒုးအိၣ်ထီၣ်တၢ်ဂ့ၢ်လိာ်ဘှီလိာ်တဖၣ်လီၤ. မ့မ့ၢ်, တၢ်ဝံသးစူၤဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 29:22

ပှၤလၢအသးထီၣ်ချ့န့ၣ်ထိၣ်ဂဲၤထီၣ်တၢ်အ့ၣ်လိာ်ဆိးက့လိာ်ဒီး ဒုးအိၣ်ထီၣ်တၢ်ကီတၢ်ခဲအါမးလီၤ.

တၢ်ကတိၤဒိ. 30:33

နမ့ၢ်ဆှဲးဆှု ဆဲးဖှိးတၢ်နုၢ်ထံဒီးနကမၤန့ၢ်တၢ်နုၢ်ထံကိၢ် လိၣ်လီၤ. နမ့ၢ်မၤဘၣ်ဒိပှၤအနါဒ့ဒီးကသွံၣ်ထီၣ်ဝဲလီၤ. နမ့ၢ်ထိၣ်ဂဲၤထီၣ်တၢ်သူၣ်ဒိၣ်သးဖျိးဒီး, နကဘၣ်တၢ်ကီတၢ်ခဲန့ၣ်လီၤ.